Евангелие от Матфея, глава 24

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 24
24:1 См.: 🔗Мк. 13:1 🔗Лк. 21:5	[Зач. 97.] И изшедъ Иисусъ идяше от­ церкве. И при­­ступиша [къ Нему] ученицы Его показати Ему зданiя церковная.
24:2 См.: 🔗Мк. 13:2 🔗Лк. 19:44 🔗Лк. 21:6	Иисусъ же рече имъ: не видите ли вся сiя? Аминь глаголю вамъ, не имать остати здѣ камень на камени, иже не разорит­ся.
24:3	[Зач. 98.] Сѣдящу же Ему на горѣ Елеонстѣй, при­­ступиша къ Нему ученицы на единѣ, глаголюще: рцы намъ, когда сiя будутъ? И что есть знаменiе Тво­его при­­ше­ст­вiя и кончина вѣка?
24:4 См.: 🔗Мк. 13:5 🔗Лк. 21:8 🔗Еф. 5:6 🔗2Фес. 2:3	И от­вѣщавъ Иисусъ рече имъ: блюдите, да никтоже васъ прельститъ:
24:5	мнози бо прiидутъ во имя Мое, глаголюще: азъ есмь Христосъ: и многи прельстятъ.
24:6	Услышати же имате брани и слышанiя бранемъ. Зрите, не ужасайтеся, подобаетъ бо всѣмъ [симъ] быти: но не тогда есть кончина.
24:7	Востанетъ бо языкъ на языкъ, и цар­ст­во на цар­ст­во: и будутъ глади и пагубы и труси по мѣстомъ:
24:8	вся же сiя начало болѣзнемъ.
24:9 См.: 🔗Мф. 10:17 🔗Мк. 13:9 🔗Лк. 21:12 🔗Ин. 15:20	Тогда предадятъ вы въ скорби и убiютъ вы: и будете ненавидими всѣми языки имене Мо­его ради.
24:10	И тогда соблазнят­ся мнози, и другъ друга предадятъ, и воз­ненавидятъ другъ друга:
24:11	и мнози лжепророцы востанутъ и прельстятъ многiя:
24:12	и за умноженiе беззаконiя, изсякнетъ любы многихъ.
24:13	[Зач. 99.] Претерпѣвый же до конца, той спасет­ся.
24:14	И проповѣст­ся сiе Евангелiе Цар­ст­вiя по всей вселен­нѣй, во свидѣтел­ст­во всѣмъ языкомъ: и тогда прiидетъ кончина.
24:15 См.: 🔗Дан. 9:27 🔗Мк. 13:14 🔗Лк. 21:20	Егда убо узрите мерзость запустѣнiя, речен­ную Данiиломъ пророкомъ, стоящу на мѣстѣ святѣ: иже чтетъ, да разумѣетъ:
24:16	тогда сущiи во Иудеи да бѣжатъ на горы:
24:17	[и] иже на кровѣ, да не сходитъ взяти яже въ дому его:
24:18	и иже на селѣ, да не воз­вратит­ся вспять взяти ризъ сво­ихъ.
24:19	Горе же непразднымъ и доящымъ въ тыя дни.
24:20	Молитеся же, да не будетъ бѣг­ст­во ва­ше въ зимѣ, ни въ субботу.
24:21	Будетъ бо тогда скорбь велiя, яковаже не была от­ начала мiра доселѣ, ниже имать быти.
24:22	И аще не быша прекратилися дніе оны, не бы убо спаслася всяка плоть: избран­ныхъ же ради прекратят­ся дніе оны.
24:23 См.: 🔗Мк. 13:21 🔗Лк. 17:23	Тогда аще кто речетъ вамъ: се, здѣ Христосъ, или ондѣ: не имите вѣры:
24:24	востанутъ бо лжехристи и лжепророцы и дадятъ знаменiя велiя и чудеса, якоже прельстити, аще воз­можно, и избран­ныя.
24:25	Се, прежде рѣхъ вамъ.
24:26	Аще убо рекутъ вамъ: се, въ пустыни есть, не изыдите: се, въ сокровищихъ, не имите вѣры:
24:27	[Зач. 100.] якоже бо молнiя исходитъ от­ востокъ и являет­ся до западъ, тако будетъ при­­ше­ст­вiе Сына Человѣческаго:
24:28 См.: 🔗Лк. 17:37	идѣже бо аще будетъ трупъ, тамо соберут­ся орли.
