Книга Премудрости Соломона, глава 7 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 7
7:1	Есмь бо и азъ человѣкъ смертенъ, подобенъ всѣмъ и земнороднаго внукъ первоз­дан­наго:
7:2 См.: 🔗Иов. 10:10	и во чревѣ матерни изобразихся плоть, въ десятомѣсячнѣмъ времени согустився въ крови от­ сѣмене мужеска и услажденiя сномъ сошедшагося.
7:3	И азъ рожденъ воспрiяхъ общаго аера и на подобострастную землю спадохъ, первый гласъ подобный всѣмъ испустихъ плача:
7:4	въ пеленахъ воскормленъ есмь, и съ [великимъ] при­­лѣжанiемъ:
7:5 См.: 🔗Сир. 40:4	ни единъ бо царь ино имѣ рожденiя начало,
7:6 См.: 🔗Иов. 1:21 🔗1Тим. 6:7	единъ бо входъ всѣмъ есть въ житiе, подобенъ же и исходъ.
7:7 См.: 🔗3Цар. 3:9 🔗2Пар. 1:10	Сего ради помолихся, и данъ бысть мнѣ разумъ: при­­звахъ, и прiиде на мя духъ премудрости.
7:8	Предсудихъ ю паче скиптровъ и престоловъ, и богат­ст­во ничтоже вмѣнихъ ко сравненiю тоя,
7:9 См.: 🔗Иов. 28:15 🔗Прит. 8:10	ниже уподобихъ ея каменю драгоцѣн­ному, яко все злато предъ нею песокъ малый, и яко бренiе вмѣнит­ся предъ нею сребро:
7:10	паче здравiя и красоты воз­любихъ ю и предъизбрахъ ю вмѣсто свѣта имѣти, яко неугасаемо есть блистанiе ея.
7:11 См.: 🔗3Цар. 3:13	Прiидоша же мнѣ благая вся вкупѣ съ нею и безчислено богат­ст­во рукама ея:
7:12	и воз­веселихся о всѣхъ, яко ими обладаетъ премудрость: не вѣдѣхъ же ю родителницу быти сихъ.
7:13	Нелестнѣ научихся, безъ зависти преподаю и богат­ст­ва ея не сокрываю:
7:14 См.: 🔗Ин. 15:15	неоскудно бо есть сокровище человѣкомъ, еже употребив­шiи къ Богу послашася въ содруженiе, дарами от­ наказанiя представлени.
7:15	Мнѣ же даде Богъ глаголати по разумѣнiю и мнѣти достойнѣ о подаваемыхъ, яко той и премудрости предводитель есть и премудрыхъ исправитель:
7:16 См.: 🔗2Кор. 3:5	въ руку бо его и мы и словеса наша, и всякiй разумъ и дѣлъ художе­с­т­во.
7:17 См.: 🔗3Цар. 4:29	Сей бо даде мнѣ о сущихъ познанiе неложное, познати составленiе мiра и дѣй­ст­вiе стихій,
7:18	начало и конецъ и средину временъ, воз­вратовъ премѣны и измѣненiя временъ,
7:19	лѣтъ круги и звѣздъ расположенiя,
7:20 См.: 🔗3Цар. 4:33	есте­с­т­во животныхъ и гнѣвъ звѣрей, вѣтровъ усилiе и помышленiя человѣковъ, разн­ство лѣтораслемъ и силы коренiй.
7:21	И елика суть скрыта и явна, познахъ: всѣхъ бо художница научи мя премудрость.
7:22 См.: 🔗Иов. 12:13	Есть бо въ той духъ разума святъ, единородный, многочастный, тонкiй, благодвижный, свѣтлый, нескверный, ясный, невредителный, благо­любивый, остръ, невоз­браненъ, благодѣлателенъ,
7:23 См.: 🔗Прит. 8:12 🔗1Кор. 2:10 🔗Евр. 1:3	человѣко­любивъ, извѣстный, крѣпкiй, безпечальный, всесильный, всевидяй, и сквоз­ѣ вся проходяй духи разумичныя, чистыя, тончайшыя.
7:24 См.: 🔗Евр. 4:12	Всякаго бо движенiя подвижнѣйша есть премудрость: достизаетъ же и проницаетъ сквоз­ѣ всяческая ради [сво­ея] чистоты.
7:25	Пара бо есть силы Божiя и излiянiе Вседержителя славы чисто­е: сего ради ничтоже осквернено на ню нападаетъ.
7:26	Сiянiе бо есть свѣта при­­сносущнаго и зерцало непорочно Божiя дѣй­ст­вiя и образъ благостыни его.
7:27 См.: 🔗1Кор. 12:4	Едина же сущи всяческая можетъ, и пребывающи въ себѣ вся обновляетъ, и по родомъ въ душы преподобныхъ преходящи, други Божiя и пророки устрояетъ:
7:28	ни когоже бо любитъ Богъ, токмо сего, иже со премудростiю пребываетъ.
7:29	Есть бо сiя благолѣпнѣе солнца и паче всякаго расположенiя звѣздъ: свѣту соравняема обрѣтает­ся первая:
7:30	сего бо преемлетъ нощь, премудрости же не одолѣетъ злоба.