Книга пророка Захарии, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗Пс. 101:26 🔗Пс. 103:2 🔗Ис. 42:5	Пророче­с­т­во словесе Господня на Израиля, глаголетъ Господь, прострый небо и основаяй землю и созидаяй духъ человѣка въ немъ:
12:2 См.: 🔗Ис. 51:17	се, азъ полагаю Иерусалима яко преддверiя движимая всѣмъ людемъ окрестъ, и во Иудеи будетъ обсѣденiе на Иерусалима:
12:3 См.: 🔗Мф. 10:22 🔗Лк. 20:18	и будетъ въ день оный, положу Иерусалима камень попираемый всѣми языки: всякъ попираяй его ругаяся поругает­ся, и соберут­ся нань вси языцы земли.
12:4 См.: 🔗Втор. 11:12 🔗3Цар. 8:29 🔗Пс. 33:16	Въ день онъ, глаголетъ Господь Вседержитель, поражу всякаго коня во ужасъ и всадника его въ безумiе: и на домъ Иудовъ от­верзу очи мо­и и вся кони людій поражу во ослѣпленiе.
12:5	И рекутъ тысящницы Иудины вси въ сердцахъ сво­ихъ: обрящемъ себѣ живущыя во Иерусалимѣ о Господѣ Вседержители Бозѣ ихъ.
12:6	Въ день онъ положу тысящники Иудины яко главню огнен­ну въ дровахъ и яко свѣщу огнен­ну въ стеблiи, и поядятъ одесную и ошуюю вся люди окрестъ: и населит­ся Иерусалимъ еще по себѣ во Иерусалимѣ:
12:7 См.: 🔗Ам. 9:11	и спасетъ Господь селенiя Иудова якоже исперва, яко да не величает­ся похвала дому давидова и величанiя живущихъ во Иерусалимѣ на Иуду.
12:8 См.: 🔗Ис. 40:31 🔗Лк. 1:69 🔗2Кор. 5:20	И будетъ въ день онъ, защититъ Господь живущихъ во Иерусалимѣ: и будетъ немощный въ нихъ въ той день яко давидъ, а домъ давидовъ яко домъ Божiй, якоже ангелъ Господень предъ ними.
12:9	И будетъ въ день онъ, взыщу изъяти вся языки грядущыя на Иерусалимъ,
12:10 См.: 🔗Иоил. 2:28 🔗Деян. 2:18 🔗Ин. 19:37 🔗Ам. 8:10	и излiю на домъ давидовъ и на живущыя во Иерусалимѣ Духъ благодати и щедротъ, и воз­зрятъ нань, егоже прободоша, и восплачут­ся о немъ плаканiемъ яко о воз­люблен­нѣмъ, и поболятъ о немъ болѣзнiю яко о первенцѣ.
12:11 См.: 🔗2Пар. 35:22	Въ день онъ воз­величит­ся плачевопль­ствiе во Иерусалимѣ, яко плачевопль­ствiе Ададримона на поли Магедонѣ.
12:12	И восплачет­ся земля по племеномъ племеномъ: колѣно о себѣ, и жены ихъ о себѣ: колѣно дому давидова о себѣ и жены ихъ о себѣ:
12:13 См.: 🔗Лк. 3:31	колѣно дому наѳанова о себѣ, и жены ихъ о себѣ: колѣно дому Левіина о себѣ, и жены о себѣ: колѣно Симеоне о себѣ, и жены ихъ о себѣ:
12:14	вся прочая колѣна, колѣно и колѣно о себѣ, и жены ихъ о себѣ.