Первая книга Паралипоменон (Первая книга Хроник, Первая Летопись), глава 23

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 23
23:1 См.: 🔗3Цар. 1:33	И давидъ старъ и исполненъ дній, и воцари соломона сына сво­его вмѣсто себе надъ Израилемъ:
23:2	и собра всѣхъ князей Израилевыхъ, и священ­никовъ, и левитовъ:
23:3 См.: 🔗Чис. 4:3 🔗Чис. 8:24	сочтени же быша левити, от­ тридесяти лѣтъ и вышше, и бысть число ихъ по главамъ ихъ, мужей тридесять и осмь тысящъ:
23:4 См.: 🔗Втор. 16:18	от­ сихъ избрани на дѣла дому Господня двадесять четыри тысящы, и книгочей и судій шесть тысящъ,
23:5 См.: 🔗1Пар. 9:22 🔗Иез. 40:44 🔗2Пар. 29:25	и четыри тысящы дверниковъ, и четыри тысящы поющихъ Господеви во органы, ихже сотвори ко хваленiю Господню.
23:6 См.: 🔗2Пар. 8:14 🔗1Пар. 6:1 🔗Исх. 6:16 🔗Чис. 3:17 🔗Чис. 26:57	И раздѣли ихъ давидъ на чреды сыномъ Левіинымъ, Гирсону, Кааѳу и Мерарѣ:
23:7	и Гирсону и леадану и семею.
23:8	Сынове леадани: началникъ Иеiилъ и зеѳоѳъ и Иоиль, трiе.
23:9	Сынове же семеовы: Саломиѳъ и азаилъ и Арамъ, трiе: сіи началницы отече­ст­въ леаданихъ.
23:10	И сыномъ семеовымъ Иеѳъ и зизай, и Иоасъ и верiа: тіи сынове семеовы четыре.
23:11	Бѣ же Иеѳъ первый и зизай вторый: Иоасъ же и Варiа не имѣста многихъ сыновъ и быста въ дому отече­ст­ва въ при­­чтенiе едино.
23:12 См.: 🔗Исх. 6:18	Сынове Кааѳовы: Амврамъ и Иссааръ, Хевронъ, Озiилъ, четыри.
23:13 См.: 🔗Исх. 6:20 🔗Чис. 3:10 🔗Евр. 5:4	Сынове Амврамли: Ааронъ и Моисей: от­лученъ же бысть Ааронъ еже освящати святая святыхъ, той и сынове его во вѣки, и да кадитъ ѳимiамомъ предъ Господемъ, служитъ ему и молит­ся во имя его до вѣка.
23:14	Моисей же человѣкъ Божiй и сынове его при­­чтени суть въ колѣно Левіино.
23:15 См.: 🔗Исх. 2:22 🔗Исх. 18:3	Сынове Моисеовы: Гирсамъ и Елiезеръ.
23:16	Сынове Гирсамли, суваилъ началникъ.
23:17	Быша же сынове Елiезеру, равіа началникъ: и не бѣша Елiезеру сынове иніи: сынове же равіини умножени суть зѣло.
23:18	Сынове Иссааровы, Саллумоѳъ началникъ.
23:19 См.: 🔗1Пар. 24:23	Сынове хеврони: иерiавъ первый, Амаріа вторый, Иазiилъ третiй, Иезекіа четвертый.
23:20	Сынове же Озiили: миха первый, и Иессiа вторый.
23:21 См.: 🔗Исх. 6:19 🔗1Пар. 6:19	Сынове Мерарины: Мооли и муси.
23:22 См.: 🔗1Пар. 24:28	Сынове Моолиевы: Елеазаръ и кисъ. Умре же Елеазаръ, и не быша ему сынове, но токмо дщери: и пояша ихъ сынове кисовы братiя ихъ.
23:23	Сынове мусіины: Мооли и едеръ и Иаримоѳъ, трiе.
23:24 См.: 🔗Чис. 8:24	Сіи сынове Левіини по домомъ отече­ст­въ ихъ, началницы отече­ст­въ ихъ, по согляданiю ихъ, по числу именъ ихъ, по главамъ ихъ, иже творяху дѣла служенiя дому Господня, от­ двадесяти лѣтъ и вышше.
23:25	Рече бо давидъ: покой даде Господь Богъ людемъ сво­имъ Израилю, и вселися во Иерусалимѣ даже до вѣка,
23:26	и левити не быша носяще скинiю и вся сосуды ея къ служенiю ея.
23:27	По повелѣнiю бо давидову послѣднему есть число сыновомъ Левіинымъ от­ двадесяти лѣтъ и вышше:
23:28 См.: 🔗2Пар. 31:17	зане постави ихъ подъ руку сыномъ Ааронимъ, еже служити въ дому Господни во дворѣхъ и въ при­­творѣхъ, и во очищенiи всѣхъ святынь, и въ дѣлѣхъ служенiя дому Божiя,
23:29	и надъ хлѣбами предложенiя, и надъ мукою пшеничною жертвы, и надъ пряжмами опрѣсночными, и надъ сковрадою, и надъ печенымъ, и надъ всякимъ вѣсомъ и мѣрою,
23:30	и еже стояти, утро хвалити и исповѣдатися Господеви, такожде и къ вечеру,
23:31	и надъ всѣми воз­носимыми всесожженiи Господеви въ субботы, и въ новомѣсячiихъ, и въ праздницѣхъ, по числу, по чину ихъ выну Господеви,
23:32	и да сохранятъ стражбы скинiи свидѣнiя, и стражу святилища, и стражбы сыновъ Ааронихъ братiй сво­ихъ, да служатъ въ дому Господни.