Книга Премудрости Соломона, глава 14 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 14
14:1 См.: 🔗Ион. 1:5	Плыти паки кто помысливъ и сверѣпыя волны преходити, носящаго его корабля тлѣн­нѣйшее древо при­­зываетъ:
14:2	оное бо желанiе при­­стяжанiй умысли, хитрецъ же мудростiю содѣла:
14:3 См.: 🔗Исх. 14:21	твой же, отче, устрояетъ промыслъ: яко далъ еси и въ мори путь и въ волнахъ стезю крѣпкую,
14:4 См.: 🔗Ис. 43:2 🔗Ион. 2:3	показуя, яко силенъ еси от­ всякаго спасти, аще и безъ художе­ст­ва кто взыдетъ.
14:5	Хощеши же, да не будутъ праздна дѣла премудрости тво­ея: сего ради и малѣйшему древу ввѣряютъ человѣцы душы [своя], и преходяще волны кораблецемъ избавлени суть.
14:6 См.: 🔗Быт. 6:4 🔗Быт. 7:13	И от­ начала бо, егда погибаху гордiи исполини, упованiе мiра въ кораблецѣ избѣжав­шее, остави вѣку сѣмя рожденiя, рукою тво­ею устро­ено.
14:7 См.: 🔗1Пет. 3:20	Благословено бо древо, имже бываетъ правда.
14:8 См.: 🔗Пс. 134:15 🔗Вар. 3:18	Рукотворен­ное же проклято есть, и сотворивый е: яко овъ убо содѣла, сiе же тлѣн­ное богомъ именовася.
14:9 См.: 🔗Пс. 5:5	Въ равнѣ бо ненавидима суть Богу и нече­ст­вуяй, и нечестiе его:
14:10	ибо сотвореное съ сотворшимъ мучимо будетъ.
14:11 См.: 🔗Иер. 46:25	Сего ради и во идолѣхъ языческихъ будетъ казнь, яко въ созданiи Божiи въ мерзость сотворени суть и въ соблазны душамъ человѣческимъ и въ сѣть ногамъ буихъ.
14:12 См.: 🔗Исх. 34:15 🔗Иез. 16:15 🔗Ос. 2:5	Начало бо блуженiя умышленiе идоловъ: изобрѣтенiе же ихъ тлѣнiе живота.
14:13	Ниже бо быша от­ начала, ниже будутъ во вѣки:
14:14 См.: 🔗Гал. 5:26 🔗Прем. 9:5	тщеславiемъ бо человѣческимъ внидоша въ мiръ, и сего ради кратокъ ихъ конецъ вмѣнися.
14:15 См.: 🔗Рим. 1:23	Горькимъ бо плачемъ сѣтуя отецъ скоро восхищенаго чада образъ сотворивъ, егоже тогда человѣка мертва, нынѣ яко бога почте: и предаде подручнымъ тайны и жертвы:
14:16 См.: 🔗Дан. 3:5	потомъ временемъ воз­могшiй нечестивый обычай, аки законъ хранимь бысть, и мучителей повелѣнiемъ почитаема бяху изваян­ная:
14:17	ихже въ лице не могуще че­с­т­вовати человѣцы дальнаго ради обитанiя, издалеча лице изобразив­ше, явный образъ почитаемаго царя сотвориша, яко да от­стоящаго аки близъ сущаго ласкаютъ со при­­лѣжанiемъ.
14:18	Въ продолженiе же злочестiя и не разумѣющихъ при­­нуди художниково любо­честiе.
14:19	Сей бо хотя угодити держав­ст­ву­ю­щему, про­изведе хитростiю [сво­ею] подобiе на лучшее:
14:20	множе­с­т­во же человѣкъ, при­­влечено благообразiемъ дѣла, прежде вмалѣ че­с­т­вованаго человѣка нынѣ въ бога вмѣниша.
14:21	И сiе бысть житiю въ прельщенiе, яко или злоключенiю, или мучител­ст­ву послужив­ше человѣцы, несообщно имя каменiю и древамъ обложиша.
14:22 См.: 🔗Деян. 19:24	Посемъ не доволно бѣ прельщатися о Божiи разумѣ, но и въ велицѣй живуще безумiя брани, толикая злая мiръ именуютъ.
14:23 См.: 🔗Втор. 18:10 🔗Иер. 7:9 🔗Иер. 19:5	Ибо или дѣто­убій­ст­вен­ныя жертвы, или сокровен­ныя тайны, или неистовныя от­ иныхъ законовъ пирше­ст­ва творяше,
14:24	ниже житiя, ниже браковъ чистыхъ еще хранятъ: единъ же другаго или навѣтомъ убиваетъ, или блудя оскорбляетъ.
14:25 См.: 🔗Рим. 1:29 🔗Иер. 7:9	Вся же смѣшена суть, кровь и убій­ст­во, татьба и лесть, растлѣнiе, невѣр­ст­во, смятенiе, заклинанiе, молва благихъ,
14:26 См.: 🔗Рим. 1:24	благодати забвенiе, душамъ оскверненiе, рожденiю премѣненiе, браковъ безчинiе, прелюбо­дѣянiе и студодѣянiе.
14:27	Недостойныхъ бо имене идоловъ служенiе начало всякаго зла, и вина и конецъ есть:
14:28 См.: 🔗Ос. 7:5	ибо или веселящеся неистов­ст­вуютъ, или пророче­ст­вуютъ ложная, или живутъ неправеднѣ, или кленут­ся скоро.
14:29	На бездушныя бо идолы надѣющеся, злѣ кленущеся казними быти не чаютъ.
14:30	За обоя же на нихъ прiидетъ судъ: понеже злѣ мудр­ст­воваша о Бозѣ, внемлюще идоломъ, и неправедно кляшася лестiю, презрѣв­ше преподобiе.
14:31	Не бо сила кленущихъ, но согрѣшающымъ судъ находитъ всегда на преступленiе неправедныхъ.