Второзаконие, глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1 См.: 🔗Лев. 26:3	И будетъ егда прейдете Иорданъ въ землю, юже Господь Богъ вашъ даетъ вамъ, аще слухомъ послушаете гласа Господа Бога ва­шего хранити и творити вся заповѣди Его, яже азъ заповѣдаю тебѣ днесь, и дастъ тя Господь Богъ твой вышше всѣхъ языкъ земли:
28:2 См.: 🔗Втор. 11:20 🔗Втор. 14:29 🔗Втор. 23:20	и прiидутъ на тя вся благословенiя сiя и обрящутъ тя. Аще слухомъ послушаеши гласа Господа Бога тво­его,
28:3 См.: 🔗Втор. 30:9	благословенъ ты во градѣ и благословенъ ты на селѣ,
28:4	благословена исчадiя чрева тво­его и плоды земли тво­ея, и стада воловъ тво­ихъ и па­ст­вы овецъ тво­ихъ,
28:5	благословены житницы тво­и и останцы тво­и,
28:6 См.: 🔗Пс. 120:8	благословенъ ты внегда входити тебѣ и благословенъ ты внегда исходити тебѣ.
28:7 См.: 🔗Лев. 26:7	Да предастъ тебѣ Господь Богъ враги твоя, сопротивящыяся тебѣ, сокрушены предъ лицемъ тво­имъ: путемъ единѣмъ изыдутъ на тя и седмiю путьми побѣжатъ от­ лица тво­его.
28:8 См.: 🔗Лев. 25:21 🔗Втор. 15:10	Да послетъ Господь на тя благословенiе въ хранилищахъ тво­ихъ и на вся, на няже воз­ложиши руку твою на земли, юже Господь Богъ твой даетъ тебѣ.
28:9 См.: 🔗Втор. 7:6 🔗Втор. 29:13	Да воз­ставитъ тя Господь Богъ твой Себѣ людъ святъ, якоже клят­ся отцемъ тво­имъ. Аще послушаеши гласа Господа Бога тво­его и ходити будеши въ путехъ Его,
28:10 См.: 🔗Ис. 43:7 🔗Иер. 14:9 🔗Иер. 15:16	и узрятъ тя вси языцы земніи, яко имя Господа [Бога тво­его] при­­звася на тя, и убоят­ся тебе,
28:11 См.: 🔗Втор. 30:9	и умножитъ тя Господь Богъ твой во благая во исчадiехъ утробы тво­ея и во исчадiехъ скотовъ тво­ихъ, и въ плодѣхъ земли тво­ея, на земли тво­ей, юже клят­ся Господь отцемъ тво­имъ дати тебѣ.
28:12 См.: 🔗Лев. 26:4 🔗Втор. 14:29 🔗Втор. 15:6	Да от­верзетъ тебѣ Господь сокровище Свое благое, небо, еже дати дождь земли тво­ей во время свое, да благословитъ вся дѣла рукъ тво­ихъ: и даси взаимъ языкомъ многимъ, ты же не одолжишися: и обладаеши ты многими языки, тобою же не воз­обладаютъ.
28:13	Да поставитъ тя Господь Богъ твой во главу, а не въ хвостъ: и будеши тогда выше, и не будеши ниже, аще послушаеши заповѣдiй Господа Бога тво­его, елика азъ заповѣдаю тебѣ днесь хранити и творити:
28:14 См.: 🔗Втор. 5:32 🔗Втор. 8:19 🔗Нав. 1:7	да не преступиши от­ всѣхъ словесъ, яже азъ заповѣдаю тебѣ днесь, на десно ниже на лѣво, ходити вслѣдъ боговъ иныхъ служити имъ.
28:15 См.: 🔗Лев. 26:14 🔗Плч. 2:17 🔗Дан. 9:11 🔗Мал. 2:2 🔗Вар. 2:10	И будетъ аще не послушаеши гласа Господа Бога тво­его хранити и творити вся заповѣди Его, елики азъ заповѣдаю тебѣ днесь, и прiидутъ на тя вся клятвы сiя и постигнутъ тя:
28:16	проклятъ ты во градѣ и проклятъ ты на селѣ,
28:17	прокляты житницы тво­и и останки тво­и,
28:18	проклята исчадiя утробы тво­ея и плоды земли тво­ея, стада воловъ тво­ихъ и па­ст­вы овецъ тво­ихъ,
28:19	проклятъ ты внегда входити тебѣ и проклятъ ты внегда исходити тебѣ.
