Книга Притчей Соломоновых, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Сир. 24:1 🔗Мф. 11:19 🔗1Кор. 1:24	Тѣмже ты премудрость проповѣждь, да разумъ послушаетъ тебе.
8:2	На высокихъ бо краехъ есть, посредѣ же стезь сто­итъ:
8:3	при­­ вратѣхъ бо сильныхъ при­­сѣдитъ, во входѣхъ же по­ет­ся.
8:4	Васъ, о, человѣцы, молю, и вдаю мой гласъ сыномъ человѣческимъ.
8:5 См.: 🔗Пс. 91:7	Уразумѣйте, незлобивiи, ковар­ст­во, ненаказан­нiи же, при­­ложите сердце.
8:6 См.: 🔗Мф. 7:29	Послушайте мене: честная бо реку и изнесу от­ устенъ правая.
8:7 См.: 🔗Ин. 8:46	Яко истинѣ по­учит­ся гортань мой, мерзки же предо мною устны лживыя.
8:8 См.: 🔗Пс. 11:7	Съ правдою вси глаголы устъ мо­ихъ, ничтоже въ нихъ стропотно, ниже развращен­но.
8:9	Вся права разумѣвающымъ, и права обрѣтающымъ разумъ.
8:10 См.: 🔗Иов. 28:15 🔗Прит. 3:14 🔗Прем. 7:9	Прiимите наказанiе, а не сребро, и разумъ паче злата искушена: избирайте же вѣдѣнiе паче злата чиста.
8:11 См.: 🔗Иов. 28:16	Лучши бо премудрость каменiй многоцѣн­ныхъ, всякое же честное недостойно ея есть.
8:12 См.: 🔗Лк. 11:49	Азъ премудрость вселихъ совѣтъ, и разумъ и смыслъ азъ при­­звахъ.
8:13 См.: 🔗Сир. 1:18	Страхъ Господень ненавидитъ неправды, досажденiя же и гордыни, и пути лукавыхъ: воз­ненавидѣхъ же азъ развращен­ныя пути злыхъ.
8:14	Мой совѣтъ и утвержденiе, мой разумъ, моя же крѣпость.
8:15 См.: 🔗Быт. 49:10 🔗Дан. 2:21 🔗Рим. 13:1	Мною царiе цар­ст­вуютъ, и сильнiи пишутъ правду:
8:16	мною вельможи величают­ся, и властитилiе мною держатъ землю.
8:17	Азъ любящыя мя люблю, ищущiи же мене обрящутъ благодать.
8:18 См.: 🔗Прит. 3:16	Богат­ст­во и слава моя есть, и стяжанiе многихъ и правда.
8:19 См.: 🔗Иов. 28:17 🔗Прем. 7:9	Лучше есть плодити мене, паче злата и каменiя драга: мо­и же плоды лучше сребра избран­на.
8:20	Въ путехъ правды хожду и посредѣ стезь оправданiя живу,
8:21	да раздѣлю любящымъ мя имѣнiе, и сокровища ихъ исполню благихъ.–
8:22	–Аще воз­вѣщу вамъ бывающая на всякъ день, помяну, яже от­ вѣка, исчести.
8:23 См.: 🔗Прем. 9:9 🔗Сир. 24:10 🔗Ин. 1:1	Господь созда мя {Евр.: стяжа мя.} начало путій сво­ихъ въ дѣла своя,
8:24	прежде вѣкъ основа мя, въ началѣ, прежде неже землю сотворити,
8:25	и прежде неже бездны содѣлати, прежде неже про­изыти источникомъ водъ,
8:26 См.: 🔗Пс. 89:3 🔗Пс. 109:3	прежде неже горамъ водрузитися, прежде же всѣхъ холмовъ раждаетъ мя.
8:27	Господь сотвори страны и ненаселен­ныя, и концы населен­ныя поднебесныя.
8:28	Егда готовяше небо, съ нимъ бѣхъ, и егда от­луча­ше престолъ свой на вѣтрѣхъ,
8:29 См.: 🔗Иов. 26:8 🔗Иов. 36:29	и егда крѣпки творяше вышнiя облаки, и егда тверды полага­ше источники поднебесныя,
8:30 См.: 🔗Иов. 38:10	и егда полага­ше морю предѣлъ его, да воды не мимо идутъ устъ его, и крѣпка творяше основанiя земли, бѣхъ при­­ немъ устрояющи.
8:31 См.: 🔗Ин. 5:20	Азъ бѣхъ, о нейже радовашеся, на всякъ же день веселяхся предъ лицемъ его на всяко время,
8:32 См.: 🔗Ин. 1:10	егда веселяшеся вселен­ную совершивъ, и веселяшеся о сынѣхъ человѣческихъ.
8:33 См.: 🔗Пс. 118:1 🔗Лк. 11:28	Нынѣ убо, сыне, послушай мене: и блажени, иже пути моя сохранятъ.
8:34	Услышите премудрость, и умудритеся, и не от­мещите.
8:35 См.: 🔗Сир. 14:24 🔗Мк. 3:20	Блаженъ мужъ, иже послушаетъ мене, и человѣкъ, иже пути моя сохранитъ, бдяй при­­ мо­ихъ дверехъ присно, соблюдаяй праги мо­ихъ входовъ:
8:36	исходи бо мо­и исходи живота, и уготовляет­ся хотѣнiе от­ Господа:
8:37	согрѣшающiи же въ мя нече­ст­вуютъ на своя души, и ненавидящiи мя любятъ смерть.