Книга Исход, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Чис. 33:11 🔗Прем. 11:2 🔗Деян. 7:36 🔗Деян. 13:18	Воздвигошася же от­ Елима, и прiиде весь сонмъ сыновъ Израилевыхъ въ пустыню Синъ, яже есть между Елимомъ и между Синою. Въ пятый же ­на­де­сять день втораго месяца изшедшымъ имъ от­ земли Египетскiя,
16:2 См.: 🔗Исх. 15:24 🔗Пс. 105:13 🔗1Кор. 10:10	воз­ропта весь сонмъ сыновъ Израилевыхъ на Моисеа и Аарона,
16:3	и рекоша къ нимъ сынове Израилевы: о, дабы быхомъ измерли мы уязвени от­ Господа въ земли Египетстѣй, егда сѣдяхомъ надъ котлы мясными и ядохомъ хлѣбы до сытости: яко изведосте ны въ пустыню сiю уморити весь сонмъ сей гладомъ.
16:4 См.: 🔗Пс. 77:25 🔗Пс. 104:40 🔗Прем. 16:20	Рече же Господь къ Моисею: се, Азъ одождю вамъ хлѣбы съ небесе: и изыдутъ людiе, и соберутъ доволное дню, на [всякъ] день, яко да искушу ихъ, аще пойдутъ въ законѣ Мо­емъ, или ни:
16:5	и будетъ въ день шестый, и уготовятъ, еже внесутъ, и да будетъ сугубо, еже собираша на всякъ день.
16:6	Рече же Моисей и Ааронъ ко всему сонму сыновъ Израилевыхъ: въ вечеръ [сей] увѣсте, яко Господь изведе вы от­ земли Египетскiя,
16:7 См.: 🔗1Кор. 10:10 🔗Чис. 16:11	и заутра узрите славу Господню, внегда услышати Господу роптанiе ва­ше на Бога: мы же что есмы, яко ропщете на ны?
16:8 См.: 🔗Чис. 11:18	И рече Моисей: егда дастъ Господь вамъ въ вечеръ мяса ясти и хлѣбы заутра до сытости, понеже услыша Господь роптанiе ва­ше, имже ропщете на ны: мы же что есмы? Не на насъ бо роптанiе ва­ше, но точiю на Бога.
16:9	И рече Моисей ко Аарону: глаголи ко всему сонму сыновъ Израилевыхъ: прiидите предъ Бога, услыша бо роптанiе ва­ше.
16:10 См.: 🔗Сир. 45:3	Егда же глаголаше Ааронъ всему сонму сыновъ Израилевыхъ, и обратишася въ пустыню, и слава Господня явися во облацѣ,
16:11	и рече Господь къ Моисею глаголя:
16:12 См.: 🔗Исх. 12:6 🔗Чис. 11:7	слышахъ роптанiе сыновъ Израилевыхъ: рцы къ нимъ глаголя: къ вечеру да снѣсте мяса и заутра насытитеся хлѣбовъ, и увѣсте, яко Азъ есмь Господь Богъ вашъ.
16:13 См.: 🔗Прем. 16:2 🔗Чис. 11:31 🔗Пс. 77:27 🔗Пс. 104:40	Бысть же вечеръ, и прiидоша крастели и покрыша полкъ. Заутра же бысть спадшей росѣ около полка,
16:14 См.: 🔗Чис. 11:7	и се, на лицы пустыни мелко яко корiандръ, бѣло аки ледъ на земли.
16:15 См.: 🔗Пс. 77:24 🔗Прем. 16:20 🔗Ин. 6:31 🔗1Кор. 10:3	Узрѣв­ше же то сынове Израилевы, рѣша другъ ко другу: что есть сiе? Не вѣдяху бо, что бяше. Рече же Моисей къ нимъ: сей хлѣбъ, егоже даде Господь вамъ ясти:
16:16	сей глаголъ, егоже завѣща Господь: соберите от­ него кійждо на домашнiя, гоморъ поглавно по числу душъ вашихъ, кійждо васъ съ домашними сво­ими соберите.
16:17	И сотвориша тако сынове Израилевы, и собраша овъ много, овъ же мало:
16:18 См.: 🔗2Кор. 8:15	и измѣрив­ше гоморомъ, не преизбыточе­с­т­вова иже много, и иже мало, не мнѣе прiятъ: кійждо на домашнихъ сво­ихъ собраша.
16:19	И рече Моисей къ нимъ: никтоже да оставитъ на утрiе от­ него.
16:20	И не послушаша Моисеа, но оставиша нѣцыи от­ него на утрiе, и воскипѣ червьми и воз­смердѣся. И оскорбися на нихъ Моисей.
16:21	И собираша оное рано рано, кійждо надлежащее себѣ: егда же огрѣва­ше солнце, растаява­ше.
16:22	Бысть же въ день шестый, собраша потребное сугубо, два гомора комуждо. Прiидоша же вси князи сонма и повѣдаша Моисею.
16:23 См.: 🔗Быт. 2:2	Рече же Моисей къ нимъ: сiе слово есть, еже глагола Господь: суббота покой святъ Господу заутра: елика аще печете, пецыте, и елика аще варите, варите, все же избыточное оставите въ скровѣ на утрiе.
16:24	И оставиша от­ того до утрiя, якоже заповѣда имъ Моисей: и не воз­смердѣся, ниже червь бысть въ немъ.
16:25	Рече же Моисей: ядите днесь, есть бо суббота покой Господу: днесь не обрящете на поли:
16:26 См.: 🔗Чис. 11:6	шесть дній собирайте, въ седмый же день суббота: яко не будетъ въ немъ.
16:27	Бысть же въ седмый день, изыдоша нѣцыи от­ людій собирати, и не обрѣтоша.
16:28	Рече же Господь Моисеови: доколѣ не хощете послушати заповѣдiй Мо­ихъ и закона Мо­его?
16:29 См.: 🔗Быт. 2:2	Зрите: Господь бо даде вамъ субботу день сей: сего ради Той даде вамъ въ день шестый хлѣба на два дни: сѣдите кійждо васъ въ дому сво­емъ у себе, никтоже да исходитъ от­ мѣста сво­его въ день седмый.
16:30	И суббот­ст­воваша людiе въ день седмый.
16:31 См.: 🔗Чис. 11:7 🔗Прем. 16:20	И прозваша сынове Израилевы имя тому ман­на: бяше же яко сѣмя корiандрово бѣло, вкусъ же его аки мука съ медомъ.
16:32	Рече же имъ Моисей: сей глаголъ, егоже завѣща Господь: наполните гоморъ от­ ман­ны въ скровъ въ роды вашя: да видятъ хлѣбъ, егоже ядосте вы въ пустыни, егда изведе васъ Господь от­ земли Египетскiя.
16:33 См.: 🔗Евр. 9:4	И рече Моисей ко Аарону: воз­ми стамну златую едину и вложи въ ню гоморъ полный от­ ман­ны, и положиши тую предъ Богомъ въ соблюденiе въ роды вашя.
16:34	Якоже заповѣда Господь Моисею, положи ю Ааронъ предъ свидѣнiемъ въ соблюденiе.
16:35 См.: 🔗Нав. 5:12 🔗Неем. 9:15	Сынове же Израилевы ядоша ман­ну лѣтъ четыредесять, дондеже прiидоша въ землю обитаемую, и ядоша ман­ну, дондеже прiидоша во страну Финикійскую:
16:36	гоморъ же десятая часть трехъ мѣръ {Евр.: ефы} бяше.