Книга Судей Израилевых, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Нав. 15:47	И иде сампсонъ въ Газу, и видѣ тамо жену блудницу и вниде къ ней.
16:2 См.: 🔗Лк. 20:20	И повѣдаша газяномъ, глаголюще: прiиде сампсонъ сѣмо. И обыдоша и подсѣдоша ему всю нощь у вратъ градныхъ, и утаишася всю нощь, глаголюще: дондеже освѣтаетъ утро, и убiемъ его.
16:3 См.: 🔗Евр. 11:34	И спа сампсонъ до полунощи: и воста въ полунощи, и восхити двери у вратъ града со обѣими вереями, и подъя оныя съ заворою, и воз­ложи я на рамена своя, и воз­несе я на верхъ горы, яже предъ лицемъ Хеврона, и положи ихъ тамо.
16:4 См.: 🔗Втор. 1:24	И бысть по семъ, и воз­люби жену от­ водотечи сориховы: имя же ей далида.
16:5 См.: 🔗Суд. 14:15 🔗Суд. 17:2	И взыдоша къ ней князи иноплемен­ничи и рекоша ей: прельсти его, и виждь, въ чемъ есть крѣпость его великая, и чимъ преможемъ его, и свяжемъ его, яко смирити его: и мы тебѣ дадимъ кійждо тысящу и сто сребрениковъ.
16:6	И рече далида къ сампсону: повѣждь ми нынѣ, въ чемъ крѣпость твоя [тако] великая, и чимъ свяжешися и смиришися?
16:7	И рече ей сампсонъ: аще свяжутъ мя седмiю тятивами сырыми неистлѣв­шими, и изнемогу, и буду яко единъ от­ человѣкъ.
16:8	И при­­несоша ей князи от­ иноплемен­никъ седмь тятивъ мокрыхъ неистлѣв­шихъ, и связа его ими:
16:9 См.: 🔗Суд. 15:14	и подсада ему сѣдяше въ храминѣ. И рече ему: иноплемен­ницы на тя, сампсоне. И расторже тятивы, аки бы кто расторгнулъ сосканiе изгребiй, егда коснет­ся ему огнь: и не увѣдася крѣпость его.
16:10	И рече далида къ сампсону: се, прельстилъ еси мя, глаголя ко мнѣ лжу: нынѣ убо повѣждь ми, чимъ свяжешися?
16:11	И рече къ ней: аще вяжуще свяжутъ мя ужы новыми, имиже не дѣлано, и изнемогу, и буду яко единъ от­ человѣкъ.
16:12	И взя далида ужы новы и связа его ими, и рече ему: иноплемен­ницы на тя, сампсоне. Подсада же сѣдяше въ храминѣ. И расторже я от­ руку своею аки нить.
16:13	И рече далида къ сампсону: даже до нынѣ прельщалъ мя еси и глаголалъ ко мнѣ лжу: повѣждь ми убо, чимъ свяжешися? И рече ей: аще сплетеши седмь пленицъ власъ главы мо­ея спряденiемъ и вбiеши коломъ въ стѣну, и буду немощенъ яко единъ от­ человѣкъ.
16:14	И успи далида его на колѣнѣхъ сво­ихъ, и бысть внегда уснути ему, взя далида седмь пленицъ власъ главы его и сплете спряденiемъ и вонзе коломъ въ стѣну, и рече: иноплемен­ницы на тя, сампсоне. И воз­бну от­ сна сво­его и исторже колъ сплетенiемъ изъ стѣны, и не увѣдася крѣпость его.
16:15	И рече къ нему далида: како глаголеши, воз­любихъ тя, и сердце твое нѣсть со мною? се, третiе прельстилъ еси мя, и не повѣдалъ еси мнѣ, въ чемъ крѣпость твоя великая.
16:16	И бысть егда стужи ему словесы сво­ими по вся дни, и убѣди его, и изнеможе даже до умертвiя.
