Второзаконие, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	Егда же погубитъ Господь Богъ твой языки, ихже Господь Богъ твой даетъ тебѣ землю, и наслѣдиши ихъ и вселишися во градѣхъ ихъ и въ домѣхъ ихъ,
19:2 См.: 🔗Исх. 21:13 🔗Чис. 35:10 🔗Втор. 4:41 🔗Нав. 20:2	три грады да от­лучиши себѣ среди земли тво­ея, юже Господь Богъ твой даетъ тебѣ въ наслѣдiе.
19:3	Уготови себѣ путь, и на трое раздѣли предѣлы земли тво­ея, юже раздѣляетъ тебѣ Господь Богъ твой: и да будетъ убѣжище тамо всякому убійцѣ.
19:4 См.: 🔗Чис. 35:22	Сiе же да будетъ заповѣданiе убійцѣ, иже аще убѣжитъ тамо, и живъ будетъ: иже аще убiетъ ближняго сво­его не вѣдя, и сей не ненавидѣ его прежде вчерашняго дне и третiяго,
19:5	и иже аще пойдетъ съ подругомъ сво­имъ въ лѣсъ собирати дрова, и поползнет­ся рука его съ сѣкирою сѣкущаго дрова, и спадши сѣкира съ топорища улучитъ подруга его, и умретъ, сей да убѣжитъ во единъ от­ градовъ сихъ, и живъ да будетъ:
19:6 См.: 🔗Чис. 35:12	да не погнавъ ужикъ крове вслѣдъ убив­шаго, яко разгорит­ся сердце ему, и постигнетъ его, аще должайшiй будетъ путь, и убiетъ душу его, и умретъ: и сему нѣсть судъ смертный, понеже не бѣ ненавидя его прежде вчерашняго и третiяго дне:
19:7 См.: 🔗Нав. 20:7	сего ради заповѣдаю азъ тебѣ слово сiе, глаголя: три грады да от­лучиши себѣ.
19:8 См.: 🔗Быт. 28:14 🔗Втор. 12:20	Аще же разширитъ Господь Богъ твой предѣлы твоя, якоже клят­ся отцемъ тво­имъ, и дастъ тебѣ Господь всю землю, юже рече дати отцемъ тво­имъ,
19:9 См.: 🔗Нав. 20:8	аще послушаеши творити вся заповѣди сiя, яже азъ заповѣдаю тебѣ днесь, любити Господа Бога тво­его, ходити во всѣхъ путехъ Его вся дни: и да при­­ложиши себѣ еще три грады къ симъ трiемъ градомъ,
19:10	и да не пролiет­ся кровь безвин­на въ земли тво­ей, юже Господь Богъ твой даетъ тебѣ въ жребiй, и да не будетъ въ тебѣ крови повиненъ.
19:11 См.: 🔗Чис. 35:20	Аще же будетъ у тебе человѣкъ ненавидяй ближняго сво­его, и навѣтъ сотворитъ нань, и востанетъ нань, и поразитъ душу его, и умретъ, и вбѣгнетъ во единъ от­ градовъ сихъ,
19:12 См.: 🔗Чис. 35:19 🔗2Цар. 14:7	да послютъ старѣйшины града того, и возмутъ его от­туду, и да предадятъ его въ руцѣ ужиковъ крове, и да умретъ:
19:13 См.: 🔗Втор. 13:8 🔗3Цар. 2:31	да не пощадитъ его око твое, и да очистиши кровь неповин­ную от­ Израиля, и благо будетъ тебѣ.
19:14 См.: 🔗Втор. 27:17 🔗Прит. 22:28 🔗Ос. 5:10	Да не предвижеши предѣловъ ближняго сво­его, яже поставиша отцы тво­и въ наслѣдiи тво­емъ, еже наслѣдовалъ еси въ земли, юже Господь Богъ твой даетъ тебѣ во жребiй.
19:15 См.: 🔗Чис. 35:30 🔗Втор. 17:6 🔗Мф. 18:16 🔗Ин. 8:17 🔗2Кор. 13:1 🔗Евр. 10:28	Да не пребудетъ свидѣтель единъ во свидѣтел­ст­во на человѣка по всякой обидѣ и по всякому преступленiю и по всякому грѣху, имже аще согрѣшитъ: при­­ устѣхъ двою свидѣтелей и при­­ устѣхъ трiехъ свидѣтелей да станетъ всякъ глаголъ.
19:16	Аще же востанетъ свидѣтель неправеденъ на человѣка, глаголя на него нечестiе,
19:17 См.: 🔗Втор. 17:9	да станутъ оба человѣка, имже есть пря, предъ Господемъ и предъ жерцы и предъ судiями, иже будутъ въ тыя дни,
19:18	и да испытаютъ ихъ судiи при­­лѣжно, и се, свидѣтель неправеденъ свидѣтел­ст­вова неправду, воста на брата сво­его:
19:19 См.: 🔗Прит. 19:5 🔗1Кор. 5:13	да сотворите ему, якоже и онъ умысли сотворити супротивъ брата сво­его, и измите злое от­ васъ самѣхъ:
19:20 См.: 🔗Втор. 13:11 🔗Втор. 17:13	да и прочiи услышав­ше убоят­ся, и не при­­ложатъ ктому творити словесе злаго сего въ васъ:
19:21 См.: 🔗Исх. 21:24 🔗Лев. 24:20 🔗Мф. 5:38	да не пощадитъ его око твое: душу за душу, око за око, зубъ за зубъ, руку за руку, ногу за ногу, якоже аще кто дастъ порокъ на ближняго сво­его, сице воз­даст­ся ему.