Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 45 | |
45:1 См.: 🔗Иер. 36:4 | Слово, еже глагола иереміа пророкъ къ Варуху сыну ниріеву, егда вписа словеса сiя въ книгу от устъ иереміиныхъ, въ четвертое лѣто Иоакима, сына Иосіина, царя Иудина, глаголя: |
45:2 | тако глаголетъ Господь Вседержитель о тебѣ, Варуше: |
45:3 | яко реклъ еси: о, лютѣ мнѣ! о, лютѣ мнѣ! яко приложи Господь трудъ къ болѣзни моей, успохъ со стенанiемъ, покоя не обрѣтохъ. |
45:4 См.: 🔗Иер. 24:6 🔗Ам. 9:11 | Рцы ему, сице глаголетъ Господь: се, яже азъ соградихъ, азъ разорю: и яже насадихъ азъ, исторгну, и всю землю мою. |
45:5 См.: 🔗Рим. 12:16 🔗Иер. 21:9 | И ты ли взыщеши себѣ великихъ? не ищи: яко се, азъ наведу злая на всяку плоть, глаголетъ Господь, и дамъ душу твою въ корысть во всяцѣмъ мѣстѣ, аможе аще пойдеши. |