Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 59 | |
59:1 См.: 🔗Чис. 11:23 🔗Ис. 50:2 | Еда не можетъ рука Господня спасти? или отягчилъ есть слухъ свой, еже не услышати? |
59:2 См.: 🔗Плч. 3:44 | Но грѣси ваши разлучаютъ между вами и между Богомъ, и грѣхъ ради вашихъ отврати лице свое от васъ, еже не помиловати. |
59:3 См.: 🔗Ис. 1:15 | Руцѣ во ваши оскверненѣ кровiю, и персты ваши во грѣсѣхъ, устнѣ же ваши возглаголаша беззаконiе, и языкъ вашъ неправдѣ поучается. |
59:4 | Никтоже глаголетъ правды, ниже есть судъ истиненъ: уповаютъ на суетная и глаголютъ тщетная, яко зачинаютъ трудъ и раждаютъ беззаконiе. |
59:5 См.: 🔗Мф. 12:34 | Яица аспидска разбиша и поставъ паучинный ткутъ, и хотяй от яицъ ихъ ясти, разбивъ запортокъ [его], обрѣте и въ немъ василиска. |
59:6 | Поставъ ихъ не будетъ на ризу, и не одеждутся от дѣлъ своихъ: дѣла бо ихъ дѣла беззаконiя. |
59:7 См.: 🔗Прит. 1:16 🔗Рим. 3:15 | Нозѣ же ихъ на зло текутъ, скори пролiяти кровь, и мысли ихъ мысли о убійствахъ: сокрушенiе и бѣдность во путехъ ихъ, |
59:8 См.: 🔗Ис. 57:20 | и пути мирнаго не познаша, и нѣсть суда во путехъ ихъ: стези бо ихъ развращены, по нихже ходятъ, и не вѣдятъ мира. |
59:9 См.: 🔗Ис. 59:14 🔗Иов. 30:26 | Того ради отступи от нихъ судъ, и не постигнетъ ихъ правда: ждущымъ имъ свѣта, бысть имъ тма, ждуще зари во мрацѣ ходиша. |
59:10 См.: 🔗Втор. 28:29 | Осяжутъ яко слѣпіи стѣну, яко суще безъ очесъ осязати будутъ, и падутся въ полудни яко въ полунощи, яко умирающе возстенутъ |
59:11 См.: 🔗Ис. 38:14 🔗Иер. 8:15 | яко медвѣдь, и яко голубь вкупѣ пойдутъ. Ждахомъ суда, и нѣсть, спасенiе далече отступи от насъ. |
59:12 См.: 🔗Пс. 39:13 | Много бо беззаконiе наше предъ тобою, и грѣси наши противу сташа намъ: беззаконiя бо наша въ насъ, и неправды нашя уразумѣхомъ: |
59:13 | нечествовахомъ и солгахомъ и отступихомъ от послѣдованiя Бога нашего: глаголахомъ неправду и не покорихомся, во утробѣ зачахомъ и поучихомся от сердца нашего словесемъ неправеднымъ: |
59:14 | и оставихомъ созади судъ, и правда далече отступи от насъ: яко изнеможе во путехъ ихъ истина, и правымъ [путемъ] не возмогоша прейти: |
59:15 | и истина взяся, и преставиша умъ свой еже смыслити. И видѣ Господь и негодова, яко не бяше суда: |
59:16 См.: 🔗Ис. 63:5 | и видѣ, и не бяше мужа, и помысли, и не бяше избавляющаго: и мсти имъ мышцею своею, и помилованiемъ утверди. |
59:17 | И одѣяся правдою яко щитомъ, и возложи шлемъ спасенiя на главу, и облечеся въ ризу отмщенiя, и одеждею своею: |
59:18 | яко воздаваяй воздаянiе укоризну супостатомъ. |
59:19 См.: 🔗Ис. 45:6 | И убоятся, иже от западъ, имене Господня, и иже от востокъ солнца, имене его славнаго: прiидетъ бо яко рѣка насильная гнѣвъ от Господа, прiидетъ со яростiю. |
59:20 См.: 🔗Рим. 11:26 | И прiидетъ Сiона ради избавляяй, и отвратитъ нечестiе от Иакова. |
59:21 См.: 🔗Иез. 36:27 | И сей имъ иже от мене завѣтъ, рече Господь: Духъ мой, иже есть въ тебѣ, и глаголы, яже азъ дахъ во уста твоя, не оскудѣютъ от устъ твоихъ и от устъ сѣмене твоего: рече бо Господь отнынѣ и во вѣкъ. |