Откровение Иоанна Богослова (Апокалипсис), глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	И видѣхъ, егда от­верзе Агнецъ едину от­ седми печатей, и слышахъ единаго от­ четырехъ животныхъ глаголюща якоже гласъ громный: гряди и виждь.
6:2 См.: 🔗Отк. 19:11	И видѣхъ, и се, конь бѣлъ, и сѣдяй на немъ имѣяше лукъ, и данъ бысть ему вѣнецъ: и изыде побѣждаяй, и да побѣдитъ.
6:3	И егда от­верзе печать вторую, слышахъ второе животно глаголющее: гряди и виждь.
6:4	И изыде другій конь рыжь: и сѣдящему на немъ дано бысть взяти миръ от­ земли, и да убiютъ другъ друга: и данъ бысть ему мечь великiй.
6:5 См.: 🔗Отк. 5:9	И егда от­верзе третiю печать, слышахъ третiе животно глаголющее: гряди и виждь. И видѣхъ, и се, конь воронъ, и сѣдяй на немъ имѣяше мѣрило въ руцѣ сво­ей.
6:6	И слышахъ гласъ посредѣ четырехъ животныхъ глаголющiй: мѣра пшеницы за динарь и три мѣры ячменя за динарь: и елеа и вина не вреди.
6:7	И егда от­верзе четвертую печать, слышахъ гласъ четвертаго животна глаголющiй: гряди и виждь.
6:8 См.: 🔗Иез. 14:21	И видѣхъ, и се, конь блѣдъ, и сѣдяй на немъ, имя ему смерть: и адъ идяше вслѣдъ его: и дана бысть ему область на четвертѣй части земли убити оружiемъ и гладомъ, и смертiю и звѣрьми земными.
6:9	И егда от­верзе пятую печать, видѣхъ подъ олтаремъ душы избiен­ныхъ за слово Божiе и за свидѣтел­ст­во, еже имѣяху.
6:10 См.: 🔗Лк. 18:7 🔗Отк. 19:2	И возопиша гласомъ великимъ, глаголюще: доколѣ, Владыко Святый и Истин­ный, не судиши и не мстиши крове на­шея от­ живущихъ на земли?
6:11 См.: 🔗Отк. 3:5 🔗Отк. 7:9	И даны быша ко­емуждо ихъ ризы бѣлы, и рѣчено бысть имъ, да почіютъ еще время мало, дондеже скончают­ся и клеврети ихъ и братiя ихъ, имущiи избiени быти, якоже и тіи.
6:12 См.: 🔗Мф. 24:29	И видѣхъ, егда от­верзе шестую печать, и се, бысть трусъ велiй, и солнце мрачно бысть яко вретище власяно, и луна бысть яко кровь:
6:13	и звѣзды небесныя падоша на землю, якоже смоковница от­метаетъ пупы своя, от­ вѣтра велика движима:
6:14 См.: 🔗Ис. 34:4 🔗Евр. 1:11	и небо от­лучися яко свитокъ свиваемо, и всяка гора и островъ от­ мѣстъ сво­ихъ двигнушася:
6:15	и царiе земстiи и вельможи, и богатiи и тысящницы и сильнiи, и всякъ рабъ и всякъ свободь скрышася въ пещерахъ и каменiи горстѣмъ,
6:16 См.: 🔗Ис. 2:19 🔗Ос. 10:8 🔗Лк. 23:30 🔗Отк. 9:6	и глаголаша горамъ и каменiю: падите на ны и покрыйте ны от­ лица Сѣдящаго на престолѣ и от­ гнѣва Агнча:
6:17	яко прiиде день великiй гнѣва Его, и кто можетъ стати?