Книга пророка Иеремии, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1 См.: 🔗1Пар. 24:9	Слово, еже бысть от­ Господа ко иереміи, егда посла къ нему царь седекіа пасхора сына Мелхіина и софонiю сына Васаіева, священ­ника, глаголя:
21:2	вопроси о насъ Господа, яко навуходоносоръ царь Вавилонскiй воста на насъ: сотворитъ ли Господь съ нами по всѣмъ чудесемъ сво­имъ, и отъидетъ от­ насъ?
21:3	И рече иереміа къ нимъ: тако рцыте седекіи: сiя глаголетъ Господь Богъ Израилевъ:
21:4	се, азъ обращаю оружiя бран­ная, яже суть въ рукахъ вашихъ, имиже вы ополчаетеся на царя Вавилонска и Халдейска, иже обстоятъ васъ окрестъ внѣ стѣнъ: и соберу та посредѣ града сего,
21:5 См.: 🔗Исх. 6:6 🔗Втор. 5:15 🔗Иер. 32:21	и поборю азъ по васъ рукою простертою и мышцею крѣпкою съ яростiю и гнѣвомъ великимъ,
21:6	и побiю всѣхъ обитающихъ во градѣ семъ, человѣки и скоты, губител­ст­вомъ великимъ, и измрутъ.
21:7 См.: 🔗Иер. 20:4 🔗Иер. 34:2 🔗Исх. 4:19	И по сихъ, тако глаголетъ Господь, дамъ седекію царя Иудина и рабы его, и люди его и оставльшыяся во градѣ семъ от­ губител­ст­ва и глада и меча, въ руку навуходоносора царя Вавилонска и въ руку враговъ ихъ и въ руку ищущихъ душъ ихъ, и побiетъ ихъ острiемъ меча: и не пощажу ихъ, ниже милостивъ буду имъ.
21:8 См.: 🔗Сир. 15:17	И къ людемъ симъ речеши: сiя глаголетъ Господь: се, азъ даю предъ вами путь живота и путь смерти:
21:9 См.: 🔗Иер. 38:2 🔗Иер. 45:5	иже обитаетъ во градѣ семъ, умретъ мечемъ и гладомъ и губител­ст­вомъ, а исходяй, иже при­­бѣжитъ ко халдеомъ обстоящымъ васъ, живъ будетъ, и будетъ душа его въ плѣнъ, и живъ будетъ.
21:10 См.: 🔗Лев. 17:10 🔗Иер. 32:29 🔗Иер. 34:2	Утвердихъ бо лице мое на градъ сей во злая, а не во благая, рече Господь: въ руки царя Вавилонска предаст­ся, и сожжетъ его огнемъ.
21:11	Доме царя Иудина, слышите слово Господне:
21:12 См.: 🔗Иер. 4:4 🔗Иер. 22:3	доме давидовъ, сiя глаголетъ Господь: судите заутра судъ и исправите, и избавите силою угнетенаго от­ руки обидящаго и, да не зажжет­ся яко огнь ярость моя и воз­горит­ся, и не будетъ угашающаго, ради лукавыхъ умышленiй вашихъ.
21:13 См.: 🔗Иер. 49:4 🔗Иез. 11:15	Се, азъ къ тебѣ обитающему во крѣпцѣ и польнѣ удолiи, рече Господь, иже глаголете: кто побiетъ насъ? или кто внидетъ въ домы нашя?
21:14 См.: 🔗Иер. 17:27 🔗Иер. 22:7	И посѣщу на васъ по лукавымъ начинаниемъ вашымъ, рече Господь, и воз­жгу огнь въ лѣсѣ его, и поястъ вся, яже окрестъ его.