Книга пророка Иеремии, глава 49

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 49
49:1 См.: 🔗Иез. 25:2	Къ сыномъ Аммонимъ тако глаголетъ Господь: еда не суть сынове Израилевы, или наслѣдника нѣсть имъ? почто убо прiя наслѣдiе мелхомъ {царь ихъ} гада, и людiе его во градѣхъ его живяху?
49:2 См.: 🔗Ам. 1:14	Сего ради, се, дніе грядутъ, глаголетъ Господь, и оглашу на равваѳъ сыновъ Аммонихъ ратный звукъ, и будетъ въ непроходная и въ пагубу, и требища его огнемъ сожжена будутъ, и воспрiиметъ Израиль власть свою, глаголетъ Господь.
49:3 См.: 🔗Нав. 8:2	Возопій, есевоне, яко погибе гай: возопійте, дщери равваѳски, препояшитеся вретищами, рыдайте и бѣгайте по забраломъ, яко Мелхомъ во плѣнъ от­ведет­ся, священ­ницы и князи его вкупѣ.
49:4 См.: 🔗Иер. 21:13	Что хвалишися во удолiихъ? стече удолiе твое, дщи безстудная, уповающая на богат­ст­ва своя, глаголющи: кто прiидетъ на мя?
49:5	Се, азъ наведу на тя страхъ, глаголетъ Господь Вседержитель, от­ всѣхъ сущихъ окрестъ тебе: и разсѣетеся вси от­ лица его, и не будетъ собирающаго бѣжащихъ.
49:6 См.: 🔗Иер. 33:7	И посемъ воз­вращу плѣн­ники сыновъ Аммонихъ, глаголетъ Господь.
49:7 См.: 🔗Иез. 25:12 🔗Ис. 29:14 🔗Авд. 1:8	Ко Идумеи сiя глаголетъ Господь Вседержитель: еда есть ктому мудрость во Ѳеманѣ? погибе совѣтъ от­ разумныхъ, непотребна бысть мудрость ихъ,
49:8 См.: 🔗Иер. 49:30 🔗Иер. 50:31	попрано бысть мѣсто ихъ: снидите въ пропасть къ сѣдѣнiю, живущiи во Деданѣ: яко жестокая сотвори: [погибель Исавлю] наведохъ нань во время, въ неже посѣтихъ его.
49:9 См.: 🔗Авд. 1:5	Яко объимателiе вина прiидоша на тя, не оставятъ тебѣ останковъ: аки татiе въ нощи воз­ложатъ руки своя.
49:10	Яко [азъ] обнажихъ Исава, от­крыхъ тайная его, не воз­можетъ утаитися, погибе рукою брата сво­его и сосѣда сво­его,
49:11	и нѣсть остатися сиротѣ тво­ей, да живетъ: азъ же сотворю жити, и вдовицы на мя уповаша.
49:12 См.: 🔗Иер. 25:15 🔗1Пет. 4:17	Тако бо глаголетъ Господь: се, имже не бѣ закона пити чашу, пiюще испiютъ: и ты ли аки неповин­ный останешися? не будеши неповиненъ, но пiя испiеши.
49:13 См.: 🔗Иер. 18:16	Собою бо кляхся, глаголетъ Господь, яко въ пустыню и въ поруганiе и въ посмѣхъ и въ проклятiе будеши посредѣ его, и вси гради его будутъ въ пустыню вѣчную.
49:14 См.: 🔗Авд. 1:1	Слухъ слышахъ от­ Господа, и пословъ во языки посла: соберитеся и идите противу ему и востаните на ополченiе.
49:15 См.: 🔗Авд. 1:2	Се, мала дахъ тя во языцѣхъ и поругаема въ людехъ.
49:16 См.: 🔗Иер. 51:55 🔗Ам. 9:3	Игранiе твое прельсти тя, безстудiе сердца тво­его обита­ше въ разсѣлинахъ камен­ныхъ, похити крѣпость холма высокаго: егда воз­несеши яко орелъ гнѣздо свое, от­толѣ свергу тя, глаголетъ Господь.
49:17 См.: 🔗Иер. 50:13	И будетъ Идумеа въ запустѣнiе, всякъ ходяй чрезъ ню подивит­ся и позвиждетъ надъ всякою язвою ея.
49:18 См.: 🔗Быт. 19:25 🔗Ис. 13:19 🔗Иер. 50:40	Якоже превращена есть Cодома и Гоморра и сосѣди ея, глаголетъ Господь, не поживетъ тамо мужъ, ниже пребудетъ тамо сынъ человѣчь.
