Евангелие от Луки, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	[Зач. 50.] По сихъ же яви Господь и инѣхъ седмьдесятъ, и посла ихъ по двѣма предъ лицемъ Сво­имъ во всякъ градъ и мѣсто, аможе хотяше Самъ ити:
10:2 См.: 🔗Мф. 9:37 🔗Ин. 4:35	глаголаше же къ нимъ: жатва убо многа, дѣлателей же мало: молитеся убо Господину жатвѣ, да изведетъ дѣлатели на жатву Свою.
10:3 См.: 🔗Мф. 10:16	Идите: се Азъ посылаю вы яко агнцы посредѣ волковъ.
10:4 См.: 🔗4Цар. 4:29 🔗Мф. 10:10	Не носите влагалища, ни пиры, ни сапогъ и ни когоже на пути цѣлуйте.
10:5 См.: 🔗Мф. 10:12 🔗Мк. 6:10	Въ онъ же аще домъ внидете, первѣе глаголите: миръ дому сему:
10:6	и аще убо будетъ ту сынъ мира, почіетъ на немъ миръ вашъ: аще ли же ни, къ вамъ воз­вратит­ся.
10:7 См.: 🔗Втор. 24:14 🔗Мф. 10:10 🔗1Тим. 5:18	Въ томъ же дому пребывайте, ядуще и пiюще, яже суть у нихъ: достоинъ бо есть дѣлатель мзды сво­ея: не преходите изъ дому въ домъ.
10:8	И въ онъ же аще градъ входите, и прiемлютъ вы, ядите предлагаемая вамъ:
10:9	и исцѣлите недужныя, иже суть въ немъ, и глаголите имъ: при­­ближися на вы Цар­ст­вiе Божiе.
10:10	И въ онъ же аще градъ входите, и не прiемлютъ васъ, изшедше на распутiя его, рцыте:
10:11 См.: 🔗Мф. 10:14 🔗Деян. 13:51	и прахъ при­­лѣпшiй намъ от­ града ва­шего, от­трясаемъ вамъ. Обаче сiе вѣдите, яко при­­ближися на вы Цар­ст­вiе Божiе.
10:12 См.: 🔗Мф. 11:24	Глаголю вамъ, яко Cодомляномъ въ день той от­раднѣе будетъ, неже граду тому.
10:13 См.: 🔗Ис. 23:1 🔗Иез. 3:6 🔗Иез. 26:2 🔗Мф. 11:21	Горе тебѣ, Хоразине, горе тебѣ, Виѳсаидо: яко аще въ Тирѣ и Сидонѣ быша силы были быв­шыя въ ваю, древле убо во вретищи и пепелѣ сѣдяще покаялися быша:
10:14	обаче Тиру и Сидону от­раднѣе будетъ на судѣ, неже вама.
10:15	И ты, Капернауме, иже до небесъ воз­несыйся, до ада низведешися.
10:16 См.: 🔗Чис. 16:11 🔗Мф. 10:40 🔗Лк. 9:48 🔗Ин. 13:20	[Зач. 51.] Слушаяй васъ, Мене слушаетъ: и от­метаяйся васъ, Мене от­метает­ся: от­метаяйся же Мене, от­метает­ся Послав­шаго Мя.
10:17	Возвратишася же седмьдесятъ съ радостiю, глаголюще: Господи, и бѣси повинуют­ся намъ о имени Тво­емъ.
10:18	Рече же имъ: видѣхъ сатану яко молнiю съ небесе спадша.
10:19 См.: 🔗Пс. 90:13 🔗1Ин. 2:13	[Зач.] Се, даю вамъ власть наступати на змiю и на скорпію и на всю силу вражiю: и ничесоже васъ вредитъ.
10:20 См.: 🔗Ис. 4:3 🔗Дан. 12:1 🔗Флп. 4:3	Обаче о семъ не радуйтеся, яко дуси вамъ повинуют­ся: радуйтеся же, яко имена ваша написана суть на небесѣхъ.
