Книга Числа, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1 См.: 🔗Чис. 33:40	И услыша Хананей царь Арадскiй живый при­­ пустыни, яко прiиде Израиль путемъ Аѳаримскимъ, и ратова противу Израиля, и взя от­ нихъ плѣнъ.
21:2 См.: 🔗Лев. 27:28	И обѣщася Израиль обѣтомъ Господу и рече: аще мнѣ предаси люди сiя подручны, погублю ихъ и грады ихъ.
21:3 См.: 🔗Нав. 2:9	И услыша Господь гласъ Израилевъ и предаде Хананеа подручна ему: и опустоши его и грады его, и прозва имя мѣсту тому Запустѣнiе.
21:4 См.: 🔗Чис. 11:1	И воз­двигшеся от­ Ора горы путемъ иже къ морю Чермному, обыдоша землю Едомлю: и малодуше­с­т­воваша людiе на пути,
21:5 См.: 🔗Втор. 6:16	и роптаху людiе на Бога и на Моисеа, глаголюще: вскую извелъ еси ны изъ Египта убити насъ въ пустыни, яко нѣсть хлѣба, ни воды? И душа наша негодуетъ о хлѣбѣ семъ тщемъ.
21:6 См.: 🔗Прем. 16:5 🔗1Кор. 10:9	И посла Господь на люди змиевъ умерщвляющихъ, и угрызаху людій: и умроша люди мнози от­ сыновъ Израилевыхъ.
21:7 См.: 🔗Исх. 8:8	И при­­шедше людiе къ Моисеови глаголаша: согрѣшихомъ, яко роптахомъ на Господа и на тя: помолися убо ко Господу, да от­женетъ от­ насъ змiи. И помолися Моисей ко Господу о людехъ.
21:8 См.: 🔗Ин. 3:14	И рече Господь къ Моисею: сотвори себѣ змiю [мѣдяну] и положи ю на знамя: и будетъ аще угрызетъ змiя человѣка, всякъ угрызен­ный видѣвъ ю живъ будетъ.
21:9 См.: 🔗4Цар. 18:4 🔗Ин. 3:14	И сотвори Моисей змiю мѣдяну и постави ю на знамени: и бысть егда угрыза­ше змiя человѣка, и взира­ше на змiю мѣдяну, и ожива­ше.
21:10 См.: 🔗Чис. 33:43	И воз­двигошася сынове Израилевы, и ополчишася во Овоѳѣ:
21:11 См.: 🔗Чис. 33:44	и воз­двигшеся от­ Овоѳа, ополчишася во Ахалгеи объ ону страну пустыни, яже есть предъ лицемъ Моавитскимъ, на востокъ солнца:
21:12 См.: 🔗Втор. 2:13	и от­туду воз­двигошася, и ополчишася въ дебри Заредъ:
21:13 См.: 🔗Суд. 11:13	и от­туду воз­двигшеся, ополчишася объ ону страну Арнона въ пустыни, яже исходитъ от­ предѣлъ Аморрейскихъ: есть бо Арнонъ предѣлъ Моавль между Моавомъ и между Аморреомъ.
21:14	Сего ради глаголет­ся въ книзѣ брань Господня: Зоову попали, и потоки Арнони,
21:15 См.: 🔗Ис. 15:8	и потоки устрои въ селенiе Иръ, и при­­лежитъ предѣломъ Моавлимъ.
21:16 См.: 🔗Чис. 20:8	И от­туду [воз­двигошася] ко Кладязю: сей есть кладязь, о немже рече Господь къ Моисею: собери люди, и дамъ имъ воду пити.
21:17	Тогда воспѣ Израиль пѣснь сiю у кладязя: начинайте ему:
21:18 См.: 🔗Втор. 33:21	кладязь, ископаша его князи, изсѣкоша его царiе язычестiи во цар­ст­вiи ихъ, внегда обладати ими. И от­ кладязя [воз­двигошася] въ Манѳанаилъ:
21:19	и от­ Манѳанаила въ Наадiилъ, и от­ Наадiила въ Вамоѳъ:
21:20	и от­ Вамоѳа въ Напинъ, иже есть на поли Моавли, от­ верха Изсѣченаго, зрящаго предъ лице пустыни.
21:21 См.: 🔗Втор. 2:26 🔗Суд. 11:19 🔗Неем. 9:22	И посла Моисей послы къ Сиону царю Аморрейску, словесы мирными глаголя:
21:22 См.: 🔗Чис. 20:17	да пройдемъ сквоз­ѣ землю твою, путемъ пойдемъ: не уклонимся ни на села, ни на винограды, не испiемъ воды от­ кладязь тво­ихъ: путемъ царскимъ пойдемъ, дондеже пройдемъ предѣлы твоя.
21:23 См.: 🔗Втор. 2:32	И не даде Сионъ Израилю про­ити сквоз­ѣ предѣлы своя: и собра Сионъ вся люди своя, и изыде ополчитися на Израиля въ пустыню: и прiиде во Иассанъ, и ополчися на Израиля.
21:24 См.: 🔗Втор. 31:4 🔗Нав. 9:10 🔗Нав. 24:8 🔗Суд. 11:21 🔗Пс. 134:11 🔗Ам. 2:9 🔗3Езд. 1:11	И порази его Израиль убій­ст­вомъ меча, и облада­ше землею его от­ Арнона до Иавока, даже до сыновъ Амманихъ: яко Иазиръ предѣлы сыновъ Амманихъ суть.
21:25	И взя Израиль вся грады сiя: и вселися Израиль во всѣхъ градѣхъ Аморрейскихъ, во Есевонѣ и во всѣхъ подлежащихъ ему:
21:26	есть бо Есевонъ градъ Сиона царя Аморрейска: и сей пово­ева царя Моавля прежде и взя всю землю его от­ Аро­ира даже до Арнона.
21:27	Сего ради рекутъ приточницы: прiидите во Есевонъ, да соградит­ся и созиждет­ся градъ Сiонъ:
21:28 См.: 🔗Иер. 48:45	яко огнь изыде от­ Есевона и пламень от­ града Сiона, и пояде даже до Моава, и пожре столпы Арнонскiя:
21:29 См.: 🔗3Цар. 11:7	горе тебѣ, Моаве, погибосте, людiе Хамосовы: продани быша сынове ихъ въ заключенiе и дщери ихъ плѣн­ницы царю Аморрейскому Сиону:
21:30 См.: 🔗Ис. 15:2 🔗Иер. 48:8	и сѣмя ихъ погибнетъ, Есевонъ даже до Девона: и жены ихъ еще разожгоша огнь на Моава.
21:31	Вселися же Израиль во вся грады Аморрейски:
21:32	и посла Моисей соглядати Иазира: и взяша его и села его, и изгнаша Аморреа живущаго тамо:
21:33 См.: 🔗Втор. 3:1 🔗Втор. 29:7	и воз­вратив­шеся, прiидоша путемъ въ Васанъ. И изыде Огъ, царь Васанскiй, противу имъ и вси людiе его на брань во Едраинъ.
21:34 См.: 🔗Пс. 134:11	И рече Господь къ Моисею: не убойся его, яко въ руцѣ тво­и предахъ его и вся люди его и всю землю его: и сотвориши ему, якоже сотворилъ еси Сиону царю Аморрейску, иже живяше во Есевонѣ.
21:35	И порази его и сыны его и вся люди его, даже не оста въ нихъ живый: и наслѣдиша землю его.