Книга Притчей Соломоновых, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	Сыне, аще прiимъ глаголъ мо­ея заповѣди, скрыеши въ себѣ,
2:2 См.: 🔗Лк. 8:18	послушаетъ премудрости твое ухо, и при­­ложиши сердце твое къ разуму: при­­ложиши же е въ наказанiе сыну тво­ему.
2:3	Аще бо премудрость при­­зовеши и разуму даси гласъ твой, чув­ст­во же взыщеши великимъ гласомъ,
2:4 См.: 🔗Мф. 13:44	и аще взыщеши ея яко сребра, и якоже сокровища испытаеши ю:
2:5	тогда уразумѣеши страхъ Господень и познанiе Божiе обрящеши:
2:6 См.: 🔗3Цар. 3:9 🔗Иов. 32:8 🔗Прем. 7:15 🔗Кол. 2:3	яко Господь даетъ премудрость, и от­ лица его познанiе и разумъ:
2:7 См.: 🔗Пс. 83:12	и сокровищ­ст­вуетъ исправляющымъ спасенiе, защищаетъ же ше­ст­вiе ихъ,
2:8	еже сохранити пути оправданiй, и путь благоговѣин­ству­ю­щихъ его сохранитъ.
2:9	Тогда уразумѣеши правду и судъ и исправиши вся стези благія.
2:10	Аще бо прiидетъ премудрость въ твою мысль, чув­ст­во же тво­ей души добро быти воз­мнит­ся,
2:11	совѣтъ добръ сохранитъ тя, помышленiе же преподобное соблюдетъ тя,
2:12	да избавитъ тя от­ пути злаго и от­ мужа, глаголюща ничтоже вѣрно.
2:13 См.: 🔗Иов. 23:14 🔗Ин. 3:19	О, оставив­шiи пути правыя, еже ходити въ путехъ тмы!
2:14	о, веселящiися о злыхъ и раду­ю­щiися о развращенiи злѣмъ!
2:15	ихже стези стропотны, и крива теченiя ихъ, еже далече тя сотворити от­ пути права,
2:16	и чужда от­ праведнаго разума. Сыне, да тя не постигнетъ совѣтъ злый,
2:17	оставляяй ученiе юности, и завѣта Боже­с­т­вен­наго забывый:
2:18	постави бо при­­ смерти домъ свой и при­­ адѣ съ земными дѣянiя своя.
2:19	Вси ходящiи по нему не воз­вратят­ся, ниже постигнутъ стезь правыхъ: ни бо достигнутъ лѣтъ жизни.
2:20	Аще бо быша ходили въ стези благія, обрѣли убо быша стези правы гладки: блази будутъ жителiе на земли, незлобивiи же останутъ на ней:
2:21 См.: 🔗Пс. 36:9 🔗Мф. 5:5	яко правiи вселят­ся на земли, и преподобнiи останутъ на ней.
2:22 См.: 🔗Иов. 18:17	Путiе нечестивыхъ от­ земли погибнутъ, пребеззакон­нiи же изринут­ся от­ нея.