Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗Исх. 32:11 🔗1Цар. 7:9 | И рече Господь ко мнѣ: аще станутъ Моисей и самуилъ предъ лицемъ моимъ, нѣсть душа моя къ людемъ симъ: изрини тѣхъ [от лица моего], и да изыдутъ. |
15:2 См.: 🔗Иер. 43:11 🔗Зах. 11:9 | И будетъ, аще рекутъ къ тебѣ: камо изыдемъ? и речеши къ нимъ: сiя глаголетъ Господь: иже ко смерти, ко смерти: и иже къ мечу, къ мечу: и иже ко гладу, ко гладу: и иже ко плѣненiю, ко плѣненiю. |
15:3 См.: 🔗Иер. 22:19 | И отмщу имъ четырьми образы, рече Господь: мечь на закланiе, и пси на растерзанiе, и птицы небесе и звѣрiе земли на пожренiя и расхищенiе. |
15:4 | И предамъ ихъ во утѣсненiе всѣмъ царствамъ земнымъ, ради Манассіи сына езекіина царя Иудина за вся, яже сотвори во Иерусалимѣ. |
15:5 | Кто умилосердится къ тебѣ, Иерусалиме? и кто поскорбитъ о тебѣ, или кто пойдетъ молити о мирѣ тебѣ? |
15:6 | Ты оставилъ мя еси, рече Господь, вспять пошелъ еси: и простру руку мою на тя и убiю тя, и ктому не пощажу ихъ |
15:7 | и расточу ихъ расточенiемъ во вратѣхъ людій моихъ: обезчадѣша, погубиша людій моихъ злобами своими, и не обратишася. |
15:8 | Умножишася вдовицы ихъ паче песка морскаго: наведохъ на матерь юношы, бѣдность о полудни, навергохъ на ню внезапу страхъ и трепетъ. |
15:9 См.: 🔗Ам. 8:9 | Праздна бысть родившая седмь, оскудѣ душа ея, зайде ей солнце еще средѣ полудне, постыждена бысть и укорена: прочыя ихъ въ мечь дамъ предъ враги ихъ, рече Господь. |
15:10 См.: 🔗Иер. 20:14 | Горе мнѣ, мати [моя], вскую мя родила еси мужа прителнаго и судимаго по всей земли? не заяхъ, ниже заятъ у мене кто: сила моя оскудѣ от кленущихъ мя, [рече Господь]. |
15:11 | Буди, Владыко, исправляющымъ имъ: аще не притекохъ ко тебѣ во время озлобленiя ихъ и во время скорби ихъ, во благая на врага. |
15:12 | Еда познается желѣзо? и одѣянiе мѣдяно крѣпость твоя. |
15:13 См.: 🔗Иер. 17:3 🔗Иер. 20:5 | И сокровища твоя въ расхищенiе дамъ, измѣну за вся грѣхи твоя, и во всѣхъ предѣлѣхъ твоихъ: |
15:14 | и порабощу тя окрестъ врагомъ твоимъ, въ земли, еяже не вѣси: яко огнь возжжеся от ярости моея, на васъ горѣти будетъ. |
15:15 См.: 🔗Иер. 17:18 | Ты вѣси, Господи, воспомяни мя и посѣти мя и защити мя от гонящихъ мя, не въ долготерпѣнiе твое воспрiими мя: вѣждь, яко прiяхъ тебе ради поношенiе от отвергающихъ словеса твоя: |
15:16 См.: 🔗Пс. 18:8 | скончай ихъ, и будетъ слово твое мнѣ въ радость и во веселiе сердца моего, яко призвано есть имя твое на мнѣ, Господи Боже силъ. |
15:17 См.: 🔗Пс. 1:1 | Не сѣдохъ въ сонмѣ ихъ играющихъ, но бояхся от лица руки твоея: на единѣ сѣдяхъ, яко горести исполнихся. |
15:18 См.: 🔗Иер. 30:15 | Вскую оскорбляющiи мя возмогаютъ на мя? язва моя тверда, откуду исцѣлюся? бысть мнѣ яко вода лживая, не имущая вѣрности. |
15:19 См.: 🔗Иак. 4:8 | Сего ради сiя глаголетъ Господь: аще обратишися, возставлю тя, и предъ лицемъ моимъ станеши: и аще изведеши честное от недостойнаго, яко уста моя будеши: и обратятся тіи къ тебѣ, и ты не обратишися къ нимъ. |
15:20 См.: 🔗Иер. 1:18 | И дамъ тя людемъ симъ аки стѣну крѣпку, мѣдяну: и поратуютъ на тя и не возмогутъ на тя, яко азъ съ тобою есмь, да спасу тя и избавлю тя, рече Господь: |
15:21 | избавлю тя от рукъ злѣйшихъ и искуплю тя от рукъ губителей. |