Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 27 | |
27:1 | И рече давидъ въ сердцы своемъ, глаголя: нынѣ впаду въ день единъ въ руки Саули, и не будетъ ми благо, аще не спасуся въ земли иноплеменничи, и престанетъ Саулъ искати мене во всякомъ предѣлѣ Израилевѣ, и спасуся изъ руки его. |
27:2 См.: 🔗1Цар. 21:10 | И воста давидъ и шесть сотъ мужей иже съ нимъ, и иде ко агхусу сыну Аммахову царю геѳску. |
27:3 См.: 🔗1Цар. 25:39 🔗1Цар. 30:5 | И пребысть давидъ у агхуса въ геѳѣ, самъ и мужiе его вси и домъ его, и давидъ и обѣ жены его, Ахинаамъ Иезраилитыня и Авигеа жена Навала кармилскаго. |
27:4 | И возвѣстиша Саулу, яко отбѣже давидъ въ геѳъ, и не приложи ктому [саулъ] искати его. |
27:5 | И рече давидъ ко агхусу: аще обрѣте рабъ твой благодать предъ очима твоима, да даси ми мѣсто во единѣмъ от градовъ иже на селѣ, и сяду тамо: и вскую сѣдитъ рабъ твой во градѣ царственнѣмъ съ тобою? |
27:6 См.: 🔗Нав. 15:31 🔗1Цар. 29:4 | И даде ему агхусъ въ день той секелагъ: сего ради бысть царю Иудейску секелагъ до днешняго дне. |
27:7 См.: 🔗1Цар. 29:3 | И бысть число дній, въ няже сѣдяше давидъ на селѣ иноплеменничи, четыри месяцы. |
27:8 См.: 🔗Нав. 12:5 🔗Нав. 13:17 | И восхождаше давидъ и мужiе его и нападаху на всякаго гессера и на Амаликита, и се, земля населяшеся от ламсура и до земли Египетскiя: |
27:9 См.: 🔗Втор. 25:19 | и поражаше давидъ землю, и не оставляше въ живыхъ мужеска полу и женска: и взимаху стада, и буйволицы и ослята, и велблюды и ризы, и возвращающеся прихождаху ко агхусу. |
27:10 | И рече агхусъ къ давиду: на кого нападосте нынѣ? И рече давидъ ко агхусу: къ югу Иудеи и къ югу Иесмеги и къ югу Кенезіа: |
27:11 | и мужеска полу и женска не оставляхъ въ живыхъ еже вводити въ геѳъ, глаголя: да не возвѣстятъ въ геѳѣ на насъ, глаголюще: сiя творитъ давидъ. И сiе оправданiе его во вся дни, въ няже сѣдяше давидъ на селѣ иноплеменничи. |
27:12 | И увѣрися давидъ агхусу зѣло, глаголя: омерзѣнiемъ омерзѣ въ людехъ своихъ во Израили, и будетъ ми рабъ во вѣки. |