Книга Премудрости Иисуса, сына Сирахова, глава 22 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1	Камени нечистому уподобися лѣнивый, и всякъ позвиждетъ о безчестiи его:
22:2	калу воловiю при­­ложися лѣнивый, всякъ вземляй его отрясетъ руку.
22:3 См.: 🔗Прит. 17:21	Студъ отцу ненаказанъ сынъ, дщи же на умаленiе будетъ.
22:4	Дщерь мудрая наслѣдитъ мужа сво­его, а несрамляющаяся печаль отцу.
22:5	Отца и мужа посрамляетъ продерзая, и от­ обою безчестiе прiиметъ.
22:6 См.: 🔗Сир. 19:28	Яко мусикіа во плачи безвремен­ная повѣсть: раны же и наказанiе во всяко время премудрости.
22:7	Яко слѣпляяй чрепiе, тако учай буяго и воз­буждаяй спящаго от­ глубокаго сна:
22:8	повѣдаетъ дремлющему повѣдаяй буему, и на концы речетъ: что есть?
22:9 См.: 🔗Сир. 38:16	Надъ мертвымъ плачися, изчезе бо свѣтъ: и надъ буимъ плачися, изчезе бо разумъ.
22:10 См.: 🔗1Фес. 4:15	Сладчае плачися надъ мертвымъ, яко почилъ есть: буяго же лучше смерть, неже животъ золъ.
22:11 См.: 🔗Быт. 50:10 🔗Чис. 19:11 🔗2Цар. 11:27	Сѣтованiе о мертвецѣ седмь дній, о буемъ же и нечестивѣмъ вся дни живота его.
22:12	Со безумнымъ не множи словесъ и ко неразумиву не ходи:
22:13	хранися от­ него, да не прiимеши труда и не осквернишися во отрясенiи его:
22:14	уклонися от­ него, и обрящеши покой, и не уныеши безумiемъ его.
22:15 См.: 🔗Сир. 21:19	Паче олова что тяжчае бываетъ? и что ему имя, токмо буй?
22:16 См.: 🔗Прит. 27:3	Песокъ и соль и руду желѣза легчае понести, неже человѣка неразумива.
22:17	Сключенiе древяно связано на созиданiе храмины во трясенiи не расторгнет­ся: такожде и сердце утверждено на размышленiи совѣта во время страха не устрашит­ся.
22:18 См.: 🔗Иез. 13:10	Сердце основано на размышленiи разума, яко украшенiе песочное на тесанѣй стѣнѣ.
22:19	Яко острози на высотѣ лежащiи противу вѣтру не стерпятъ:
22:20 См.: 🔗Прем. 17:11	тако сердце страшливо во размышленiи буяго противу всякому страху не стерпитъ.
22:21	Убодаяй око источитъ слезы, и убодаяй въ сердце изъявляетъ чув­ст­во.
22:22	Вергаяй камень на птицы от­женетъ я: и иже поноситъ друга, разоритъ дружбу.
22:23	На друга аще извлечеши мечь, не от­чаявайся, есть бо воз­вратъ [любве]:
22:24 См.: 🔗Сир. 27:17	на друга аще от­верзеши уста, не убойся, есть бо при­­миренiе:
22:25	кромѣ поношенiя и гордыни, и от­кровенiя тайны и язвы лестныя, сихъ бо ради от­бѣжитъ всякъ другъ.
22:26	Вѣру стяжи въ нищетѣ со искрен­нимъ, да во благихъ его вкупѣ воз­веселишися:
22:27	во время скорби пребывай съ нимъ, да въ наслѣдiи его сонаслѣдиши.
22:28	Прежде огня пещная пара и дымъ: тако прежде кровей укоризна.
22:29	Друга заступати не усрамлюся и от­ лица его не скрыюся:
22:30	аще ми при­­ключат­ся и злая его ради, всякъ слышай сохранит­ся от­ него.
22:31 См.: 🔗Пс. 140:3 🔗Прит. 21:23	Кто дастъ ми во уста моя хранилище и на устнѣ мо­и печать разумну, да не падуся от­ нихъ, и языкъ мой да не погубитъ мя?