Третья книга Царств (Первая книга Царей), глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗2Пар. 5:2	И собра царь соломонъ вся старѣйшины Израилевы, вся начала колѣнъ, старѣйшины отече­ст­въ сыновъ Израилевыхъ къ себѣ во Сiонъ, еже пренести кивотъ завѣта Господня от­ града давидова: той есть Сiонъ.
8:2 См.: 🔗Лев. 23:34 🔗Втор. 16:13 🔗2Пар. 7:9	И собрашася ко царю соломону вси людiе Израилевы въ месяцъ Аѳанимъ въ праздникъ: сей есть месяцъ седмый.
8:3 См.: 🔗Чис. 4:15	И прiидоша вси старѣйшины Израилевы, и взяша иерее кивотъ,
8:4 См.: 🔗2Пар. 5:5	и воз­несоша кивотъ Господень, и скинiю свидѣнiя, и вся сосуды святыя яже во скинiи свидѣнiя: и воз­несоша я иерее и левити.
8:5 См.: 🔗2Пар. 5:6	Царь же соломонъ и весь соборъ Израилскiй, собрав­шеся къ нему, съ нимъ предъ кивотомъ жряху волы и овцы несочтен­ны, безчислен­ны от­ множе­ст­ва.
8:6 См.: 🔗2Пар. 5:7 🔗Исх. 25:18	И внесоша иерее кивотъ завѣта Господня на мѣсто его во давиръ храма, во святая святыхъ, подъ крила херувимовъ.
8:7	Херувими бо бѣша распростерше крилѣ надъ мѣстомъ кивота: и окрываху херувими надъ кивотомъ и надъ святыми его сверху.
8:8	И обдержаста освященая: и зряхуся главы освящен­ныхъ от­ святыхъ къ лицу давира, и не являхуся внѣ.
8:9 См.: 🔗Втор. 10:5 🔗Евр. 9:4	Не бѣ въ кивотѣ токмо двѣ скрижали камен­ны, скрижали завѣта, ихже положи Моисей въ Хоривѣ, яже завѣща Господь со сынами Израилевыми, внегда исходити имъ от­ земли Египетскiя.
8:10 См.: 🔗Исх. 40:34	И бысть егда изыдоша иерее изъ святилища, и облакъ исполни храмъ Господень,
8:11 См.: 🔗Исх. 16:10	и не можаху иерее стати служити от­ лица облака, яко исполни слава Господня храмъ.
8:12 См.: 🔗2Пар. 6:1	Тогда рече соломонъ: Господь рече еже обитати во мглѣ,
8:13	азъ же создахъ домъ имени тво­ему святъ тебѣ и готовъ, и престолу тво­ему, еже обитати тебѣ въ немъ во вѣки.
8:14 См.: 🔗2Пар. 6:3	И обрати царь лице свое и благослови царь всего Израиля: весь же соборъ Израилевъ стояше.
8:15	И рече [царь]: благословенъ Господь Богъ Израилевъ днесь, иже глагола усты сво­ими о давидѣ отцѣ мо­емъ и рукама сво­има исполни, глаголя:
8:16 См.: 🔗4Цар. 21:4 🔗2Пар. 6:5	от­ дне въ оньже изведохъ люди моя Израиля изъ Египта, не избрахъ града от­ всѣхъ племенъ Израилевыхъ на созданiе храму, еже быти имени мо­ему тамо: но избрахъ во Иерусалимѣ быти имени мо­ему тамо: и избрахъ давида быти ему властелину надъ людьми мо­ими Израилемъ:
8:17 См.: 🔗2Цар. 7:2	и бысть на сердцы отцу мо­ему давиду, еже создати храмъ имени Господа Бога Израилева,
8:18	и рече Господь къ давиду отцу мо­ему: понеже взыде на сердце твое еже создати храмъ имени мо­ему, добрѣ сотворилъ еси, яко бысть на сердцы тво­емъ:
8:19 См.: 🔗2Цар. 7:5	обаче ты не созиждеши храма, но развѣ сынъ твой, иже изыде изъ чреслъ тво­ихъ, той созиждетъ храмъ имени мо­ему:
8:20 См.: 🔗2Цар. 7:12	и воз­стави Господь глаголъ свой егоже глагола: и востахъ вмѣсто давида отца мо­его, и сѣдохъ на престолѣ Израилевѣ, якоже глагола Господь, и создахъ храмъ имени Господа Бога Израилева,
8:21	и поставихъ тамо мѣсто кивоту, въ немже есть тамо завѣтъ Господень, егоже завѣща Господь со отцы нашими во извожденiи ихъ изъ земли Египетскiя.
