Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 43 | |
43:1 См.: 🔗Пс. 18:2 🔗Рим. 1:20 | Слава высоты, твердь чистоты, зракъ небесе въ видѣнiи славы. |
43:2 См.: 🔗Пс. 135:8 | Солнце во явленiи возвѣщающее во исходѣ сосудъ дивенъ, дѣло вышняго. |
43:3 См.: 🔗Пс. 18:7 | Въ полудни своемъ изсушаетъ страну, и прямо вару его кто постоитъ? |
43:4 | [Аки] пещь дышущее въ дѣлѣхъ вара, трегубо солнце пожигающее горы: воскуренiя огненная издышущее и простирающее лучи омрачаетъ очи. |
43:5 См.: 🔗Прем. 13:3 | Велiй Господь сотворивый е, и словесы своими ускори шествiе. |
43:6 См.: 🔗Пс. 135:9 🔗Рим. 1:20 | И луна всѣмъ во свое время являетъ лѣта и знаменiе вѣка. |
43:7 | От луны знаменiе праздника: свѣтило умаляющееся до конца. |
43:8 | Месяцъ по имени своему есть, возрастающь дивно во измѣненiи. |
43:9 | Сосудъ ополченiй на высотѣ, на тверди небеснѣй сiяющь. |
43:10 | Доброта небесе, слава звѣздъ, красота свѣтящися на высокихъ Господнихъ: |
43:11 | словесы святаго станутъ по чину и не имутъ ослабѣти въ стражбахъ своихъ. |
43:12 См.: 🔗Быт. 9:13 | Виждь дугу и благослови сотворшаго ю, зѣло прекрасна сiянiемъ своимъ: |
43:13 См.: 🔗Пс. 103:2 | окружи небо окруженiемъ славы, руцѣ вышняго простростѣ ю. |
43:14 | Повелѣнiемъ его потщася снѣгъ, и ускоряетъ молнiю судьбою своею. |
43:15 | Сего ради отверзошася сокровища, и парятъ облацы яко птицы. |
43:16 | Величiемъ своимъ укрѣпи облаки, и сокрушишася каменiе градное: |
43:17 См.: 🔗Наум. 1:5 | и воззрѣнiемъ его подвижутся горы, и волею его возвѣетъ югъ. |
43:18 | Гласъ грома его порази землю, и буря сѣверова и вихорь вѣтра. |
43:19 | Яко птицы парящыя сыплетъ снѣгъ, и якоже прузи садящiися спаденiя его. |
43:20 | Добротѣ бѣлости его подивится око, и о дожди его ужаснется сердце. |
43:21 См.: 🔗Пс. 147:5 | И слану яко соль на землю сыплетъ, и смерзшися бываетъ на концы остра. |
43:22 | Студенъ вѣтръ сѣверный возвѣетъ, и смерзнется ледъ от воды: на всяцѣмъ собранiи воднѣмъ обитати имать, и аки во броню облечется вода. |
43:23 | Поястъ горы и пустыни пожжетъ, и угаситъ траву яко огнь. |
43:24 | Изцѣленiе всѣхъ со тщанiемъ мгла: роса срѣтающая от вара утишитъ. |
43:25 См.: 🔗Иов. 38:10 | Мыслiю его преста бездна, и насади въ ней [Господь] островы. |
43:26 См.: 🔗Пс. 106:23 | Плавающiи по морю повѣдаютъ бѣдство его, и слухомъ ушесъ нашихъ чудимся, |
43:27 См.: 🔗Пс. 103:25 | и тамо [суть] преславна и чудна дѣла его, различiе всякаго животнаго, созданiе китовъ. |
43:28 | Имъ благополучный конецъ свой получаютъ и словомъ его составляются всяческая. |
43:29 | Много имамы рещи, и не имамы постигнути, и скончанiе словесъ: все есть той. |
43:30 См.: 🔗1Кор. 15:28 🔗Пс. 70:15 | Славяще его гдѣ укрѣпимся? той бо великъ паче всѣхъ дѣлъ своихъ: |
43:31 См.: 🔗Пс. 95:4 | страшенъ Господь и великъ зѣло, и чудно могутство его. |
43:32 | Славяще Господа вознесите, елико аще можете, превзыдетъ бо и еще: |
43:33 | возносяще его умножитеся крѣпостiю: не трудитеся, не имате бо постигнути. |
43:34 См.: 🔗Пс. 105:2 | Кто видѣ его и исповѣсть? и кто возвеличитъ его, якоже есть? |
43:35 См.: 🔗1Кор. 13:9 | Многа сокровена суть вящшая сихъ: малая бо видѣхомъ дѣлъ его. |
43:36 См.: 🔗Пс. 24:14 | Вся бо сотвори Господь и благочестивымъ даде премудрость. |