Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 См.: 🔗Быт. 10:10 🔗Быт. 11:2 | Бысть же въ царство Амарфала царя Сеннаарска, и Арiохъ царь Елласарскъ, и Ходоллогоморъ царь Еламскъ, и Ѳаргалъ царь языческiй |
14:2 См.: 🔗Быт. 19:22 | сотвориша рать съ Валлою царемъ Cодомскимъ и съ Варсою царемъ Гоморрскимъ, и съ Сеннааромъ царемъ Адамы и съ Симоворомъ царемъ Севоимскимъ, и съ царемъ Валаки: сiя есть Сигоръ. |
14:3 | Вси сіи совѣщашася на юдоль Сланую: сiе есть море Сланое. |
14:4 | Дванадесять лѣтъ тіи работаша Ходоллогомору: третiяго же надесять лѣта отступиша. |
14:5 | И въ четвертое надесять лѣто, прiиде Ходоллогоморъ, и цари иже съ нимъ, и изсѣкоша Исполиновъ сущихъ во Астароѳѣ и въ Карнаинѣ, и языки крѣпки вкупѣ съ ними, и Омеовъ, иже въ Сави градѣ, |
14:6 | и Хорреовъ, иже въ горахъ Сиирскихъ, даже до Теревинѳа Фараня, иже есть въ пустыни. |
14:7 | И возвратившеся прiидоша ко источнику Судному, иже есть Кадисъ: и ссѣкоша вся князи Амаликовы, и Аморреовъ живущихъ во Асасанѳамарѣ. |
14:8 | Изыде же царь Cодомскiй и царь Гоморрскiй, и царь Адаманскiй и царь Севоимскiй, и царь Валаки, сiя есть Сигоръ: и ополчишася противу ихъ на брань во юдоли Сланой, |
14:9 | на Ходоллогомора царя Еламска и Ѳаргала царя языческа, и Амарфала царя Сеннаарска и Арiоха царя Елласарска: четыри цари на пять. |
14:10 | Юдоль же Сланая имяше кладязи смоляныя. И побѣже царь Cодомскiй и царь Гоморрскiй, и падоша тамо: оставшiися же бѣжаша въ горняя [и одержаша я]. |
14:11 | Взяша же вся конныя Cодомскiя и Гоморрскiя и вся брашна ихъ, и отидоша. |
14:12 | Взяша же и Лота сына брата Аврамова и имѣнiе его, и отидоша: бѣ бо въ Cодомѣхъ живый. |
14:13 См.: 🔗Быт. 17:8 🔗Евр. 11:9 | Пришедъ же единъ от уцѣлѣвшихъ, возвѣсти Авраму пришелцу, иже живяше у дуба Мамврійскаго, Аморреа брата Есхоля и брата Авнаня, иже бѣша союзницы Аврамовы. |
14:14 См.: 🔗Нав. 19:47 | Слышавъ же Аврамъ, яко плѣненъ бысть Лотъ братаничь его, сочте домочадцы своя триста и осмьнадесять, и погна вслѣдъ ихъ даже до Дана. |
14:15 | И нападе на ня нощiю самъ и отроцы его [съ нимъ]: и порази ихъ и гони ихъ даже до Ховала, иже есть ошуюю Дамаска: |
14:16 | и возврати вся конныя Cодомскiя, и Лота сына брата своего возврати, и вся имѣнiя его, и жены, и люди. |
14:17 См.: 🔗2Цар. 18:18 | Изыде же царь Cодомскiй въ срѣтенiе ему, повнегда возвратитися ему от сѣча Ходоллогоморскаго, и царей сущихъ съ нимъ, въ юдоль Савину: сiе же бяше поле царево: |
14:18 См.: 🔗Евр. 7:1 | и Мелхиседекъ царь Салимскiй изнесе хлѣбы и вино: бяше же священникъ Бога Вышняго. |
14:19 | И благослови Аврама, и рече: благословенъ Аврамъ Богомъ Вышнимъ, Иже созда небо и землю: |
14:20 См.: 🔗Евр. 7:4 | и благословенъ Богъ Вышнiй, Иже предаде враги твоя подъ руки тебѣ. И даде ему десятину Аврамъ от всего. |
14:21 | Рече же царь Cодомскiй ко Авраму: даждь ми мужы, а кони возми себѣ. |
14:22 | Рече же Аврамъ къ царю Cодомску: воздвигну руку мою ко Господу Богу Вышнему, Иже сотвори небо и землю: |
14:23 | аще от нити до ременя сапожнаго возму от всего твоего, да не речеши, яко азъ обогатихъ Аврама: |
14:24 См.: 🔗Быт. 14:13 | кромѣ сихъ, яже снѣдоша отроцы, и части мужей, иже ходиша со мною, Есхолъ, Авнанъ, Мамврій: сіи да возмутъ части [своя]. |