8:22 См.: 🔗2Пар. 6:12 🔗2Мак. 2:8	И ста соломонъ предъ лицемъ олтаря Господня предъ всѣмъ соборомъ Израилевымъ и воз­движе руцѣ сво­и на небо,
8:23	и рече: Господи Боже Израилевъ, нѣсть якоже ты Богъ на небеси горѣ и на земли низу, храняй завѣтъ и милость рабу тво­ему ходящему предъ тобою всѣмъ сердцемъ сво­имъ,
8:24 См.: 🔗2Пар. 6:15	яже сохранилъ еси рабу тво­ему давиду отцу мо­ему: ибо глаголалъ еси усты тво­ими и рукама тво­има совершилъ еси, якоже день сей:
8:25 См.: 🔗2Цар. 7:12	и нынѣ, Господи Боже Израилевъ, сохрани рабу тво­ему давиду отцу мо­ему, яже реклъ еси ему, глаголя: не оскудѣетъ мужъ от­ лица мо­его сѣдяй на престолѣ Израилевѣ, токмо аще сохранятъ чада твоя пути своя, еже ходити предо мною, якоже ходилъ еси предо мною:
8:26 См.: 🔗2Цар. 7:28	и нынѣ, Господи Боже Израилевъ, да увѣрит­ся глаголъ твой, егоже реклъ еси давиду отцу мо­ему:
8:27 См.: 🔗2Пар. 6:18 🔗Ис. 66:1 🔗Иер. 23:24	яко аще истин­но вселит­ся Богъ съ человѣки на земли? аще небо и небо небесе не довлѣютъ ти, кольми паче храмъ сей, егоже создахъ имени тво­ему?
8:28	и да призриши на молитву мою, Господи Боже Израилевъ, послушати молитвы, еюже молит­ся рабъ твой предъ тобою къ тебѣ днесь,
8:29 См.: 🔗Втор. 12:11 🔗3Цар. 9:3 🔗4Цар. 21:4	да будутъ очи тво­и от­версты на храмъ сей день и нощь, на мѣсто о немже реклъ еси: будетъ имя мое тамо на услышанiе молитвы, еюже молит­ся рабъ твой на мѣстѣ семъ день и нощь:
8:30 См.: 🔗3Езд. 7:38	и услышиши молитву раба тво­его и людій тво­ихъ Израиля, о нихже помолят­ся на мѣстѣ семъ: и ты услышиши на мѣстѣ обиталища тво­его на небеси, и сотвориши и помилуеши:
8:31 См.: 🔗2Пар. 6:22	елика аще согрѣшитъ кійждо ко искрен­нему сво­ему, и аще прiиметъ на него клятву еже кляти его, и прiидетъ, и исповѣсть предъ лицемъ олтаря тво­его въ храмѣ семъ:
8:32 См.: 🔗2Пар. 6:23 🔗Втор. 25:1 🔗Иез. 9:10	и ты услышиши от­ небесе, и сотвориши судъ людемъ тво­имъ Израилю: осудити беззакон­наго, дати путь его на главу его, и оправдити праведнаго, дати ему по правдѣ его:
8:33 См.: 🔗2Пар. 6:24 🔗Дан. 9:7	егда падутъ людiе тво­и Израиль предъ враги, яко согрѣшатъ ти, и обратят­ся къ тебѣ, и исповѣдят­ся имени тво­ему, и помолят­ся и воз­глаголютъ молитву къ тебѣ въ храмѣ семъ:
8:34	и ты услышиши съ небесе, и милостивъ будеши о согрѣшенiихъ людій сво­ихъ Израиля, и воз­вратиши я въ землю, юже далъ еси отцемъ ихъ:
8:35 См.: 🔗Втор. 11:17 🔗2Пар. 6:26	внегда заключитися небеси и не быти дождю, яко согрѣшатъ ти, и помолят­ся на мѣстѣ семъ, и исповѣдят­ся имени тво­ему, и от­ грѣхъ сво­ихъ обратят­ся, егда смириши ихъ:
8:36 См.: 🔗2Пар. 6:27 🔗Пс. 85:11 🔗Прит. 9:6	и услышиши съ небесе, и милостивъ будеши о грѣсѣхъ раба тво­его и людій тво­ихъ Израиля: яко явиши имъ путь благій ходити по нему, и даси дождь на землю, юже далъ еси людемъ тво­имъ въ достоянiе:
8:37 См.: 🔗Лев. 26:16	гладъ аще будетъ, смерть аще будетъ, егда будетъ воз­жженiе, гусеницы, ржа аще будетъ, и аще оскорбятъ я врази ихъ въ единѣмъ от­ градовъ ихъ: все противное, всяка болѣзнь,