28:20 См.: 🔗Суд. 2:15	Да послетъ тебѣ Господь скудость и гладъ и истребленiе на вся, на няже воз­ложиши руку твою, елика аще сотвориши, дондеже потребитъ тя и дондеже погубитъ тя вскорѣ, злыхъ ради начинанiй тво­ихъ, зане оставилъ еси Мя.
28:21 См.: 🔗Лев. 26:16 🔗Иез. 14:21	Да при­­лѣпитъ Господь къ тебѣ смерть, дондеже потребитъ тя от­ земли, въ нюже ты входиши тамо наслѣдити ю.
28:22 См.: 🔗3Цар. 8:37 🔗3Цар. 17:1	Да поразитъ тя Господь неимѣнiемъ и огневицею, и стужею и жженiемъ, и убій­ст­вомъ и вѣтромъ тлетворнымъ и блѣдостiю, и поженутъ тя, дондеже погубятъ тя.
28:23 См.: 🔗Лев. 26:19	И будетъ небо надъ главою тво­ею мѣдяно и земля подъ тобою желѣзна.
28:24	Да дастъ Господь дождь земли тво­ей прахъ, и персть съ небесе снидетъ на тя, дондеже сокрушитъ тя и дондеже погубитъ тя.
28:25 См.: 🔗Лев. 26:17 🔗2Пар. 29:8 🔗Иер. 15:4	Да дастъ тя Господь на изсѣченiе предъ враги тво­ими: путемъ единѣмъ изыдеши къ нимъ и седмiю пути побѣжиши от­ лица ихъ, и будеши въ разсѣянiе во всѣхъ цар­ст­вахъ земныхъ,
28:26 См.: 🔗Иер. 7:33	и будутъ мертвецы ваши снѣдь птицамъ небеснымъ и звѣремъ земнымъ, и не будетъ от­гоняяй.
28:27 См.: 🔗Исх. 9:9	Да поразитъ тя Господь вредомъ Египетскимъ въ сѣдалищахъ и крастою дивiею и свербомъ, яко не мощи тебѣ исцѣлитися.
28:28 См.: 🔗Рим. 1:28	Поразитъ тя Господь неистов­ст­вомъ и слѣпотою и изступленiемъ ума,
28:29 См.: 🔗Иов. 5:14 🔗Ис. 59:10	и будеши осязаяй въ полудни, якоже осязаетъ слѣпый во тмѣ, и не исправитъ путій тво­ихъ: и будеши тогда обидимь и расхищаемь во вся дни, и не будетъ помогаяй тебѣ.
28:30 См.: 🔗2Цар. 12:11 🔗Иер. 6:12 🔗Лев. 26:16	Жену поймеши, и инъ мужъ воз­ъимѣетъ ю: домъ созиждеши, и не поживеши въ немъ: виноградъ насадиши, и не обереши его:
28:31	телецъ твой закланъ предъ тобою, и не снѣси от­ него: осля твое отъ­ято от­ тебе, и не от­даст­ся тебѣ: овцы твоя от­даны [будутъ] врагомъ тво­имъ, и не будетъ тебѣ помогаяй:
28:32	сынове тво­и и дщери твоя от­даны [будутъ] языку иному, и очи тво­и узрятъ истаевающе на сiя, и не воз­можетъ рука твоя:
28:33 См.: 🔗Суд. 6:3 🔗Иер. 5:17	плоды земли тво­ея и вся труды твоя поястъ языкъ, егоже не вѣси, и будеши обидимь и сокрушаемь во вся дни,
28:34	и будеши изумленъ, видѣнiй ради очесъ тво­ихъ, яже узриши.
28:35 См.: 🔗Ис. 1:6	Да поразитъ тя Господь вредомъ злымъ на колѣнахъ и на голенехъ, яко не мощи исцѣлитися тебѣ от­ стопъ ногъ тво­ихъ даже до верха [главы] тво­ея.
