Второзаконие, глава 14

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 14
14:1 См.: 🔗Лев. 19:27 🔗3Цар. 18:28	Сынове есте Господа Бога ва­шего: да не нарѣзуетеся и не воз­ложите плѣши между очима вашима надъ мертвымъ:
14:2 См.: 🔗Втор. 7:6 🔗Втор. 26:18	яко людiе святи есте Господеви Богу ва­шему, и васъ избра Господь Богъ вашъ быти вамъ людемъ избран­нымъ Ему от­ всѣхъ языковъ иже на лицы земли.
14:3 См.: 🔗Деян. 10:14	Да не снѣсте всякiя мерзости.
14:4 См.: 🔗Лев. 11:2	Сiя скоты ядите: телца от­ говядъ и агнца от­ овецъ и козла от­ козъ:
14:5 См.: 🔗Втор. 12:15	еленя и серну, и буйвола и ланя, и зубря и онагра и сайгака.
14:6	Всякъ скотъ на двое дѣля пазнокти, и копыто на двое копытя, и от­рыгая жванiе въ скотѣхъ, да ясте.
14:7 См.: 🔗Лев. 11:4	И сихъ да не снѣсте от­ от­рыгающихъ жванiе и от­ дѣлящихъ пазнокти на двое, но копытъ не раздвояющихъ: велблюда и заяца и хирогрилля: яко от­рыгаютъ жванiе сіи, но копытъ не раздвояютъ, нечиста сiя вамъ суть.
14:8 См.: 🔗Ис. 65:4	И свинiи, яко на двое дѣлитъ пазнокти и копыта раздвояетъ, и сiя жванiя не от­рыгаетъ, нечиста сiя вамъ есть: от­ мясъ ихъ да не ясте, и мертвечинамъ ихъ да не при­­коснетеся.
14:9 См.: 🔗Лев. 11:9	И сiя да ясте от­ всѣхъ яже въ водѣ: вся, имже суть перiе и чешуя, ядите.
14:10	И всѣхъ, имже нѣсть перiя, ни чешуи, да не ясте: нечиста суть вамъ.
14:11	Всяку птицу чисту да ясте.
14:12 См.: 🔗Лев. 11:13	И сихъ да не ясте от­ нихъ:
14:13	орла и грифа и орла морскаго,
14:14	и неясыти и иктина и подобныхъ симъ:
14:15	и врана и врабiя, и выпелицы и сухолапля, и ястреба и подобныхъ симъ:
14:16	и врана нощнаго и лилика и подобныхъ симъ:
14:17	и еродіа и лебедя, и ивина и катаракта, и вдода
14:18	и нощнаго нетопыря, и сыча и теслоноса, и Харадрiона и подобныхъ симъ, и порфирiона.
14:19	Вся гады птичiя нечиста суть вамъ: да не ясте от­ нихъ.
14:20	Всяку птицу чисту да ясте.
14:21 См.: 🔗Исх. 23:19 🔗Исх. 34:26	Всякiя мертвечины да не ясте: при­­селнику, иже во градѣхъ тво­ихъ, да дасте, и да ястъ, или да продасте стран­нику: яко людiе святи есте Господеви Богу ва­шему. Да не свариши ягняте во млецѣ матере его.
14:22 См.: 🔗Лев. 27:30 🔗Чис. 18:21	Десятины да даси от­ всего плода сѣмене сво­его, плодъ нивъ тво­ихъ от­ года до года,
14:23 См.: 🔗Втор. 12:7 🔗Мф. 21:12	и да снѣси я предъ Господемъ Богомъ тво­имъ на мѣстѣ, идѣже изберетъ Господь Богъ твой при­­зывати имя Его тамо: да при­­несеши десятину пшеницы тво­ея и вина тво­его и елеа тво­его, и первенцы воловъ тво­ихъ и овецъ тво­ихъ, да научишися боятися Господа Бога тво­его вся дни.
14:24	Аще же далече будетъ путь от­ тебе и не воз­можеши донести ихъ, яко далече мѣсто от­ тебе, еже изберетъ Господь Богъ твой при­­зывати имя Его тамо, яко да благословитъ тя Господь Богъ твой:
14:25 См.: 🔗Мф. 21:12	и продаси сiе на цѣнѣ, и возмеши сребро въ руку твою, и пойдеши на мѣсто, еже изберетъ Господь Богъ твой,
14:26 См.: 🔗Лев. 10:9 🔗Втор. 27:7	и даси сребро за все, на неже пожелаетъ душа твоя, на волы и овцы, или на вино, или на Сикеру, или на все, егоже желаетъ душа твоя, и да снѣси тамо предъ Господемъ Богомъ тво­имъ, и воз­веселишися ты и домъ твой.
14:27 См.: 🔗Чис. 18:20	И левитъ иже во градѣхъ тво­ихъ, не оставиши его, яко нѣсть ему части ни жребiя съ тобою:
14:28 См.: 🔗Лев. 27:30	по трехъ лѣтѣхъ да изнесеши всю десятину житъ тво­ихъ въ лѣто оно, да положиши ю во градѣхъ тво­ихъ:
14:29 См.: 🔗Прит. 10:24 🔗2Кор. 9:6	и прiидетъ левитъ, яко нѣсть ему части ни жребiя съ тобою, и при­­шлецъ, и сирота и вдова, яже во градѣхъ тво­ихъ, да ядятъ и насытят­ся: да благословитъ тя Господь Богъ твой во всѣхъ дѣлѣхъ тво­ихъ, яже аще сотвориши.