8:38	всяка молитва, всяко моленiе аще будетъ всякому человѣку от­ людій Израилевыхъ, егда познаетъ кійждо болѣзнь сердца сво­его, и воз­двигнетъ руцѣ сво­и въ храмѣ семъ:
8:39 См.: 🔗1Цар. 16:7 🔗2Пар. 6:30 🔗Пс. 7:10	и ты услышиши от­ небесе, от­ готоваго жилища тво­его, и милостивъ будеши, и сотвориши, и даси ко­емуждо по путемъ его, якоже увѣси сердце его, яко ты единъ токмо вѣси всѣхъ сердца сыновъ человѣческихъ:
8:40	да боят­ся тебе вся дни, въ няже поживутъ на земли, юже далъ еси отцемъ нашымъ:
8:41 См.: 🔗2Пар. 6:32 🔗Деян. 8:27 🔗Втор. 3:24	и чуждему, иже нѣсть от­ людій тво­ихъ Израиля, той аще прiидетъ от­ земли издалеча ради имене тво­его, зане услышатъ имя твое велико, и руку твою крѣпкую, и мышцу твою высокую,
8:42	и прiидетъ, и помолит­ся на мѣстѣ семъ:
8:43 См.: 🔗Ис. 56:7 🔗Мф. 21:13	и ты услышиши съ небесе от­ готоваго жилища тво­его, и сотвориши по всѣмъ, въ еликихъ аще при­­зоветъ тя чуждій, яко да уразумѣютъ вси людiе земніи имя твое и убоят­ся тебе, якоже людiе тво­и Израиль, и разумѣютъ, яко имя твое наречеся на храмѣ семъ, егоже создахъ:
8:44 См.: 🔗2Пар. 6:34 🔗Дан. 6:10	егда изыдутъ людiе тво­и на брань на враги своя, путемъ имже воз­вратиши я, и помолят­ся именемъ Господнимъ путемъ града, егоже избралъ еси себѣ, и ко храму, егоже азъ создахъ имени тво­ему:
8:45 См.: 🔗2Пар. 6:35	и ты услышиши съ небесе молитву ихъ и моленiя ихъ, и сотвориши оправданiе имъ:
8:46 См.: 🔗Еккл. 7:20 🔗1Ин. 1:8 🔗Прит. 20:9 🔗3Езд. 8:35	яко согрѣшатъ ти, яко нѣсть человѣкъ, иже не согрѣшитъ, и разгнѣваешися на ня, и предаси я предъ враги, и поплѣнятъ ихъ плѣнящiи въ землю далече, или близъ,
8:47	и обратятъ сердца своя въ земли, аможе преселишася, и обратят­ся, и помолят­ся тебѣ въ земли преселенiя сво­его, глаголюще: согрѣшихомъ, беззакон­новахомъ, неправдовахомъ:
8:48 См.: 🔗Втор. 30:2 🔗2Пар. 6:37 🔗Иез. 8:16	и обратят­ся ко тебѣ всѣмъ сердцемъ сво­имъ и всею душею сво­ею въ земли врагъ сво­ихъ, аможе превелъ еси ихъ, и помолят­ся къ тебѣ по пути земли сво­ея, юже далъ еси отцемъ ихъ, и ко граду, егоже избралъ еси, и ко храму, егоже создахъ имени тво­ему:
8:49	и услышиши от­ небесе, от­ готоваго жилища тво­его молитву ихъ и моленiе ихъ, и сотвориши оправданiе имъ,
8:50 См.: 🔗Неем. 2:2 🔗Прит. 16:7 🔗Иер. 42:12	и милостивъ будеши неправдамъ ихъ, имиже согрѣшиша ти, и по всѣмъ от­метаниемъ ихъ, имиже от­вергошася тебе, да даси ихъ въ щедроты предъ плѣнив­шими ихъ, и ущедрятъ я:
8:51 См.: 🔗Втор. 4:20	яко людiе тво­и и наслѣдiе твое суть, ихже извелъ еси изъ земли Египетскiя от­ среды пещи желѣзныя:
8:52 См.: 🔗2Пар. 6:40 🔗Пс. 120:4	и да будутъ уши тво­и и очи тво­и от­версты на молитву раба тво­его и къ моленiю людій тво­ихъ Израиля, послушати ихъ о всѣхъ, о нихже при­­зовутъ тя,
8:53 См.: 🔗Исх. 19:5	яко ты избралъ еси я себѣ въ наслѣдiе от­ всѣхъ людій земли, якоже глаголалъ еси рукою раба тво­его Моисеа, внегда извести тебѣ отцы нашя изъ земли Египетскiя, Господи Господи.
