Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 53 | |
53:1 | Въ конецъ, въ пѣснехъ разума Давиду, |
53:2 См.: 🔗1Цар. 23:19 🔗1Цар. 26:1 | внегда прiити Зифеемъ и рещи Саулови: не се ли, Давидъ скрыся въ насъ? |
53:3 | Боже, во имя Твое спаси мя и въ силѣ Твоей суди ми. |
53:4 | Боже, услыши молитву мою, внуши глаголы устъ моихъ: |
53:5 См.: 🔗Пс. 85:14 🔗Тов. 4:5 | яко чуждiи восташа на мя, и крѣпцыи взыскаша душу мою, и не предложиша Бога предъ собою. |
53:6 | Се бо, Богъ помогаетъ ми, и Господь заступникъ души моей: |
53:7 | отвратитъ злая врагомъ моимъ: истиною Твоею потреби ихъ. |
53:8 | Волею пожру Тебѣ, исповѣмся имени Твоему, Господи, яко благо: |
53:9 См.: 🔗Пс. 58:10 | яко от всякiя печали избавилъ мя еси, и на враги моя воззрѣ око мое. |