Книга Иисуса Навина, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Исх. 17:9 🔗Чис. 27:18	И бысть по скончанiи Моисеа раба Господня, и рече Господь Иисусу сыну Навину, служителю Моисеову, глаголя:
1:2 См.: 🔗Втор. 34:5	Моисей рабъ Мой скончася: нынѣ убо воставъ прейди Иорданъ ты и вси людiе сіи въ землю, юже Азъ даю имъ:
1:3 См.: 🔗Втор. 11:24 🔗Нав. 14:9	всякое мѣсто, по немуже прейдете стопою ногъ вашихъ, вамъ дамъ е, якоже глаголахъ Моисею:
1:4 См.: 🔗Исх. 23:31	пустыню и Антиливанъ сей даже до рѣки великiя рѣки Евфрата, всю землю Еѳеоню, и даже до моря послѣдняго: от­ запада солнца будутъ предѣлы ваши:
1:5 См.: 🔗Евр. 13:5	не супротивит­ся человѣкъ предъ вами во вся дни живота тво­его, и якоже бѣхъ съ Моисеомъ, тако буду и съ тобою: и не оставлю тебе, ниже презрю тя:
1:6 См.: 🔗Втор. 1:38 🔗Втор. 3:28 🔗Втор. 31:7	крѣпися и мужайся: ты бо раздѣлиши людемъ симъ землю, еюже кляхся отцемъ вашымъ дати имъ:
1:7 См.: 🔗Евр. 3:5	крѣпися убо, и мужайся зѣло, хранити и творити, якоже тебѣ заповѣда Моисей рабъ Мой, и не уклонися от­ нихъ ни на десно, ни на лѣво, да смыслиши во всѣхъ, яже твориши:
1:8 См.: 🔗Пс. 1:2	и да не от­ступитъ книга закона сего от­ устъ тво­ихъ, и да по­учаешися въ ней день и нощь, да уразумѣеши творити вся писан­ная: тогда благо­успѣеши и исправиши пути твоя, и тогда уразумѣеши:
1:9	се, заповѣдаю тебѣ: крѣпися и мужайся, ни ужасайся, ниже убойся: яко съ тобою Господь Богъ твой во всѣхъ, аможе аще пойдеши.
1:10	И заповѣда Иисусъ книгочiямъ людскимъ, глаголя:
1:11 См.: 🔗Нав. 3:2	внидите посредѣ полка людій и заповѣдайте людемъ, глаголюще: уготовайте брашно, яко еще три дни, и вы прейдете Иорданъ сей, в­шедше прiяти землю, юже Господь Богъ отецъ вашихъ даетъ вамъ въ при­­частiе.
1:12	И Рувиму и Гаду и полуплемени Манассіину рече Иисусъ:
1:13 См.: 🔗Чис. 32:20	помяните слово, еже заповѣда вамъ Моисей рабъ Господень, глаголя: Господь Богъ вашъ упокои васъ и даде вамъ землю сiю:
1:14 См.: 🔗Чис. 32:29 🔗Нав. 4:12	жены ваши и дѣти ваши и скоти ваши да живутъ на земли, юже даде вамъ Моисей у Иордана: вы же прейдете вооружени предъ братiею ва­шею, всякъ крѣпокъ, и спобор­ст­вуете имъ,
1:15	дондеже упокоитъ Господь Богъ вашъ братiю вашу, якоже и васъ, и наслѣдятъ и сіи землю, юже Господь Богъ вашъ даетъ имъ: и отъидете кійждо въ наслѣдiе свое, и наслѣдите е, еже даде вамъ Моисей объ ону страну Иордана от­ востоковъ солнца.
1:16 См.: 🔗Исх. 19:8	И от­вѣщав­ше Иисусу, рѣша: вся, елика заповѣси намъ, сотворимъ, и во всякое мѣсто, аможе послеши насъ, пойдемъ:
1:17	по всѣмъ, елика слушахомъ Моисеа, тебе послушаемъ: токмо да будетъ Господь Богъ нашъ съ тобою, якоже бѣ съ Моисеемъ:
1:18	человѣкъ же, иже аще не покорит­ся тебѣ и иже не послушаетъ словесъ тво­ихъ, якоже заповѣси ему, да умретъ: точiю крѣпися и мужайся.