Третья книга Царств (Первая книга Царей), глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗2Пар. 7:11	И бысть егда сконча соломонъ зиждяй храмъ Господень и домъ царевъ и всякое дѣло свое соломонъ, елика восхотѣ сотворити,
9:2 См.: 🔗3Цар. 3:5 🔗3Цар. 11:9	и явися Господь соломону вторицею, якоже явися ему въ гаваонѣ,
9:3 См.: 🔗Втор. 12:11 🔗3Цар. 8:29 🔗4Цар. 21:4	и рече къ нему Господь: услышахъ гласъ молитвы тво­ея и моленiя тво­его, имже молил­ся еси предо мною: сотворихъ ти по всей молитвѣ тво­ей, и освятихъ храмъ сей, егоже создалъ еси, еже положити имя мое тамо во вѣки, и будутъ очи мо­и ту и сердце мое во вся дни:
9:4	и ты аще пойдеши предо мною, якоже ходи давидъ отецъ твой въ преподобiи сердца и въ правотѣ, и еже творити по всѣмъ, яже заповѣдахъ ему, и повелѣнiя моя и заповѣди моя сохраниши:
9:5 См.: 🔗3Цар. 6:12 🔗2Цар. 7:12	и воз­ставлю престолъ цар­ст­вiя тво­его во Израили во вѣки, якоже глаголахъ къ давиду отцу тво­ему, глаголя: не оскудѣетъ ти мужъ властелинъ во Израили:
9:6	аще же от­вращающеся от­вратитеся вы и чада ваша от­ мене и не сохраните заповѣдiй мо­ихъ и повелѣнiй мо­ихъ, яже даде Моисей предъ вами, и пойдете и поработаете богомъ инымъ и поклонитеся имъ:
9:7	и изрину Израиля изъ земли, юже дахъ имъ, и храмъ сей, егоже освятихъ имени мо­ему, от­вергу от­ лица мо­его: и будетъ Израиль въ погубленiе и во глаголанiе всѣмъ людемъ:
9:8 См.: 🔗Втор. 29:24 🔗Иер. 22:8	и домъ сей будетъ высокiй, всякъ преходяй сквоз­ѣ его ужаснет­ся, и воз­свищетъ и речетъ: чесо ради сотвори Господь тако земли сей и храму сему?
9:9	и рекутъ: понеже оставиша Господа Бога сво­его, иже изведе отцы ихъ изъ Египта, изъ дому работы, и прiяша боги чуждыя, и поклонишася имъ, и поработаша имъ, сего ради наведе на ня Господь зло сiе.
9:10 См.: 🔗3Цар. 7:1 🔗2Пар. 8:1	И бысть по двадесяти лѣтѣхъ, въ няже созда соломонъ два домы, храмъ Господень и домъ царевъ,
9:11	хирамъ царь тирскiй помога­ше соломону древы кедрскими и древы певговыми и златомъ и всѣмъ хотѣнiемъ его: тогда даде соломонъ хираму двадесять градовъ въ земли Галилейстѣй.
9:12	И изыде хирамъ изъ тира и пойде въ Галилею видѣти грады, яже даде ему соломонъ: и не быша ему угодни,
9:13	и рече: что гради сіи, яже далъ ми еси, брате? И нарече я предѣлъ [хавуль], до днешняго дне.
9:14	И при­­несе хирамъ соломону сто и двадесять талантъ злата.
9:15 См.: 🔗4Цар. 12:20 🔗3Цар. 11:27 🔗Нав. 10:33 🔗Нав. 11:10	Сiе же есть число даянiя еже при­­несе царь соломонъ, да созиждетъ храмъ Господень и домъ царевъ, и мелонъ и стѣну Иерусалимску и краеградiе еже оградити стѣну града давидова, и Асуръ и Магедо и газеръ.
9:16 См.: 🔗Нав. 16:10	Фараонъ царь Египетскiй взыде и взя газеръ и сожже и огнемъ, и Ханаана живущаго во градѣ томъ погуби: и даде его въ даръ дщери сво­ей, женѣ соломони.
9:17 См.: 🔗Нав. 18:13 🔗2Пар. 8:5	И согради соломонъ газеръ и веѳоронъ нижнiй,
9:18 См.: 🔗Нав. 19:8 🔗2Пар. 8:6	и Валааѳъ и Ѳаморъ въ пустыни.
9:19	И вся грады крѣпкiя, иже быша соломону, и вся грады, идѣже бяху колесницы, и вся грады, идѣже бяху кон­ницы его, и все еже бысть угодно царю соломону, созда во Иерусалимѣ, и въ Ливанѣ и во всей земли цар­ст­ва сво­его.
9:20 См.: 🔗2Пар. 8:7	Всѣхъ людій остав­шихся от­ Аморреа и Хеттеа, и Ферезеа и Хананеа, и Евеа и Иевусеа и Гергесеа, не сущихъ от­ сыновъ Израилевыхъ,
9:21 См.: 🔗Нав. 16:10 🔗2Пар. 8:8	сыновъ ихъ остав­шихся по нихъ на земли, ихже не воз­могоша сынове Израилевы потребити ихъ, царь соломонъ поработи ихъ даяти дань даже до дне сего:
9:22 См.: 🔗Лев. 25:39 🔗2Пар. 8:9	от­ сыновъ же Израилевыхъ не даде въ работу соломонъ, яко тіи бяху мужiе храбрiи, и отроцы его, и князи его, и тристаты его, и во­еводы колесницъ его, и кон­ницы его.
9:23 См.: 🔗2Пар. 8:10	И бяху старѣйшины при­­ставлен­нымъ надъ дѣлы царя соломона, пять сотъ пятьдесятъ повелѣвающiи людемъ дѣла­ю­щымъ дѣло.
9:24 См.: 🔗2Пар. 8:11	Дщерь же фараона прейде изъ града давидова въ домъ свой, егоже созда ей соломонъ, тогда созда мелонъ.
9:25 См.: 🔗Исх. 23:14 🔗2Пар. 8:12	И при­­ноша­ше соломонъ трижды въ годъ всесожженiя и мирныя жертвы на олтарь, егоже созижде Господу, и кадяше ѳимiамъ предъ Господемъ: и соверши храмъ.
9:26 См.: 🔗Втор. 2:8 🔗2Пар. 8:17 🔗2Пар. 20:36	И сотвори царь соломонъ корабль въ гасiонѣ гаверстѣмъ, иже при­­ Елаѳѣ, при­­ устiи моря послѣдняго, въ земли Едомстѣй.
9:27	И посла хирамъ на корабли от­ отрокъ сво­ихъ мужы корабелники управляти вѣдущихъ море со отроки соломони:
9:28 См.: 🔗3Цар. 22:48 🔗2Пар. 3:6 🔗2Пар. 8:18	и прiидоша въ Софиръ, и взяша от­туду злата четыре ста и двадесять талантъ и при­­несоша царю соломону.