Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 24 | |
24:1 | Се, Господь разсыплетъ вселенную и опустошитъ ю, и открыетъ лице ея и расточитъ живущыя на ней. |
24:2 См.: 🔗Ос. 4:9 | И будутъ людiе аки жрецъ, и рабъ аки господинъ, и раба аки госпожа: будетъ купуяй яко продаяй, и взаимъ емляй аки заимодавецъ, и должный аки емуже есть долженъ. |
24:3 | Тлѣнiемъ истлѣетъ земля, и расхищенiемъ расхищена будетъ земля: уста бо Господня глаголаша сiя. |
24:4 | Восплакася земля, и растлѣнна бысть вселенная, восплакашася высоцыи земли. |
24:5 См.: 🔗Соф. 1:3 | Земля бо беззаконiе сотвори живущихъ ради на ней, понеже преступиша законъ и измѣниша заповѣди, разрушиша завѣтъ вѣчный. |
24:6 См.: 🔗Ис. 1:9 | Сего ради проклятiе поястъ землю, яко согрѣшиша живущiи на ней: сего ради убози будутъ живущiи на земли, и останется человѣковъ мало. |
24:7 | Восплачется вино, возрыдаетъ виноградъ, возстенутъ вси радующiися душею. |
24:8 | Престало есть веселiе тимпановъ, преста высокодерзость и богатство нечестивыхъ, престалъ есть гласъ гуслей: |
24:9 | усрамишася, не пиша вина, горька бысть Сикера пiющымъ. |
24:10 | Опустѣ всякъ градъ, заключитъ храмъ, еже не внити. |
24:11 | Плачитеся о винѣ всюду, престала есть радость вся земная, отъиде вся радость земли. |
24:12 | И останутъ гради пусти, и домове оставлени погибнутъ. |
24:13 См.: 🔗Ис. 17:5 | Сiя вся будутъ на земли среди языковъ: якоже аще кто отрясаетъ масличину, тако отрясутъ ихъ: и [якоже] аще останетъ от объиманiя винограда, |
24:14 См.: 🔗Ис. 12:5 | сіи гласомъ возопiютъ: оставшiися же на земли возрадуются со славою Господнею, возмятется вода морская. |
24:15 | Сего ради слава Господня во островѣхъ будетъ морскихъ, имя Господне прославлено будетъ. |
24:16 | Господи Боже Израилевъ, от крилъ земныхъ чудеса слышахомъ, надежда благочестивому: и рекутъ: [горе хулящымъ, иже хулятъ законъ,] горе преступникомъ, иже преступаютъ законъ. |
24:17 | Страхъ и пропасть и сѣть на васъ живущихъ на земли. |
24:18 См.: 🔗Иер. 48:44 | И будетъ, бѣжай страха впадетъ въ пропасть, и излазяй изъ пропасти имется въ сѣть: яко окна съ небесе отверзошася, и потрясутся основанiя земная. |
24:19 См.: 🔗Иер. 2:37 🔗Иер. 32:5 | Мятежемъ возмятется земля, и скудостiю оскудѣетъ земля. |
24:20 См.: 🔗Ис. 19:14 🔗Иов. 27:18 | Преклонися и потрясеся земля аки овощное хранилище, и аки пiянъ и шуменъ падетъ и не возможетъ востати, преодолѣ бо на ней беззаконiе. |
24:21 | И будетъ въ той день, наведетъ Господь на утварь небесную руку и на цари земныя. |
24:22 См.: 🔗Иез. 32:18 | И соберутъ собранiе ея и затворятъ въ тверди и въ темницы: мнозѣми роды будетъ посѣщенiе ихъ. |
24:23 См.: 🔗Ис. 13:10 | И истаетъ плинѳа и падетъ стѣна, и устыдится луна и посрамится солнце: яко воцарится Господь въ Сiонѣ и во Иерусалимѣ и предъ старѣйшины славенъ будетъ. |