Книга пророка Аггея, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗1Езд. 5:1	Во второе лѣто, при­­ дарiи цари, въ шестый месяцъ, въ первый [день] месяца, бысть слово Господне рукою Аггеа пророка глаголя: рцы къ зоровавелю Салаѳiилеву от­ колѣна Иудова и ко иисусу сыну Иоседекову, иерею великому, глаголя:
1:2 См.: 🔗Мф. 8:21	сице глаголетъ Господь Вседержитель глаголя: людiе сіи глаголютъ: не прiиде время создати храмъ Господень.
1:3	И бысть слово Господне рукою Аггеа пророка глаголя:
1:4	аще время убо вамъ есть жити въ домѣхъ вашихъ истесаныхъ, храмъ же мой сей запустѣ?
1:5	И нынѣ сице глаголетъ Господь Вседержитель: устройте сердца ваша въ пути вашя.
1:6 См.: 🔗Втор. 28:38 🔗Иер. 12:13 🔗Мих. 6:15 🔗Зах. 8:10	Сѣясте много, и взясте мало: ядосте, и не въ сытость: писте, и не въ пiян­ство: облекостеся, и не согрѣстеся въ нихъ: и собираяй мзды собра во влагалище дираво.
1:7	Сице глаголетъ Господь Вседержитель: положите сердца ваша въ пути вашя,
1:8 См.: 🔗Аг. 2:9	взыдите на гору и усѣцыте древа, и при­­несите и созиждите храмъ, и благоволю въ немъ и прославлюся, рече Господь.
1:9	Призрѣсте на многа, и быша мала, и внесосте я въ храмъ, и от­дунухъ я: сего ради сице глаголетъ Господь Вседержитель: зане храмъ мой есть пустъ, вы же течете кійждо въ домъ свой,
1:10 См.: 🔗Втор. 28:23	сего ради удержит­ся небо от­ росы, и земля оскудитъ изношенiя своя,
1:11 См.: 🔗Втор. 28:22	и наведу мечь на землю и на горы, и на пшеницу и на вино и на елей, и на вся, елика износитъ земля, и на человѣки и на скоты и на вся труды рукъ ихъ.
1:12 См.: 🔗1Езд. 5:2	И слыша зоровавель Салаѳiилевъ от­ колѣна Иудова, и иисусъ Иоседековъ, иерей великiй, и вси прочiи людiе гласъ Господа Бога сво­его и словеса Аггеа пророка, якоже посла его Господь Богъ ихъ къ нимъ, и убояшася людiе от­ лица Господня.
1:13 См.: 🔗Аг. 2:5	И рече Аггей вѣст­никъ Господень въ вѣстницѣхъ Господнихъ людемъ, глаголя: азъ есмь съ вами, глаголетъ Господь.
1:14	И воз­движе Господь духъ зоровавеля Салаѳiилева от­ колѣна Иудова и духъ иисуса Иоседекова, иереа великаго, и духъ прочiихъ всѣхъ людій: и внидоша и творяху дѣла во храмѣ Господа Вседержителя Бога сво­его.
1:15	Въ двадесять четвертый день месяца шестаго, во второе лѣто, при­­ дарiи цари,