Книга Судей Израилевых, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Суд. 12:1	И рекоша къ гедеону мужiе Ефремли: что сiе сотворилъ еси намъ, яко не позвалъ еси насъ, егда ходилъ во­евати на Мадiама? И пряхуся съ нимъ сильно.
8:2 См.: 🔗Суд. 6:34 🔗Нав. 17:2	И рече къ нимъ [гедеонъ]: что сотворихъ нынѣ якоже вы? не лучше ли гроздецъ Ефремль, нежели обранiе винограда Авiезерова?
8:3 См.: 🔗Суд. 7:25	въ руку вашу предаде Господь князи Мадiамли, орива и зива: и что воз­могохъ сотворити якоже вы? Тогда утолися духъ ихъ от­ него, егда глагола имъ слово сiе.
8:4	И прiиде гедеонъ ко Иордану, и прейде самъ и иже съ нимъ триста мужей, алчни и утруждени гоняще.
8:5 См.: 🔗Нав. 13:27	И рече мужемъ сокхоѳскимъ: дадите хлѣбы на пищу мужемъ симъ иже со мною, яко алчни суть: азъ же гоню вслѣдъ зевеа и Салмана, царей Мадiамскихъ.
8:6	И рекоша князи сокхоѳстiи: еда рука зевеа и Салмана нынѣ въ руцѣ тво­ей, яко дадимъ воемъ тво­имъ хлѣбы?
8:7	И рече гедеонъ: не тако: но егда предастъ Господь зевеа и Салмана въ руку мою, азъ сотру плоти вашя тернiемъ пустын­нымъ и волчцами.
8:8 См.: 🔗Быт. 32:30 🔗3Цар. 12:25	И взыде от­туду во фануилъ и глагола къ нимъ такожде. И от­вѣщаша ему мужiе фануили, якоже от­вѣщаша ему мужiе сокхоѳстiи.
8:9	И рече гедеонъ мужемъ фануилскимъ, глаголя: егда воз­вращуся съ миромъ, раскопаю столпъ сей.
8:10 См.: 🔗Суд. 20:2	И зевей и Салманъ быша въ каркарѣ, и полкъ ихъ съ ними до пять­на­де­ся­ти тысящъ [мужей] остав­шихся от­ всего полка сыновъ восточныхъ: и умершихъ бяше сто и двадесять тысящъ мужей держащихъ оружiе.
8:11 См.: 🔗Чис. 32:42	И взыде гедеонъ путемъ живущихъ въ кущахъ от­ востоковъ прямо навы и Иегевала: и изби полкъ, полкъ же бяше надеженъ.
8:12 См.: 🔗Ос. 10:14	И побѣгоста зевей и Салманъ: и гна вслѣдъ ихъ, и по­има оба царя Мадiамля, зевеа и Салмана, и весь полкъ ихъ смяте.
8:13	И воз­вратися гедеонъ сынъ Иоасовъ от­ рати прежде восхода солнца,
8:14	и ятъ отрочища от­ мужей сокхоѳскихъ и вопроси его: и вписа от­ него имена князей сокхоѳскихъ и старѣйшинъ ихъ, седмидесяти и седми мужей.
8:15	И прiиде гедеонъ ко княземъ сокхоѳскимъ и рече имъ: се, зевей и Салманъ, ихже ради укористе мя, глаголюще: еда рука зевеа и Салмана нынѣ въ руцѣ тво­ей, яко дадимъ мужемъ тво­имъ утруждшымся хлѣбы?
8:16	И поя князи и старѣйшины града, и тернiе от­ пустыни и волчцы, и сотре ими мужы сокхоѳски:
8:17	и столпъ фануилевъ раскопа, и изби мужы градскiя.
8:18 См.: 🔗Нав. 19:12	И рече къ зевею и Салману: какови мужiе, ихже избисте въ Ѳаворѣ? И рѣша: якоже ты, тако они, подобенъ ты еси имъ, яко подобiе сыновъ царевыхъ.
