Книга Иисуса Навина, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗4Цар. 15:29	Егда же услыша Иавинъ царь Асорскъ, посла ко Иоваву царю Мадонску, и къ царю семеронску и къ царю Ахiавску,
11:2 См.: 🔗Лк. 5:1	и къ царемъ иже въ Сидонѣ велицѣмъ и въ горнѣй, и въ араву прямо хенереѳу, и на поляну, и въ Нафеддоръ,
11:3 См.: 🔗Нав. 6:1 🔗Нав. 24:11	и къ при­­морскимъ Хананеамъ от­ востокъ, и къ при­­морскимъ Аморреомъ и Хеттеомъ, и Ферезеомъ и Иевусеомъ, иже на горѣ, и Евеомъ, и иже подъ аермономъ, въ землю Массифа.
11:4 См.: 🔗1Мак. 11:1	И изыдоша сіи и царiе ихъ съ ними, людiе мнози, яко песокъ иже при­­ краи моря множе­с­т­вомъ, и кони и колесницы многи зѣло.
11:5	И снидошася вси царiе сіи, и прiидоша вкупѣ, и ополчишася при­­ водѣ марронъ во­евати на Израиля.
11:6 См.: 🔗Нав. 10:8	И рече Господь ко иисусу: не убойся от­ лица ихъ, яко заутра въ сей часъ азъ предамъ ихъ язвен­ныхъ предъ сыны Израилевы: конемъ ихъ жилы пресѣчеши и колесницы ихъ да сожжеши огнемъ.
11:7	И прiиде иисусъ и вси людiе во­инстiи съ нимъ на нихъ къ водѣ марронстѣй внезапу, и нападоша на ня въ горнѣй.
11:8 См.: 🔗Нав. 24:11 🔗Быт. 10:15	И предаде ихъ Господь подъ руцѣ Израилевы: и сѣкуще ихъ, прогнаша даже до Сидона великаго и до Масрефоѳъ-маима и до поль Массифскихъ къ востокомъ: и изсѣкоша ихъ, дондеже не остася въ нихъ ни единъ цѣлъ и избѣгшiй.
11:9	И сотвори имъ иисусъ, якоже заповѣда ему Господь: конемъ ихъ жилы пресѣче и колесницы ихъ сожже огнемъ.
11:10 См.: 🔗3Цар. 9:15 🔗Иер. 49:28	И обратися иисусъ въ то время, и взя Асоръ, и царя его уби мечемъ: Асоръ бо бѣ прежде обладающiй всѣми цар­ст­вы сими:
11:11 См.: 🔗Чис. 33:52 🔗Втор. 20:16 🔗Суд. 4:2	и изби все дышущее, еже въ немъ бысть, острiемъ меча, и потребиша вся, и не остася въ немъ все дышущее: и Асоръ запалиша огнемъ.
11:12 См.: 🔗Чис. 33:52 🔗Втор. 7:2	И вся грады цар­ст­въ сихъ и вся цари ихъ взя иисусъ и изби я мечемъ, и потреби ихъ, якоже повелѣ имъ Моисей рабъ Господень.
11:13	Но вся грады крѣпки не запали Израиль, точiю Асоръ единъ запали иисусъ.
11:14	И вся корысти ихъ и вся скоты ихъ плѣниша себѣ сынове Израилевы: людій же всѣхъ потребиша мечемъ, дондеже погубиша ихъ, и не оставиша от­ нихъ ни единаго дышущаго.
11:15 См.: 🔗Исх. 34:11	Якоже повелѣ Господь Моисею рабу сво­ему, тако Моисей заповѣда иисусу: и тако сотвори иисусъ, не преступи ни единаго же от­ всѣхъ, яже заповѣда Господь Моисею.
11:16 См.: 🔗Нав. 10:41	И взя иисусъ всю землю горную и всю землю нагевъ, и всю землю госомску, и равную, и яже на западъ, и гору Израилеву, и поля яже при­­ горѣ,
11:17	от­ горы хелха, и яже восходитъ къ сеиру, и даже до Валгада, и поле Ливана подъ горою аермонъ: и вся цари ихъ взя и изби.
11:18	И многи дни сотвори иисусъ съ цари сими брань:
11:19 См.: 🔗Нав. 9:18	и не бѣ ни единаго града, егоже не предаде Господь сыномъ Израилевымъ, кромѣ Евеа обитающаго въ гаваонѣ: всѣхъ взяша бранiю:
11:20 См.: 🔗Нав. 24:12	яко Господемъ бысть укрѣпитися ихъ сердцу, сопротивитися на брани противу Израиля, да потребятъ ихъ, яко да не даст­ся имъ милость, но да потребят­ся, якоже глагола Господь къ Моисею.
11:21 См.: 🔗Чис. 13:23	И прiиде иисусъ въ то время, и потреби [вся] енакимы от­ горныя, от­ Хеврона и от­ давира и от­ Анова, и от­ всея горы Израилевы и от­ всея горы Иудины, съ грады ихъ, и потреби я иисусъ:
11:22 См.: 🔗Иер. 47:5 🔗2Цар. 21:20 🔗1Цар. 17:4	не остася ни единъ енакимъ от­ сыновъ Израилевыхъ, но точiю въ Газѣ и въ геѳѣ и во Асидоѳѣ осташася.
11:23 См.: 🔗Нав. 14:15	И взя иисусъ всю землю, якоже заповѣда Господь Моисею: и даде ю иисусъ въ наслѣдiе Израилю, раздѣленiемъ по племеномъ ихъ. И преста земля воюема быти.