Откровение Иоанна Богослова (Апокалипсис), глава 14

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 14
14:1 См.: 🔗Иез. 9:4 🔗Отк. 7:3	И видѣхъ, и се, Агнецъ стояше на горѣ Сiонстѣй, и съ Нимъ сто и четыредесять и четыри тысящы, имуще имя Отца Его написано на челѣхъ сво­ихъ.
14:2 См.: 🔗Отк. 5:8 🔗Отк. 19:6	И слышахъ гласъ съ небесе, яко гласъ водъ многихъ и яко гласъ грома велика: и гласъ слышахъ гудецъ гудущихъ въ гусли своя
14:3	и поющихъ яко пѣснь нову предъ престоломъ и предъ четыри животными и старцы: и никтоже можа­ше навыкнути пѣсни, токмо сіи сто и четыредесять и четыри тысящы искуплени от­ земли.
14:4 См.: 🔗1Кор. 6:20 🔗2Кор. 7:1 🔗2Кор. 11:2	Сіи суть, иже съ женами не осквернишася, зане дѣв­с­т­вен­ницы суть: сіи послѣдуютъ Агнцу, аможе аще пойдетъ. Сіи суть куплени от­ людій первенцы Богу и Агнцу,
14:5 См.: 🔗Соф. 3:13 🔗Еф. 5:27	и во устѣхъ ихъ не обрѣтеся лесть: безъ порока бо суть предъ престоломъ Божiимъ.
14:6	И видѣхъ инаго Ангела паряща посредѣ небесе, имущаго Евангелiе вѣчно благовѣстити живущымъ на земли и всякому племени и языку, и колѣну и людемъ,
14:7 См.: 🔗Пс. 32:6 🔗Пс. 145:6 🔗Деян. 14:15	глаголюща гласомъ великимъ: убойтеся Бога и дадите Ему славу, яко прiиде часъ суда Его, и поклонитеся Сотворшему небо и землю, и море и источники водныя.
14:8 См.: 🔗Ис. 21:9 🔗Иер. 51:8 🔗Иез. 16:35 🔗Отк. 16:19	И инъ Ангелъ вслѣдъ иде, глаголя: паде, паде Вавилонъ градъ великiй, зане от­ вина ярости любо­дѣянiя сво­его напо­и вся языки.
14:9	И третiй Ангелъ вслѣдъ его иде, глаголя гласомъ великимъ: иже аще кто покланяет­ся звѣрю и иконѣ его и прiемлетъ начертанiе на челѣ сво­емъ или на руцѣ сво­ей,
14:10 См.: 🔗Пс. 74:9 🔗Ис. 66:24 🔗Иер. 25:9 🔗Отк. 16:19	и той имать пити от­ вина ярости Божiя, вина нера­ст­ворена {влiян­на нера­ст­ворена} въ чаши гнѣва Его, и будетъ мученъ огнемъ и жупеломъ предъ Ангелы святыми и предъ Агнцемъ:
14:11 См.: 🔗Ис. 34:10 🔗Мф. 25:41 🔗Ин. 5:29 🔗Отк. 19:3	и дымъ мученiя ихъ во вѣки вѣковъ восходитъ, и не имутъ покоя день и нощь покланяющiися звѣрю и образу его и прiемлющiи начертанiе имене его.
14:12	Здѣ есть терпѣнiе святыхъ, иже соблюдаютъ заповѣди Божiя и вѣру Иисусову.
14:13 См.: 🔗Прем. 4:7 🔗1Фес. 4:14	И слышахъ гласъ съ небесе, глаголющь ми: напиши: блажени мертвiи, умирающiи о Господѣ от­нынѣ. Ей, глаголетъ Духъ, да почіютъ от­ трудовъ сво­ихъ: дѣла бо ихъ ходятъ вслѣдъ съ ними.
14:14 См.: 🔗Дан. 7:13	И видѣхъ, и се, облакъ свѣтелъ, и на облацѣ сѣдяй подобенъ Сыну Человѣческому, имѣя на главѣ сво­ей вѣнецъ златъ, и въ руцѣ его серпъ остръ.
14:15 См.: 🔗Иоил. 3:13 🔗Мф. 13:39	И инъ ангелъ изыде изъ храма, вопiя велiимъ гласомъ сѣдящему на облацѣ: посли серпъ твой и жни, яко прiиде часъ пожати, зане изсше трава {жатва} земная.
14:16	И положи {поверже} сѣдяй на облацѣ серпъ свой на землю, и пожата бысть земля.
14:17	И инъ Ангелъ изыде изъ церкве сущiя на небеси, имый и той серпъ остръ.
14:18 См.: 🔗Отк. 8:5	И инъ Ангелъ изыде от­ олтаря, имый область на огни, и возопи кличемъ великимъ ко имущему серпъ острый, глаголя: посли серпъ твой острый и объемли грозды винограда земнаго, яко созрѣша уже гроздiе ея.
14:19 См.: 🔗Отк. 19:15	И положи {верже} Ангелъ серпъ свой на земли {на землю}, и обере виноградъ земскiй и вложи въ точило великiя ярости Божiя.
14:20 См.: 🔗Ис. 63:3	И испрано бысть точило внѣ града, и изыде кровь от­ точила даже до уздъ конскихъ, от­ стадiй тысяща и шесть сотъ.