Книга пророка Захарии, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Иез. 40:3 🔗Отк. 21:15	И воз­ведохъ очи мо­и и видѣхъ, и се, мужъ, и въ руцѣ его уже землемѣрно.
2:2	И рѣхъ къ нему: камо грядеши ты? И рече ко мнѣ: размѣрити Иерусалима, еже видѣти, колика широта его есть и колика долгота.
2:3	И се, ангелъ глаголяй во мнѣ стояше, и инъ ангелъ исхожда­ше во срѣтенiе ему
2:4 См.: 🔗Ис. 60:11 🔗Рим. 8:31 🔗Отк. 21:24	и рече къ нему глаголя: тецы и рцы къ юноши оному глаголя: плодовито населит­ся Иерусалимъ от­ множе­ст­ва человѣковъ и скотовъ, иже посредѣ его:
2:5	и азъ буду ему, глаголетъ Господь, стѣна огнена окрестъ и въ славу буду посредѣ его.
2:6 См.: 🔗Ис. 52:11 🔗Иер. 51:45 🔗Отк. 18:4	О, о, бѣжите от­ земли сѣверныя, глаголетъ Господь, зане от­ четырехъ вѣтровъ небесныхъ соберу вы, глаголетъ Господь:
2:7	въ Сiонъ спасайтеся, живущiи во дщери Вавилонстѣй.
2:8 См.: 🔗Втор. 32:10 🔗Пс. 16:8	Зане сице глаголетъ Господь Вседержитель: вслѣдъ славы посла мя на языки плѣнив­шыя васъ, зане касаяйся васъ яко касаяйся въ зѣницу ока его:
2:9	зане, се, азъ наношу руку мою на ня, и будутъ корысть работа­ю­щымъ имъ, и уразумѣете, яко Господь Вседержитель посла мя.
2:10 См.: 🔗Ис. 12:6 🔗Иез. 37:27	Красуйся и веселися, дщи Сiоня, зане, се, азъ гряду и вселюся посредѣ тебе, глаголетъ Господь.
2:11 См.: 🔗Ис. 11:10 🔗Соф. 2:11	И при­­бѣгнутъ языцы мнози ко Господу въ той день и будутъ ему въ люди и вселят­ся посредѣ тебе, и уразумѣеши, яко Господь Вседержитель посла мя къ тебѣ.
2:12 См.: 🔗Зах. 1:17 🔗Зах. 3:2	И наслѣдитъ Господь Иуду, участiе свое на земли святѣй, и изберетъ еще Иерусалима.
2:13 См.: 🔗Авв. 2:20 🔗Соф. 1:7	Да благоговѣетъ всяка плоть от­ лица Господня, яко воста изъ облакъ святыхъ сво­ихъ.