Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 4 | |
4:1 | [Зач. 175.] Сего ради имуще служенiе сiе, якоже помиловани быхомъ, не стужаемъ си: |
4:2 См.: 🔗Деян. 23:9 🔗2Кор. 2:17 | но отрекохомся тайныхъ срама, не въ лукавствiи ходяще, ни льстяще словесе Божiя, но явленiемъ истины представляюще себе ко всяцѣй совѣсти человѣчестѣй, предъ Богомъ. |
4:3 См.: 🔗1Кор. 1:18 | Аще ли же есть покровено благовѣствованiе наше, въ гибнущихъ есть покровено, |
4:4 | въ нихже богъ вѣка сего ослѣпи разумы невѣрныхъ, во еже не возсiяти имъ свѣту благовѣствованiя славы Христовы, Иже есть образъ Бога невидимаго. |
4:5 См.: 🔗1Кор. 2:2 🔗1Кор. 3:5 | Не себе бо проповѣдаемъ, но Христа Иисуса Господа: себе же самѣхъ рабовъ вамъ Иисуса [Господа] ради: |
4:6 См.: 🔗Быт. 1:3 🔗1Пет. 2:9 | [Зач. 176.] яко Богъ рекій изъ тмы свѣту возсiяти, иже возсiя въ сердцахъ нашихъ, къ просвѣщенiю разума славы Божiя о лицы Иисусъ Христовѣ. |
4:7 См.: 🔗1Кор. 2:5 🔗2Кор. 3:5 | Имамы же сокровище сiе въ скудельныхъ сосудѣхъ, да премножество силы будетъ Божiя, а не от насъ: |
4:8 | во всемъ скорбяще, но не стужающе си: нечаеми, но не отчаяваеми: |
4:9 См.: 🔗Пс. 36:24 | гоними, но не оставляеми: низлагаеми, но не погибающе: |
4:10 См.: 🔗Гал. 6:17 | всегда мертвость Господа Иисуса въ тѣлѣ носяще, да и животъ Иисусовъ въ тѣлѣ нашемъ явится. |
4:11 См.: 🔗Рим. 8:17 | Присно бо мы живіи въ смерть предаемся Иисуса ради, да и животъ Иисусовъ явится въ мертвеннѣй плоти нашей: |
4:12 | тѣмже смерть убо въ насъ дѣйствуетъ, а животъ въ васъ. |
4:13 См.: 🔗Пс. 115:1 | [Зач. 177.] Имуще же тойже духъ вѣры, по писанному: вѣровахъ, тѣмже возглаголахъ: и мы вѣруемъ, тѣмже и глаголемъ, |
4:14 См.: 🔗1Кор. 6:14 🔗1Фес. 1:10 | вѣдяще, яко Воздвигiй Господа Иисуса, и насъ со Иисусомъ воздвигнетъ, и предпоставитъ съ вами. |
4:15 | Вся бо васъ ради, да благодать умножившаяся, множайшими благодаренiи избыточествитъ въ славу Божiю. |
4:16 См.: 🔗1Пет. 3:4 🔗Еф. 3:16 | Тѣмже не стужаемъ си: но аще и внѣшнiй нашъ человѣкъ тлѣетъ, обаче внутреннiй обновляется по вся дни. |
4:17 См.: 🔗Рим. 8:18 | Еже бо нынѣ легкое печали нашея, по преумноженiю въ преспѣянiе тяготу вѣчныя славы содѣловаетъ намъ, |
4:18 См.: 🔗Евр. 11:1 | не смотряющымъ намъ видимыхъ, но невидимыхъ: видимая бо временна, невидимая же вѣчна. |