28:36 См.: 🔗Втор. 4:28	Да от­ведетъ тя Господь и князи твоя, яже поставиши себѣ, въ языкъ, егоже не вѣси ты и отцы тво­и, и послужиши тамо богомъ инымъ, древу и каменiю,
28:37 См.: 🔗3Цар. 9:7 🔗Иер. 24:9 🔗Иез. 5:15	и будеши тамо въ гаданiе и въ притчу и повѣсть во всѣхъ языцѣхъ, въ няже введетъ тя Господь [Богъ] тамо.
28:38 См.: 🔗Мих. 6:15 🔗Аг. 1:6	Сѣмя много изнесеши на поле, и мало внесеши, яко поядятъ я прузи:
28:39	виноградъ насадиши и воз­дѣлаеши, и вина не испiеши, ниже воз­веселишися от­ него, яко поястъ я червь:
28:40 См.: 🔗Иоил. 1:10	маслины будутъ тебѣ во всѣхъ предѣлѣхъ тво­ихъ, и елеемъ не помажешися, яко истечетъ маслина твоя:
28:41 См.: 🔗Ос. 9:12	сыны и дщери родиши, и не будутъ тебѣ, от­идутъ бо въ плѣнъ:
28:42	вся древесная твоя и вся жита земли тво­ея потребитъ ржа:
28:43	при­­шлецъ, иже есть у тебе, взыдетъ надъ тя выше выше, ты же низъидеши низу низу:
28:44	сей взаимъ дастъ тебѣ, ты же ему взаимъ не даси: сей будетъ глава, ты же будеши хвостъ.
28:45	И прiидутъ на тя вся клятвы сiя, и поженутъ тя и постигнутъ тя, дондеже потребятъ тя и дондеже погубятъ тя: яко не послушалъ еси гласа Господа Бога тво­его, еже хранити заповѣди Его и оправданiя Его, елика заповѣда тебѣ.
28:46	И будутъ на тебѣ знаменiя и чудеса, и въ сѣмени тво­емъ до вѣка,
28:47 См.: 🔗Втор. 31:20 🔗Втор. 32:15 🔗Неем. 9:26	понеже не послужилъ еси Господеви Богу тво­ему съ веселiемъ и благимъ сердцемъ, множе­ст­ва ради всѣхъ [благихъ],
28:48 См.: 🔗Иер. 28:14 🔗Плч. 5:8	и послужиши врагомъ тво­имъ, яже послетъ Господь Богъ твой на тя съ гладомъ и жаждею, и наготою и оскудѣнiемъ всѣхъ: и воз­ложитъ яремъ желѣзенъ на выю твою, дондеже сокрушитъ тя.
28:49 См.: 🔗Иер. 5:15 🔗Ос. 8:1 🔗Ис. 33:19	И наведетъ Господь на тя языкъ издалеча от­ края земли аки устремленiе орле, языкъ, егоже не уразумѣеши глагола,
28:50 См.: 🔗Плч. 5:12 🔗Дан. 8:23	языкъ безстуденъ лицемъ, иже не удивит­ся лицу старчу и юна не помилуетъ:
28:51	и поястъ плоды скотовъ тво­ихъ и плоды земли тво­ея, яко не оставитъ тебѣ пшеницы, ни вина, ни елеа, стадъ воловъ тво­ихъ и па­ст­въ овецъ тво­ихъ, дондеже погубитъ тя:
28:52 См.: 🔗Лк. 19:43	и сокрушитъ тя во всѣхъ градѣхъ тво­ихъ, дондеже разорят­ся стѣны твоя высокiя и крѣпкiя, на нихже ты уповаеши, во всей земли тво­ей: и озлобитъ тя во всѣхъ градѣхъ тво­ихъ, яже даде тебѣ Господь Богъ твой.
28:53 См.: 🔗Лев. 26:29 🔗4Цар. 6:28 🔗Плч. 2:20	И снѣси чада утробы тво­ея, плоть сыновъ и дщерей тво­ихъ, ихже даде тебѣ Господь Богъ твой, въ тѣснотѣ тво­ей и въ скорби тво­ей, еюже оскорбитъ тя врагъ твой.