16:17 См.: 🔗Суд. 13:5	И повѣда ей все сердце свое, и рече къ ней: желѣзо не взыде на главу мою, яко назорей есмь азъ Господу от­ утробы матере мо­ея: аще убо обріюся, от­ступитъ от­ мене крѣпость моя, и изнемогу, и буду якоже вси человѣцы.
16:18	И видѣ далида, яко повѣда ей все сердце свое, посла и при­­зва князи иноплемен­ничи, глаголющи: взыдите еще единою, яко повѣда ми все сердце свое. И взыдоша къ ней вси князи иноплемен­ничи, и при­­несоша сребро въ рукахъ сво­ихъ.
16:19 См.: 🔗Чис. 6:5	И успи далида сампсона на колѣнѣхъ сво­ихъ: и при­­зва стригача, и остриже седмь пленицъ власъ главы его: и нача смирятися, и от­ступи крѣпость его от­ него.
16:20 См.: 🔗1Цар. 28:15	И рече далида: иноплемен­ницы на тя, сампсоне. И воз­будися от­ сна сво­его и рече: изыду якоже и прежде, и отрясуся. И не разумѣ, яко Господь от­ступи от­ него.
16:21 См.: 🔗Иер. 39:7 🔗Ис. 47:2	И яша его иноплемен­ницы, и избодоша ему очи, и введоша его въ Газу, и оковаша его путы мѣдяны: и бяше меля въ храминѣ темничнѣй.
16:22	И начаша власы главы его расти по остриженiи.
16:23 См.: 🔗1Цар. 5:2	И князи иноплемен­ничи собрашася пожрети жертву велику дагону богу сво­ему и воз­веселитися, и рекоша: предаде богъ нашъ въ руки нашя сампсона врага на­шего.
16:24	И видѣша его людiе, и похвалиша бога сво­его, яко рѣша: предаде богъ нашъ въ руки нашя врага на­шего, опустошив­шаго землю нашу, и иже умножи язвен­ныхъ нашихъ.
16:25 См.: 🔗Мф. 27:28	И бысть егда воз­блажа сердце ихъ, и рекоша: при­­зовите сампсона изъ дому темничнаго, и да играетъ предъ нами. И при­­зваша сампсона изъ дому темничнаго, и игра­ше предъ ними: и заушаху его, и поставиша его между столпы.
16:26	И рече сампсонъ ко юноши держащему его за руку: остави мене, да осяжу столпы, на нихже домъ сей утвержденъ есть, и опруся на нихъ. Юноша же сотвори тако.
16:27	Домъ же бяше полнъ мужей и женъ, и тамо вси князи иноплемен­ничи: на кровѣ же томъ до трехъ тысящъ мужей и женъ, зряще ругаемаго сампсона.
16:28 См.: 🔗Иудиф. 13:4 🔗Евр. 11:34	И воз­зва сампсонъ ко Господу и рече: Адонаи Господи, Господи силъ, помяни мя нынѣ, и укрѣпи мя еще единою, Боже, да воз­дамъ мщенiе едино за два ока моя Филистимомъ.
16:29	И объя сампсонъ оба столпа среднiя, на нихже храмина бяше утверждена, и опреся на нихъ, держя единъ рукою десною, а другій лѣвою.
16:30 См.: 🔗3Цар. 19:4 🔗Евр. 2:14	И рече сампсонъ: да умретъ душа моя со иноплемен­ники. И преклонися крѣпостiю, и паде храмина на князи и на вся люди иже въ ней: и бысть мертвыхъ, ихже умертви сампсонъ при­­ смерти сво­ей, множае неже ихже умертви въ животѣ сво­емъ.
16:31 См.: 🔗Суд. 13:2 🔗Суд. 15:20	И снидоша братiя его и весь домъ отца его, и взяша его: и взыдоша, и погребоша его между сараи и между есѳаоломъ во гробѣ маноя отца его. И сей суди Израилю лѣтъ двадесять. [И воста по сампсонѣ Емегаръ сынъ Енань, и уби от­ иноплемен­никовъ шесть сотъ мужей кромѣ скота, и спасе и онъ Израиля.]