24:29 См.: 🔗Ис. 13:10 🔗Иез. 32:7 🔗Иоил. 2:31 🔗Мк. 13:24 🔗Лк. 21:25	Абiе же, по скорби дній тѣхъ, солнце померкнетъ, и луна не дастъ свѣта сво­его, и звѣзды спадутъ съ небесе, и силы небесныя подвигнут­ся:
24:30 См.: 🔗Зах. 12:10 🔗Мк. 14:62 🔗Отк. 1:7	и тогда явит­ся знаменiе Сына Человѣческаго на небеси: и тогда восплачут­ся вся колѣна земная и узрятъ Сына Человѣческаго грядуща на облацѣхъ небесныхъ съ силою и славою многою:
24:31 См.: 🔗1Кор. 15:52 🔗1Фес. 4:16	и послетъ Ангелы Своя съ трубнымъ гласомъ велiимъ, и соберутъ избран­ныя Его от­ четырехъ вѣтръ, от­ конецъ небесъ до конецъ ихъ.
24:32	От смоковницы же научитеся притчи: егда уже ваiя ея будутъ млада, и ли­ст­вiе прозябнетъ, вѣдите, яко близъ есть жатва:
24:33	тако и вы, егда видите сiя вся, вѣдите, яко близъ есть, при­­ дверехъ.
24:34 См.: 🔗Мк. 13:30	[Зач. 101.] Аминь глаголю вамъ, не мимо­идетъ родъ сей, дондеже вся сiя будутъ:
24:35 См.: 🔗Ис. 51:6 🔗2Пет. 3:10	небо и земля мимо­идетъ, словеса же Моя не мимо­идутъ.
24:36	[Зач. 102.] О дни же томъ и часѣ никтоже вѣсть, ни Ангели небеснiи, токмо Отецъ Мой единъ:
24:37 См.: 🔗Быт. 7:7 🔗Лк. 17:26 🔗1Пет. 3:20	якоже [бо бысть во] дни Ноевы, тако будетъ и при­­ше­ст­вiе Сына Человѣческаго:
24:38	якоже бо бѣху во дни прежде потопа ядуще и пiюще, женящеся и посягающе, до негоже дне вниде Ное въ ковчегъ,
24:39	и не увѣдѣша, дондеже прiиде вода и взятъ вся: тако будетъ и при­­ше­ст­вiе Сына Человѣческаго:
24:40	тогда два будета на селѣ: единъ по­емлет­ся, а другій оставляет­ся:
24:41	двѣ мелющѣ въ жерновахъ: едина по­емлет­ся, и едина оставляет­ся.
24:42 См.: 🔗Мф. 25:13 🔗Мк. 13:33	[Зач. 103.] Бдите убо, яко не вѣсте, въ кій часъ Господь вашъ прiидетъ.
24:43 См.: 🔗Лк. 12:39 🔗1Фес. 5:2 🔗Отк. 16:15	Сiе же вѣдите, яко аще бы вѣдалъ дому владыка, въ кую стражу тать прiидетъ, бдѣлъ убо бы и не бы далъ подкопати храма сво­его.
24:44	Сего ради и вы будите готови: яко, въ оньже часъ не мните, Сынъ Человѣческiй прiидетъ.
24:45 См.: 🔗Лк. 12:42 🔗1Кор. 4:2	Кто убо есть вѣрный рабъ и мудрый, егоже поставитъ господинъ его надъ домомъ сво­имъ, еже даяти имъ пищу во время [ихъ]?
24:46 См.: 🔗Отк. 16:15	блаженъ рабъ той, егоже, при­­шедъ господинъ его, обрящетъ тако творяща:
24:47	аминь глаголю вамъ, яко надъ всѣмъ имѣнiемъ сво­имъ поставитъ его.
24:48	Аще ли же речетъ злый рабъ той въ сердцы сво­емъ: коснитъ господинъ мой прiити,
24:49	и начнетъ бити клевреты своя, ясти же и пити съ пiяницами:
24:50	прiидетъ господинъ раба того въ день, въ оньже не чаетъ, и въ часъ, въ оньже не вѣсть,
24:51	и растешетъ его полма, и часть его съ невѣрными положитъ: ту будетъ плачь и скрежетъ зубомъ.