Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 64 | |
64:1 | Аще отверзеши небо, трепетъ прiимутъ от тебе горы и растаютъ, |
64:2 См.: 🔗Пс. 82:19 | яко таетъ воскъ от лица огня, и попалитъ огнь супостаты, и явлено будетъ имя твое въ сопротивныхъ твоихъ: от лица твоего языцы возмятутся: |
64:3 См.: 🔗Суд. 5:5 | егда сотвориши славная, трепетъ прiимутъ от тебе горы. |
64:4 См.: 🔗1Кор. 2:9 | От вѣка не слышахомъ, ниже очи наши видѣша Бога, развѣ тебе, и дѣла твоя, яже сотвориши ждущымъ милости. |
64:5 См.: 🔗Пс. 30:20 | Милость бо срящетъ творящихъ правду, и пути твоя помянутся: се, ты разгнѣвался еси, и мы согрѣшихомъ. |
64:6 См.: 🔗Пс. 89:6 | Сего ради заблудихомъ и быхомъ яко нечисти вси мы, якоже портъ нечистыя вся правда наша, и отпадохомъ яко листвiе беззаконiй ради нашихъ: тако вѣтръ восхититъ насъ. |
64:7 | И нѣсть призываяй имя твое и помянувый удержати тя: яко отвратилъ еси лице твое от насъ и предалъ ны еси беззаконiй ради нашихъ. |
64:8 См.: 🔗Ис. 63:16 | И нынѣ, Господи, Отецъ нашъ еси ты, мы же бренiе, дѣла руку твоею вси: |
64:9 См.: 🔗Пс. 78:8 | не прогнѣвайся на ны зѣло и не помяни во время беззаконiй нашихъ, и нынѣ призри, яко людiе твои вси мы. |
64:10 См.: 🔗Пс. 78:1 | Градъ святилища твоего бысть пустъ, Сiонъ якоже пустыня бысть, Иерусалимъ на проклятiе: |
64:11 | домъ святый нашъ и слава, юже благословиша отцы наши, бысть огнемъ пожженъ, и вся славная наша купно падоша. |
64:12 См.: 🔗Ис. 62:1 | И от всѣхъ сихъ терпѣлъ еси, Господи, и молчалъ, и смирилъ еси ны зѣло. |