8:19	И рече гедеонъ: братiя моя и сынове матере мо­ея суть: живъ Господь, аще бысте живили ихъ, не убилъ быхъ васъ.
8:20 См.: 🔗Нав. 10:24	И рече Иеѳеру первенцу сво­ему: воставъ убій ихъ. И не извлече отрочищь меча сво­его: зане убояся, яко младъ бяше.
8:21 См.: 🔗Пс. 82:12	И рече зевей и Салманъ: востани убо ты, и сопротивися намъ: зане яко мужъ сила его. И воста гедеонъ, и уби зевеа и Салмана: и взя украшенiя, яже на выяхъ велблюдовъ ихъ.
8:22	И рекоша мужiе Израилстiи ко гедеону: владѣй нами и ты, и сынове тво­и, и сынове сыновъ тво­ихъ, яко ты спаслъ еси насъ от­ руки Мадiамли.
8:23	И рече къ нимъ гедеонъ: не воз­обладаю азъ вами, и не воз­обладаетъ сынъ мой вами: Господь да владѣетъ вами.
8:24	И рече къ нимъ гедеонъ: попрошу у васъ прошенiя, и да дастъ мнѣ всякъ мужъ усерязь от­ плѣна сво­его: яко усерязи златы [мнози] бяху имъ, зане Исмаилтяне бяху.
8:25	И рекоша: дающе дадимъ. И простре ризу, и ввергоша ту мужiе по усерязю от­ плѣна сво­его.
8:26	И бысть вѣсъ усерязь златыхъ, ихже испроси, тысяща и седмь сотъ Сикль злата, кромѣ пленицъ и монистъ [енфоѳовыхъ], и ризъ багряныхъ, яже на царехъ Мадiамлихъ, и кромѣ чепей златыхъ, яже на выяхъ велблюдовъ ихъ.
8:27 См.: 🔗Лев. 20:5 🔗Исх. 23:33	И сотвори от­ нихъ гедеонъ Ефудъ {Греч.: епомисъ, славен.: нарамникъ.}, и постави его во градѣ сво­емъ во Ефраѳѣ. И соблуди весь Израиль по немъ тамо: и бысть гедеону и всему его дому въ соблазнъ.
8:28 См.: 🔗Суд. 3:11	И смирися Мадiамъ предъ сыны Израилевыми, и не при­­ложиша воз­двигнути главы сво­ея. И бысть въ покои земля четыредесять лѣтъ, во дни гедеоновы.
8:29	И иде иероваалъ сынъ Иоасовъ, и сѣде въ дому сво­емъ.
8:30 См.: 🔗4Цар. 10:1	И гедеону быша седмьдесятъ сыновъ, изшедшiи от­ чреслъ его, яко жены бяху многи ему.
8:31 См.: 🔗Суд. 9:1	И подложница его яже въ Сикимѣ и сiя роди ему сына, и нарече имя ему Авимелехъ.
8:32	И умре гедеонъ сынъ Иоасовъ въ старости блазѣ, и погребеся во гробѣ Иоаса отца сво­его, во Ефраѳѣ, отца езріева.
8:33 См.: 🔗Суд. 3:7 🔗Суд. 9:4 🔗Иер. 23:27	И бысть егда умре гедеонъ, и совратишася сынове Израилевы и соблудиша вслѣдъ Ваалима, и сотвориша себѣ со Ваалвериѳомъ завѣтъ, да имъ будетъ богъ:
8:34	и не воспомянуша сынове Израилевы Господа Бога сво­его, избавльшаго ихъ изъ руки всѣхъ врагъ ихъ окрестныхъ:
8:35 См.: 🔗Суд. 9:5	и не сотвориша милости съ домомъ иеровааловымъ, сей есть гедеонъ, по всей благостыни его, юже сотвори со Израилемъ.