49:19 См.: 🔗Иер. 50:44 🔗Иов. 41:1	Се, якоже левъ изыдетъ от­ среды Иордана на мѣсто сильнаго, яко скоро сотворю имъ бѣжати от­ него, и кто будетъ избранъ, егоже поставлю надъ нимъ? кто бо подобенъ мнѣ? и кто противостанетъ ми? и кто есть сей пастырь, иже сопротивит­ся лицу мо­ему?
49:20	Сего ради слышите совѣтъ Господень, егоже совѣща на Едома, и умышленiе его, еже умысли на живущихъ во Ѳеманѣ, не свергутъ ли ихъ малая от­ стадъ, и не разметано ли будетъ на нихъ жилище ихъ?
49:21 См.: 🔗Иер. 50:46	От гласа бо паденiя ихъ потрясеся земля, и вопль на мори чермнѣмъ слышася гласа ихъ.
49:22 См.: 🔗Иер. 48:40	Се, яко орелъ взыдетъ и воз­летитъ и простретъ крилѣ сво­и надъ твердыньми его: и будетъ сердце сильныхъ Идумейскихъ въ той день, яко сердце жены родящiя.
49:23 См.: 🔗Ис. 17:1 🔗Ис. 36:19 🔗Ам. 1:3	Къ Дамаску: посрамися Емаѳъ и Арфаѳъ, яко слухъ золъ слышаша, ужасошася, воз­мутишася на мори, [за попеченiе] упокоитися не могутъ.
49:24 См.: 🔗Иер. 4:31	Расторжеся Дамаскъ, обратися на бѣжанiе, трепетъ объятъ и, скорбь и болѣзнь одержаша его яко раждающую.
49:25	Како не оставиша града славнаго, крѣпости любезныя?
49:26 См.: 🔗Иер. 50:30	Сего ради падутъ юноши на стогнахъ тво­ихъ, и вси мужiе воинстiи падутъ въ той день, глаголетъ Господь Вседержитель.
49:27 См.: 🔗Ам. 1:4	И воз­жгу огнь на стѣнѣ Дамаска, и пожжетъ стѣны сына Адерова.
49:28 См.: 🔗Иер. 2:10 🔗Ис. 21:16	Къ Кидару, царицѣ двора, егоже порази навуходоносоръ царь Вавилонскiй, тако глаголетъ Господь: востаните и взыдите на Кидаръ и погубите сыны восточныя.
49:29	Селенiя ихъ и стада ихъ возмутъ: одежды ихъ и вся сосуды ихъ и велблюды ихъ возмутъ себѣ, и при­­зовутъ на ня страхъ окрестъ.
49:30	Бѣжите и от­идите вскорѣ, въ пропастехъ сядите, живущiи во дворѣ, глаголетъ Господь: яко совѣща на вы навуходоносоръ царь Вавилонскiй совѣтъ и помысли на васъ умышленiе.
49:31	Востаните и внидите къ людемъ упокоенымъ, живущымъ въ прохладѣ, глаголетъ Господь: иже ни дверiй, ниже заворовъ имутъ, едини обитаютъ.
49:32 См.: 🔗Иез. 5:10	И будутъ велблюды ихъ въ расхищенiе и множе­с­т­во скота ихъ въ разграбленiе, и развѣю я всякимъ вѣтромъ остриженыхъ окрестъ, и от­ всѣхъ окрестныхъ ихъ при­­веду на ня погибель, глаголетъ Господь.
49:33	И будетъ дворъ въ жилище змиемъ и пустъ даже до вѣка, не поживетъ тамо мужъ, ниже будетъ живяй въ немъ сынъ человѣчь.
49:34 См.: 🔗Иер. 25:25	Слово Господне, еже бысть ко иереміи пророку на Еламъ, въ началѣ цар­ст­ва седекіи царя Иудина, глаголя:
49:35 См.: 🔗Ис. 22:6	тако глаголетъ Господь Вседержитель: се, азъ сокрушу лукъ Еламль, начало силы ихъ,
49:36	и наведу на Еламъ четыри вѣтры от­ четырехъ странъ небесныхъ и развѣю я во вся вѣтры тыя, и не будетъ языка, въ оньже бы не при­­шли бѣжащiи Еламитяне.
49:37	И устрашу ихъ предъ враги ихъ и предъ лицемъ ищущихъ души ихъ, и наведу на ня злая, по гнѣву ярости мо­ея, глаголетъ Господь: и послю вслѣдъ ихъ мечь мой, дондеже сотру ихъ:
49:38	и поставлю престолъ мой во Еламѣ, и иждену от­туду царя и князи, глаголетъ Господь:
49:39 См.: 🔗Иер. 48:47	и будетъ въ послѣднiя дни, воз­вращу плѣнъ Еламль, глаголетъ Господь.