Книга Судей Израилевых, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Евр. 11:32	И бяше Иефѳай Галаадитянинъ силенъ крѣпостiю: и той бысть сынъ жены блудницы, яже роди Галааду Иефѳая.
11:2 См.: 🔗Быт. 21:10	И роди жена Галаадова сыновъ ему: и воз­мужаша сынове жены и изгнаша Иефѳая, и рекоша ему: не наслѣдиши въ дому отца на­шего, яко сынъ жены блудныя еси ты.
11:3 См.: 🔗1Цар. 22:2	И от­бѣже Иефѳай от­ лица братiи сво­ея и вселися въ земли товъ: и собирахуся ко Иефѳаю мужiе праздни, и хождаху съ нимъ.
11:4	И бысть по днехъ сихъ, и во­еваша сынове Аммони на Израиля.
11:5	И егда во­еваша сынове Аммони на Израиля, и по­идоша старѣйшины Галаадовы пояти Иефѳая от­ земли товъ,
11:6	и рекоша ко Иефѳаю: прiиди и буди намъ началникъ, и ополчимся на сыны Аммони.
11:7	И рече Иефѳай старѣйшинамъ Галаадскимъ: не вы ли воз­ненавидѣсте мя, и изгнасте мя изъ дому отца мо­его, и от­пустисте мя от­ себе? и почто прiидосте ко мнѣ нынѣ, егда нужду воз­ъимѣсте?
11:8 См.: 🔗Суд. 10:18	И рекоша старѣйшины Галаадстiи ко Иефѳаю: сего ради нынѣ прiидохомъ къ тебѣ, да пойдеши съ нами, и ополчимся на сыны Аммони: и будеши намъ князь всѣмъ живущымъ въ Галаадѣ.
11:9	И рече Иефѳай ко старѣйшинамъ Галаадовымъ: аще воз­вращаете мя ополчитися на сыны Аммони, и предастъ ихъ Господь предо мною, и азъ вамъ буду ли князь?
11:10 См.: 🔗Мал. 2:14	И рекоша старѣйшины Галаадстiи ко Иефѳаю: Господь да будетъ послухъ между нами, аще по слову тво­ему тако не сотворимъ.
11:11 См.: 🔗1Цар. 12:11	И пойде Иефѳай со старѣйшинами Галаадскими, и поставиша его людiе надъ собою главу и князя: и глагола Иефѳай вся словеса своя предъ Господемъ въ Массифѣ.
11:12 См.: 🔗Втор. 20:10	И посла Иефѳай послы къ царю сыновъ Аммонихъ, глаголя: что мнѣ и тебѣ, яко при­­шелъ еси ко мнѣ во­евати на земли мо­ей?
11:13 См.: 🔗Чис. 21:13	И рече царь сыновъ Аммонихъ къ посломъ Иефѳаевымъ: яко взя Израиль землю мою, егда изыде изъ Египта, от­ Арнона даже до Иавока и до Иордана: и нынѣ воз­врати ю съ миромъ, и от­иду.
11:14	И воз­вратишася послы ко Иефѳаю. И при­­ложи еще Иефѳай, и посла послы къ царю сыновъ Аммонихъ, и рекоша ему:
11:15 См.: 🔗Втор. 2:19	тако глаголетъ Иефѳай: не взя Израиль земли Моавли и земли сыновъ Аммонихъ,
11:16	понеже егда исхожда­ше изъ Египта, пойде Израиль по пустыни до моря чермнаго, и прiиде до Кадиса:
11:17 См.: 🔗Чис. 20:14	и посла Израиль послы къ царю Едомску, глаголя: да прейду сквоз­ѣ землю твою: и не послуша царь Едомскъ: такожде посыла и къ царю Моавску, и не восхотѣ: и сѣде Израиль въ Кадисѣ:
11:18 См.: 🔗Чис. 21:13	и иде пустынею, и обыде землю Едомлю и землю Моавлю, и прiиде на востоки солнца земли Моавли, и ополчися объ ону страну Арнона, и не вниде въ предѣлы Моавли, яко Арнонъ бяше предѣлъ Моавль:
11:19 См.: 🔗Чис. 21:21	и посла Израиль послы къ сиону царю Аморрейску, царю есевонску, и рече къ нему Израиль: да прейдемъ по земли тво­ей до мѣста на­шего:
11:20	и не восхотѣ сионъ Израилю преити по предѣломъ сво­имъ, и собра сионъ вся люди своя, и ополчися во Иасѣ, и во­ева на Израиля:
11:21 См.: 🔗Чис. 21:24	и предаде Господь Богъ Израилевъ сиона и вся люди его въ руки Израиля, и изби ихъ:
11:22	и наслѣдова Израиль всю землю Аморреа живущаго на земли той: и взя весь предѣлъ Аморрейскъ от­ Арнона даже до Иавока, и от­ пустыни до Иордана:
11:23 См.: 🔗Ам. 2:9	и нынѣ Господь Богъ Израилевъ изгна Аморреа от­ лица людій сво­ихъ Израиля, и ты ли хощеши наслѣдити его?