8:54	Тогда глагола соломонъ о храмѣ, егда соверши созидати его: солнце познано сотвори на небеси: Господь рече пребывати во мглѣ: созижди храмъ мой, храмъ благолѣпный себѣ, еже пребывати въ новости: не сiе ли писано въ книгахъ пѣсни?
8:55 См.: 🔗2Пар. 7:1	И бысть егда сконча соломонъ моляся ко Господу всею молитвою и моленiемъ симъ, и воста от­ лица олтаря Господня при­­падъ на колѣна своя, и руцѣ сво­и воз­дѣ на небо,
8:56	и ста, и благослови весь соборъ Израилевъ, гласомъ велiимъ глаголя:
8:57 См.: 🔗Втор. 12:10 🔗Нав. 21:45 🔗Нав. 23:14	благословенъ Господь [Богъ] днесь, иже даде покой людемъ сво­имъ Израилю, по всѣмъ елика глагола: не премѣнися слово ни едино во всѣхъ словесѣхъ его благихъ, имиже глагола рукою Моисеа раба сво­его:
8:58 См.: 🔗Пс. 9:11	да будетъ Господь Богъ нашъ съ нами, якоже бѣ со отцы нашими: да не оставитъ насъ, ниже да от­вратитъ насъ,
8:59 См.: 🔗Пс. 118:112 🔗Пс. 140:4	преклонити сердца наша къ нему, еже ходити во всѣхъ путехъ его и хранити вся заповѣди его и повелѣнiя его и оправданiя его, яже заповѣда отцемъ нашымъ:
8:60 См.: 🔗Пс. 147:8	и да будутъ словеса сiя, имиже молихся предъ Господемъ Богомъ нашимъ днесь, при­­ближающеся Господу Богу на­шему день и нощь, еже творити оправданiя рабу тво­ему и оправданiя людемъ тво­имъ Израилю во вся дни:
8:61 См.: 🔗Ис. 41:4 🔗Ис. 43:10 🔗Иер. 3:23	яко да разумѣютъ вси людiе земли, яко Господь Богъ той самъ Богъ, и нѣсть инаго,
8:62	и да будутъ сердца наша совершен­на ко Господу Богу на­шему преподобно ходити въ повелѣнiихъ его и хранити заповѣди его, якоже день сей.
8:63 См.: 🔗2Пар. 7:4	И царь и вси сынове Израилевы пожроша жертву предъ Господемъ.
8:64 См.: 🔗2Пар. 7:5	И пожре царь соломонъ жертвы мирныя, яже пожре Господу, воловъ двадесять двѣ тысящы и овецъ сто и двадесять тысящъ. И обнови царь храмъ Господень и вси сынове Израилевы.
8:65 См.: 🔗2Пар. 4:1 🔗2Пар. 7:7	Въ той день освяти царь [соломонъ] средину двора, яже предъ лицемъ храма Господня: яко сотвори тамо всесожженiе и дары, и жертвы и тучная мирныхъ, яко олтарь мѣдяный, иже предъ Господемъ, малъ бѣ, еже не воз­мощи вмѣстити всесожженiя даровъ и жертвы мирныхъ.
8:66 См.: 🔗2Пар. 7:8 🔗Чис. 34:5 🔗Лев. 23:34	И сотвори соломонъ праздникъ въ той день, и весь Израиль съ нимъ, соборъ велiй, от­ входа Емаѳа даже до рѣки Египта, предъ Господемъ Богомъ нашимъ, у храма, егоже созда, ядый и пiя и веселяся предъ Господемъ Богомъ нашимъ седмь дній,
8:67 См.: 🔗2Пар. 7:10	и во осмый день распусти люди. И благословиша царя, и идоша кійждо въ домы своя, раду­ю­щеся веселымъ сердцемъ о благихъ, яже сотвори Господь давиду рабу сво­ему и Израилю людемъ сво­имъ.