10:21 См.: 🔗Ис. 32:4 🔗Мф. 11:25 🔗1Кор. 1:21 🔗2Кор. 4:3	Въ той часъ воз­радовася духомъ Иисусъ и рече: исповѣдаютися, Отче, Господи небесе и земли, яко утаилъ еси сiя от­ премудрыхъ и разумныхъ, и от­крылъ еси та младенцемъ: ей, Отче, яко тако бысть благоволенiе предъ Тобою.
10:22	И обращься ко ученикомъ, рече: вся Мнѣ предана быша от­ Отца Мо­его: и никтоже вѣсть, кто есть Сынъ, токмо Отецъ: и кто есть Отецъ, токмо Сынъ, и емуже аще хощетъ Сынъ от­крыти.
10:23 См.: 🔗Мф. 13:16	[Зач. 52.] И обращься ко ученикомъ, единъ {особь} рече: блажени очи видящiи, яже видите:
10:24 См.: 🔗1Пет. 1:10	глаголю бо вамъ, яко мнози пророцы и царiе восхотѣша видѣти, яже вы видите, и не видѣша: и слышати, яже слышите, и не слышаша.
10:25 См.: 🔗Мф. 22:35 🔗Мк. 12:28	[Зач. 53.] И се, закон­никъ нѣкiй воста, искушая Его и глаголя: Учителю, что сотворивъ, животъ вѣчный наслѣдую?
10:26	Онъ же рече къ нему: въ законѣ что писано есть? Како чтеши?
10:27 См.: 🔗Лев. 19:18 🔗Втор. 6:5 🔗Мф. 22:37 🔗Мк. 12:29	Онъ же от­вѣщавъ рече: воз­любиши Господа Бога тво­его от­ всего сердца тво­его, и от­ всея души тво­ея, и всею крѣпостiю тво­ею, и всѣмъ помышленiемъ тво­имъ: и ближняго сво­его яко самъ себе.
10:28 См.: 🔗Лев. 18:5	Рече же ему: право от­вѣщалъ еси: сiе сотвори, и живъ будеши.
10:29	Онъ же хотя оправдитися самъ, рече ко Иисусу: и кто есть ближнiй мой?
10:30	Отвѣщавъ же Иисусъ рече: человѣкъ нѣкiй схожда­ше от­ Иерусалима во Иерихонъ, и въ разбойники впаде, иже совлекше его, и язвы воз­ложше от­идоша, оставльше едва жива суща.
10:31 См.: 🔗Деян. 10:28	По случаю же священ­никъ нѣкiй схожда­ше путемъ тѣмъ, и видѣвъ его, мимо­иде.
10:32	Такожде же и левитъ, бывъ на томъ мѣстѣ, при­­шедъ и видѣвъ, мимо­иде.
10:33	Самарянинъ же нѣкто грядый, прiиде надъ него, и видѣвъ его, милосердова:
10:34	и при­­ступль обвяза струпы его, воз­ливая масло и вино: всадивъ же его на свой скотъ, при­­веде его въ гостин­ницу, и при­­лѣжа ему:
10:35	и наутрiя изшедъ, изъемъ два сребреника, даде гостин­нику, и рече ему: при­­лѣжи ему: и, еже аще прiиждивеши, азъ егда воз­вращуся, воз­дамъ ти.
10:36	Кто убо от­ тѣхъ трiехъ ближнiй мниттися быти впадшему въ разбойники?
10:37	Онъ же рече: сотворивый милость съ нимъ. Рече же ему Иисусъ: иди, и ты твори такожде.
10:38 См.: 🔗Ин. 11:1 🔗Ин. 12:2	[Зач. 54.] Бысть же ходящымъ имъ, и Самъ вниде въ весь нѣкую: жена же нѣкая именемъ Марѳа прiятъ Его въ домъ свой.
10:39	И сестра ей бѣ нарицаемая Маріа, яже и сѣдши при­­ ногу Иисусову, слышаше слово Его.
10:40	Марѳа же молвяше о мнозѣ службѣ, став­ши же рече: Господи, не брежеши ли, яко сестра моя едину мя остави служити? Рцы убо ей, да ми поможетъ.
10:41	Отвѣщавъ же Иисусъ рече ей: Марѳо, Марѳо, печешися, и молвиши о мнозѣ,
10:42	едино же есть на потребу: Маріа же благую часть избра, яже не отъ­имет­ся от­ нея.