Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 | Да не будетъ жерцемъ левитомъ всему племени Левіину части ниже жребiя со Израилемъ: приношенiя Господу жребiй ихъ, да ядятъ я: |
18:2 | жребiй же да не будетъ ему въ братiи его: Господь Самъ жребiй его, якоже рече ему. |
18:3 | И сей судъ жерцевъ, яже от людій, от приносящихъ жертвы, аще телца, аще овцу: и даси жерцу рамо, и челюсти, и утробу: |
18:4 См.: 🔗Неем. 10:37 🔗Иез. 44:30 | и начатки пшеницы твоея и вина твоего и елеа твоего, и начатокъ стриженiя овецъ твоихъ да даси ему: |
18:5 | яко того избра Господь Богъ твой от всѣхъ племенъ твоихъ предстояти предъ Господемъ Богомъ твоимъ, служити и благословити во имя Господне, той и сынове его во вся дни. |
18:6 | Аще же прiидетъ левитъ от единаго градовъ вашихъ, от всѣхъ сыновъ Израилевыхъ, идѣже той обитаетъ, якоже желаетъ душа его, на мѣсто, еже изберетъ Господь, |
18:7 | да служитъ имени Господа Бога вашего, якоже и вся братiя его левити предстоящiи тамо предъ Господемъ: |
18:8 | часть отдѣленую да ястъ, кромѣ продажи яже по отечеству. |
18:9 См.: 🔗Лев. 18:26 🔗Втор. 12:30 | Аще же внидеши въ землю, юже Господь Богъ твой даетъ тебѣ, да не навыкнеши творити по мерзостемъ языковъ тѣхъ: |
18:10 См.: 🔗Лев. 20:27 🔗1Цар. 28:7 | да не обрящется въ тебѣ очищая сына своего и дщерь свою огнемъ, волхвуя волхвованiемъ и чаруяй и птицеволшебствуяй, |
18:11 | чародѣй обавая обаванiемъ, утробоволхвуяй и знаменосмотритель, и вопрошаяй мертвыхъ: |
18:12 | есть бо мерзость Господеви Богу твоему всякъ творяй сiя: сихъ бо ради мерзостей потребитъ я Господь Богъ твой от лица твоего. |
18:13 | Совершенъ да будеши предъ Господемъ Богомъ твоимъ. |
18:14 | Языцы бо сіи, ихже ты наслѣдиши, сіи чарованiй и волхвованiй послушаютъ: тебѣ же не тако даде Господь Богъ твой. |
18:15 См.: 🔗Деян. 3:22 🔗Деян. 7:37 | Пророка от братiи твоея, якоже мене, возставитъ тебѣ Господь Богъ твой, Того послушайте: |
18:16 См.: 🔗Исх. 20:19 🔗Евр. 12:18 | по всему, елико просилъ еси от Господа Бога твоего въ Хоривѣ въ день собранiя, глаголюще: да не приложимъ слышати гласа Господа Бога нашего, и огня великаго сего не увидимъ по семъ, да не измремъ. |
18:17 | И рече Господь ко мнѣ: право вся, елика глаголаху къ тебѣ: |
18:18 | Пророка возставлю имъ от среды братiи ихъ, якоже тебе: и вдамъ слово Мое во уста Его, и возглаголетъ имъ, якоже заповѣдаю Ему: |
18:19 См.: 🔗4Цар. 2:24 🔗Ин. 12:48 | и человѣкъ той, иже не послушаетъ словесъ Его, елика возглаголетъ Пророкъ оный во имя Мое, Азъ отмщу от него: |
18:20 См.: 🔗Втор. 13:5 🔗Иер. 14:14 | обаче пророкъ, иже вознечествуетъ глаголати во имя Мое слово, егоже не повелѣхъ ему глаголати, и иже аще возглаголетъ во имя боговъ инѣхъ, да умретъ пророкъ той. |
18:21 См.: 🔗Иер. 23:31 | Аще же речеши въ сердцы своемъ: како познаемъ слово, егоже не глагола Господь? |
18:22 См.: 🔗Иер. 28:9 | елика аще возглаголетъ пророкъ во имя Господне, и не сбудется, и не случится слово сiе, егоже не рече Господь: въ нечестiи глагола пророкъ той, не убойтеся его. |