Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗1Цар. 25:24 🔗Прит. 15:28 | Гнѣвъ губитъ и разумныя: отвѣтъ же смиренъ отвращаетъ ярость, а слово жестоко возвизаетъ гнѣвы. |
15:2 См.: 🔗Прит. 12:23 | Языкъ мудрыхъ добрая свѣсть: уста же безумныхъ возвѣщаютъ злая. |
15:3 См.: 🔗Пс. 32:14 🔗Евр. 4:13 | На всяцѣмъ мѣстѣ очи Господни сматряютъ злыя же и благія. |
15:4 | Исцѣленiе языка древо жизни: храняй же его исполнится духа. |
15:5 | Безумный ругается наказанiю отчу: храняй же заповѣди хитрѣйшiй. Во мнозѣ правдѣ крѣпость многа: нечестивiи же от земли искоренятся. |
15:6 См.: 🔗Пс. 111:3 🔗Иов. 20:22 | Въ домѣхъ праведныхъ крѣпость многа: плоды же нечестивыхъ погибаютъ. |
15:7 | Устнѣ мудрыхъ связуются чувствомъ, сердца же безумныхъ не тверда. |
15:8 | Жертвы нечестивыхъ мерзость Господеви, обѣты же правоходящихъ прiятни ему. |
15:9 См.: 🔗Пс. 5:7 | Мерзость Господеви путiе нечестивыхъ: гонящыя же правду любитъ. |
15:10 | Наказанiе незлобиваго познавается от мимоходящихъ: ненавидящiи же обличенiя скончаваются срамно. |
15:11 См.: 🔗Иов. 26:6 🔗Пс. 7:10 | Адъ и пагуба явна предъ Господемъ, како не и сердца человѣковъ? |
15:12 | Не возлюбитъ ненаказанный обличающихъ его, съ мудрыми же не побесѣдуетъ. |
15:13 См.: 🔗Прит. 17:22 🔗Сир. 38:18 | Сердцу веселящуся, лице цвѣтетъ: въ печалехъ же сущу, сѣтуетъ. |
15:14 | Сердце правое ищетъ чувства: уста же ненаказанныхъ уразумѣютъ злая. |
15:15 См.: 🔗Еккл. 3:12 | На всяко время очи злыхъ прiемлютъ злая: добрiи же безмолвствуютъ присно. |
15:16 См.: 🔗Пс. 36:16 | Лучше частица малая со страхомъ Господнимъ, нежели сокровища велiя безъ боязни. |
15:17 См.: 🔗Прит. 17:1 | Лучше учрежденiе от зелiй съ любовiю и благодатiю, нежели представленiе телцевъ со враждою. |
15:18 См.: 🔗Прит. 26:21 | Мужъ ярый устрояетъ брани, долготерпѣливый же и будущую укрощаетъ.– |
15:19 | –Терпѣливый мужъ угаситъ суды, нечестивый же воздвизаетъ паче. |
15:20 См.: 🔗1Ин. 2:10 | Путiе праздныхъ постлани тернiемъ, мужественныхъ же углаждени. |
15:21 | Сынъ премудръ веселитъ отца, сынъ же безуменъ раздражаетъ матерь свою. |
15:22 | Несмысленнаго стези скудны ума: мужъ же разуменъ исправляя ходитъ. |
15:23 См.: 🔗Прит. 11:14 🔗Прит. 20:18 | Отлагаютъ помышленiя не чтущiи сонмищъ: въ сердцахъ же совѣтныхъ пребываетъ совѣтъ. |
15:24 | Не послушаетъ злый его, ниже речетъ полезно что и добро общему. |
15:25 | Путiе живота помышленiя разумнаго, да уклонився от ада спасется. |
15:26 | Домы досадителей разоряетъ Господь, утверди же предѣлъ вдовицы. |
15:27 | Мерзость Господеви помыслъ неправедный, чистыхъ же глаголы честны. |
15:28 См.: 🔗1Тим. 6:9 🔗Исх. 23:8 | Губитъ себе мздоимецъ, ненавидяй же даровъ прiятiя спасется:– |
15:29 | –милостынями и вѣрами очищаются грѣси, страхомъ же Господнимъ уклоняется всякъ от зла. |
15:30 | Сердца праведныхъ поучаются вѣрѣ, уста же нечестивыхъ отвѣщаютъ злая:– |
15:31 | –прiятни предъ Господемъ путiе мужей праведныхъ, имиже и врази друзiе бываютъ. |
15:32 | Далече отстоитъ Богъ от нечестивыхъ, молитвы же праведныхъ послушаетъ:– |
15:33 | –лучше малое прiятiе со правдою, нежели многа жита съ неправдою:– |
15:34 | –сердце мужа да мыслитъ праведная, да от Бога исправятся стопы его. |
15:35 | Видящее око добрая веселитъ сердце, слава же благая утучняетъ кости. |
15:36 | Слушаяй обличенiй живота посредѣ премудрыхъ водворится. |
15:37 | Иже отметаетъ наказанiе, ненавидитъ себе: соблюдаяй же обличенiя любитъ свою душу. |
15:38 | Страхъ Господень наказанiе и премудрость, и начало славы отвѣщаетъ ей [,*предъидетъ же смиреннымъ слава]. |