Книга пророка Осии, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗4Цар. 14:23	Слово Господне, еже бысть ко осіи сыну веиріину, во днехъ Озіи и Иоаѳама, и Ахаза и Иезекіи царей Иудиныхъ, и во дни иеровоама сына Иоасова царя Израилева.
1:2 См.: 🔗Ос. 3:1 🔗Иез. 23:3	Начало словесе Господня ко осіи. И рече Господь ко осіи: иди, по­ими себѣ жену блуженiя, [и роди] чада блуженiя: понеже блудящи соблудитъ земля от­ Господа.
1:3	И иде и поя гомерь дщерь Девилаимлю: и зачатъ и роди ему сына.
1:4 См.: 🔗Ос. 2:22 🔗4Цар. 10:14 🔗4Цар. 17:18	И рече Господь къ нему: прозови имя ему Иезраель: зане еще мало, и от­мщу кровь Иезраелеву на дому Иудовѣ и упокою цар­ст­во дому Израилева:
1:5 См.: 🔗Нав. 17:16 🔗Суд. 6:33	и будетъ въ той день, сокрушу лукъ Израилевъ во удолѣ Иезраелевѣ.
1:6	И зачатъ еще и роди дщерь. И рече ему [Господь]: прозови имя ей непомилована: зане не при­­ложу ксему помиловати дому Израилева, но противляяся воз­сопротивлюся имъ:
1:7 См.: 🔗Ин. 20:28 🔗Лк. 1:47	сыны же Иудины помилую и спасу я о гдѣ Бозѣ ихъ: и не спасу ихъ лукомъ, ни мечемъ, ни бранiю, ни коньми, ниже кон­никами.
1:8	И от­до­и непомилован­ную: и зачатъ паки и роди сына.
1:9 См.: 🔗4Цар. 17:18 🔗Ос. 2:23	И рече [Господь]: прозови имя ему не людiе мо­и: зане вы не людiе мо­и, и азъ нѣсмь Богъ вашъ:
1:10 См.: 🔗Ос. 2:23 🔗Рим. 9:26 🔗Ис. 62:4 🔗Ин. 10:16 🔗1Пет. 2:10	и будетъ число сыновъ Израилевыхъ аки песокъ морскій, иже не измѣрит­ся, ни изочтет­ся: и будетъ, на мѣстѣ, на немже речеся имъ: не людiе мо­и вы: сіи тамо прозовут­ся сынове Бога живаго.
1:11 См.: 🔗Ис. 11:12 🔗Иер. 3:18 🔗Мих. 2:12	И соберут­ся сынове Иудины и сынове Израилевы вкупѣ, и поставятъ себѣ власть едину, и изыдутъ от­ земли, яко великъ день Иезраелевъ.