11:24 См.: 🔗3Цар. 11:7 🔗4Цар. 23:13	ни, но елико даде въ наслѣдiе тебѣ хамосъ богъ твой, сiя да наслѣдиши: а всѣхъ, ихже изгна Господь Богъ нашъ от­ лица на­шего, сiя мы наслѣдимъ:
11:25 См.: 🔗Чис. 22:2	и нынѣ еда лучшiй еси ты Валака сына Сепфорова, царя Моавля? не бранiю ли боряшеся со Израилемъ, или воюя во­ева его?
11:26	егда вселися Израиль во есевонѣ и въ предѣлѣхъ его, и во Аро­ирѣ и въ предѣлѣхъ его, и во всѣхъ градѣхъ, иже у Иордана, триста лѣтъ, и почто не избавилъ еси ихъ во время оно?
11:27 См.: 🔗Быт. 16:5	азъ же не согрѣшихъ тебѣ, и ты твориши со мною зло, воюя на мя: да судитъ Господь судяй днесь между сыны Израилевыми и между сыны Аммони.
11:28	И не послуша царь сыновъ Аммонихъ словесъ Иефѳаевыхъ, яже посыла­ше къ нему.
11:29 См.: 🔗Суд. 6:34 🔗Суд. 13:25 🔗Лк. 1:35	И бысть на Иефѳаи Духъ Господень, и прейде Галаада и Манассію, и прейде стражбу Галаадову, и от­ стражбы Галаадовы иде на ону страну сыновъ Аммонихъ.
11:30	И обѣща Иефѳай обѣтъ Господеви и рече: аще преданiемъ предаси сыны Аммони въ руку мою,
11:31	и будетъ исходяй, иже аще изыдетъ изъ вратъ дому мо­его во срѣтенiе мнѣ, егда воз­вращуся съ миромъ от­ сыновъ Аммонихъ, и будетъ Господеви, и воз­несу его во всесожженiе.
11:32	И прiиде Иефѳай къ сыномъ Аммонимъ во­евати на ня: и предаде я Господь въ руцѣ его
11:33 См.: 🔗Втор. 3:12	и изби ихъ от­ Аро­ира, дондеже прiити въ мениѳъ, двадесять градовъ, и даже до Авеля виноградовъ, язвою великою зѣло. И покорени быша сынове Аммони предъ лицемъ сыновъ Израилевыхъ.
11:34 См.: 🔗Исх. 15:20 🔗1Цар. 18:6 🔗Пс. 67:26	И прiиде Иефѳай въ Массифу въ домъ свой: и се, дщерь его исхожда­ше во срѣтенiе его съ тимпаны и лики: и сiя бяше единородна ему воз­люблен­на: и не бѣ ему сына, ни другія дщере, кромѣ ея.
11:35 См.: 🔗Быт. 37:29	И бысть егда увидѣ ю самъ, растерза ризы своя и рече: о, дщи моя, смущающи смутила мя еси: и ты нынѣ въ претыканiе была еси предъ очима мо­има: азъ бо от­верзохъ уста моя на тя ко Господу и не воз­могу вспять воз­вратити.
11:36	И рече къ нему: отче, аще от­верзлъ еси уста твоя ко Господу, сотвори мнѣ, якоже изыде изо устъ тво­ихъ, занеже сотвори тебѣ Господь месть врагомъ тво­имъ от­ сыновъ Аммонихъ.
11:37	И рече ко отцу сво­ему: сотвори, отче мой, сiе слово: остави мя два мѣсяца, да пойду и взыду на горы и плачуся дѣв­ст­ва мо­его азъ и другини мо­и.
11:38	И рече: иди. И от­пусти ю на два мѣсяца: и иде сама и другини ея, и плакася дѣв­ст­ва сво­его на горахъ.
11:39	И бысть въ концѣ двою мѣсяцу, и воз­вратися ко отцу сво­ему: и сотвори на ней обѣтъ свой, имже обѣщася: и сiя не позна мужа. И бысть въ повелѣнiе во Израили:
11:40	от­ дній до дній исхождаху дщери Израилевы плакати о дщери Иефѳая Галаадитина четыри дни въ лѣтѣ.