Книга Руфь, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Руф. 3:12	И воозъ прiиде ко вратомъ и сѣде тамо: и се, ужикъ мимо­идяше, о немже глагола воозъ. И рече ему воозъ: уклонився сяди здѣ. Онъ же уклонися и сѣде.
4:2 См.: 🔗3Цар. 21:8	И поя воозъ десять мужей от­ старѣйшинъ града, и рече: сядите здѣ. И сѣдоша.
4:3 См.: 🔗Лев. 25:25	И рече воозъ ужику: часть села, яже есть брата на­шего Елимелеха, яже дадеся Но­емминѣ воз­вратив­шейся от­ села Моавля:
4:4 См.: 🔗Иер. 32:7	азъ же рекохъ: явлю тебѣ сiе во ухо твое, глаголя, при­­стяжи предъ сѣдящими и предъ старѣйшины людій мо­ихъ: и аще ужиче­ст­вуеши, ужиче­ст­вуй: аще же не ужиче­ст­вуеши, повѣждь ми, да вѣдаю: яко нѣсть развѣ тебе еже ужиче­с­т­вовати ближшiй, и азъ есмь по тебѣ. Онъ же рече: азъ есмь, ужиче­ст­вую.
4:5 См.: 🔗Втор. 25:5	И рече воозъ: въ день въ оньже при­­стяжеши село от­ руки Но­еммини, и от­ руѳы Моавитяныни жены умершаго, и сiю достоитъ ти пояти, да воз­ставиши имя умершаго въ наслѣдiе его.
4:6	И рече ужикъ: не воз­могу ужиче­с­т­вовати себѣ, да не разсыплю наслѣдiя мо­его: ужиче­ст­вуй себѣ ты ужиче­с­т­во мое, азъ бо не воз­могу ужиче­с­т­вовати.
4:7 См.: 🔗Втор. 25:9	И сiе управленiе бысть прежде во Израили о ужиче­с­т­вованiи и о премѣненiи, еже укрѣпити всякое слово: и иззува­ше мужъ сапогъ свой, и даяше подругу сво­ему ужиче­ст­ву­ю­щу ужиче­с­т­во его: и сiе бяше свидѣтел­ст­во во Израили.
4:8	И рече ужикъ воозу: при­­стяжи себѣ ужиче­с­т­во мое. И иззувъ сапогъ свой, даде ему.
4:9	И рече воозъ старѣйшинамъ и всѣмъ людемъ: свидѣтеле вы днесь, яко при­­стяжахъ днесь вся, яже Елимелехова, и вся елика суть хелеонова и маалонова, от­ руки Но­еммини:
4:10 См.: 🔗Втор. 25:6 🔗Мф. 22:24	ксему же руѳь Моавитяныню жену маалоню по­емлю себѣ въ жену воз­ставити имя умершаго въ наслѣдiе его, да не погибнетъ имя умершаго от­ братiи его и от­ племене людій его: свидѣтеле вы днесь.
4:11 См.: 🔗Лк. 24:48 🔗Быт. 16:2 🔗Быт. 29:31	И от­вѣщаша вси людiе иже у вратъ: свидѣтеле есмы. И старѣйшины рѣша: да дастъ Господь женѣ тво­ей, входящей въ домъ твой, якоже Рахили и яко Ліи, яже создаша обѣ домъ Израилевъ, и сотвориша силу во Ефраѳѣ, и будетъ имя въ Виѳлеемѣ:
4:12 См.: 🔗Быт. 38:29	и буди домъ твой якоже домъ Фаресовъ, егоже роди Ѳамарь Иудѣ, от­ сѣмене тво­его дастъ тебѣ Господь от­ рабы сея чада.
4:13 См.: 🔗Пс. 126:3	И поя воозъ руѳь, и бысть ему жена, и вниде къ ней: и даде ей Господь зачати, и роди сына.
4:14	И рекоша жены къ Но­емминѣ: благословенъ Господь, иже не разсыпа ужика тво­его днесь, и прозовет­ся имя твое во Израили,
4:15 См.: 🔗Быт. 45:11 🔗1Цар. 18:3 🔗Пс. 54:23	и будетъ тебѣ во обращающаго душу и въ прекормленiе старости тво­ея, яко сноха твоя, воз­любив­шая тебе, роди сына, яже есть блага тебѣ паче седми сыновъ.
4:16	И взя Но­емминь отроча, и положи е на лонѣ сво­емъ, и бысть ему кормилица.
4:17 См.: 🔗Мф. 1:5	И прозваша сосѣди имя его, глаголюще: родися сынъ Но­емминѣ. И нарекоша имя ему овидъ: сей есть отецъ Иессеа, отца Давидова.
4:18 См.: 🔗1Пар. 2:5 🔗Мф. 1:3	И сiя род­ст­ва Фаресова: Фаресъ роди Есрома:
4:19	Есромъ же роди Арама: Арамъ же роди Аминадава:
4:20 См.: 🔗Чис. 7:12	Аминадавъ же роди Наассона: Наассонъ же роди Салмона:
4:21	Салмонъ же роди вооза: воозъ же роди овида:
4:22 См.: 🔗1Цар. 16:11 🔗1Цар. 17:12	овидъ же роди Иессеа: Иессей же роди Давида.