28:54	Юный въ васъ и младый зѣло позавидитъ окомъ сво­имъ брату сво­ему и женѣ яже на лонѣ его, и остав­шымся чадомъ, яже аще останут­ся ему:
28:55	яко дати единому ихъ от­ плотей чадъ сво­ихъ, ихже ялъ еси, понеже ничто остася ему въ тѣснотѣ и скорби тво­ей, еюже оскорбятъ тя врази тво­и во всѣхъ градѣхъ тво­ихъ.
28:56	И юная въ васъ [жена] и млада зѣло, еяже не обыче нога ея ходити по земли юности ради и младости, позавидитъ окомъ сво­имъ мужу сво­ему иже на лонѣ ея, и сыну и дщери сво­ей,
28:57	и блонѣ сво­ей изшедшей изъ чреслъ ея, и чаду сво­ему еже аще родитъ: снѣстъ бо я тайно, скудости ради всѣхъ въ тѣснотѣ и скорби сво­ей, еюже оскорбитъ тя врагъ твой во всѣхъ градѣхъ тво­ихъ.
28:58 См.: 🔗Иак. 2:10	Аще не послушаете творити вся словеса закона сего, написан­ная въ книзѣ сей, еже боятися имене честнаго и чуднаго сего, Господа Бога тво­его,
28:59 См.: 🔗Иез. 7:7	и удивитъ Господь язвы твоя и язвы сѣмене тво­его, язвы великiя и дивныя, и болѣзни злыя и извѣстныя,
28:60 См.: 🔗Исх. 8:5 🔗Втор. 7:15	и обратитъ на тя всю болѣзнь Египетскую злую, еяже ты боял­ся еси от­ лица ихъ, и при­­лѣпят­ся къ тебѣ:
28:61	и все разслабленiе, и всю язву ненаписан­ную и всю писаную въ книзѣ закона сего наведетъ Господь на тя, дондеже потребитъ тя:
28:62 См.: 🔗Втор. 4:27 🔗Втор. 10:22	и останетеся въ числѣ малѣмъ, вмѣсто того егда бысте яко звѣзды небесныя множе­с­т­вомъ, яко не послушасте гласа Господа Бога ва­шего.
28:63 См.: 🔗Ис. 1:24 🔗Соф. 3:17 🔗Прит. 1:26	И будетъ, якоже воз­веселися Господь о васъ благотворити вамъ и умножити васъ, тако воз­веселит­ся Господь о васъ потребити васъ: и возметеся от­ земли, въ нюже вы входите тамо наслѣдити ю,
28:64 См.: 🔗Втор. 4:27 🔗Неем. 1:8 🔗Иер. 9:16	и разсѣетъ тя Господь Богъ твой во вся языки, от­ края земли даже до края ея, и послужиши тамо богомъ инымъ, древу и каменiю, ихже не зналъ еси ты и отцы тво­и:
28:65	но и во языцѣхъ онѣхъ не упокоитъ тя, ниже будетъ стоянiя стопѣ ноги тво­ея: и дастъ тебѣ Господь тамо сердце печальное и оскудѣвающая очеса и истаявающую душу:
28:66 См.: 🔗Зах. 12:10 🔗Отк. 1:7 🔗Пс. 21:16	и будетъ животъ твой висящь предъ очима тво­има, и убо­ишися во дни и въ нощи, и не будеши вѣры яти житiю тво­ему:
28:67	заутра речеши: како будетъ вечеръ? И въ вечеръ речеши: како будетъ утро? От­ страха сердца тво­его, имже убо­ишися, и от­ видѣнiй очесъ тво­ихъ, имиже узриши:
28:68 См.: 🔗Ос. 9:3 🔗Втор. 17:16 🔗Иер. 17:4	и воз­вратитъ тя Господь Богъ во Египетъ въ кораблехъ, и на пути егоже рекохъ, не при­­ложите ксему видѣти его: и продани будете тамо врагомъ вашымъ въ рабы и въ рабыни, и не будетъ купующаго.