Псалтирь, псалом 61

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 61
61:1 См.: 🔗Пс. 38:1	Въ конецъ, о Идиѳумѣ, псаломъ Давиду.
61:2 См.: 🔗Пс. 36:7	Не Богу ли повинет­ся душа моя? От­ Того бо спасенiе мое.
61:3 См.: 🔗Пс. 17:3	Ибо Той Богъ мой и Спасъ мой, заступникъ мой: не подвижуся наипаче.
61:4 См.: 🔗Ис. 30:13	Доколѣ належите на человѣка? Убиваете вси вы, яко стѣнѣ преклоненѣ и оплоту воз­риновену.
61:5 См.: 🔗Пс. 27:3 🔗Иер. 9:8	Обаче цѣну мою совѣщаша от­ринути, текоша въ жажди: усты сво­ими благословляху, и сердцемъ сво­имъ кленяху.
61:6	Обаче Богови повинися, душе моя: яко от­ Того терпѣнiе мое.
61:7 См.: 🔗2Пар. 25:8	Ибо Той Богъ мой и Спасъ мой, заступникъ мой: не преселюся.
61:8	О Бозѣ спасенiе мое и слава моя: Богъ помощи мо­ея, и упованiе мое на Бога.
61:9 См.: 🔗Пс. 4:6 🔗1Цар. 1:15 🔗Иов. 30:16	Уповайте на Него, весь сонмъ людій: излiяйте предъ Нимъ сердца ваша, яко Богъ помощникъ нашъ.
61:10 См.: 🔗Пс. 38:6 🔗Ис. 40:23 🔗Дан. 4:32	Обаче суетни сынове человѣчестiи, лживи сынове человѣчестiи въ мѣрилѣхъ еже неправдовати: тіи от­ суеты вкупѣ.
61:11 См.: 🔗Мф. 19:24 🔗Лк. 12:19 🔗1Тим. 6:9	Не уповайте на неправду, и на восхищенiе не желайте: богат­ст­во аще течетъ, не при­­лагайте сердца.
61:12	Единою глагола Богъ, двоя сiя слышахъ, зане держава Божiя,
61:13 См.: 🔗Иов. 34:11 🔗Прит. 24:12 🔗Иер. 32:19 🔗Иез. 33:20 🔗Мф. 16:27 🔗Рим. 2:6	и Твоя, Господи, милость: яко Ты воз­даси комуждо по дѣломъ его.