Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 77 | |
77:1 | Разума Асафу. |
77:2 | Внемлите, людiе мои, закону моему, приклоните ухо ваше во глаголы устъ моихъ. |
77:3 См.: 🔗Пс. 48:5 🔗Мф. 13:35 | Отверзу въ притчахъ уста моя, провѣщаю гананiя исперва. |
77:4 См.: 🔗Пс. 43:2 | Елика слышахомъ и познахомъ я, и отцы наши повѣдаша намъ: |
77:5 | не утаишася от чадъ ихъ въ родъ инъ, возвѣщающе хвалы Господни, и силы Его и чудеса Его, яже сотвори. |
77:6 См.: 🔗Втор. 4:9 | И воздвиже свидѣнiе во Иаковѣ, и законъ положи во Израили, елика заповѣда отцемъ нашымъ сказати я сыновомъ своимъ, |
77:7 | яко да познаетъ родъ инъ, сынове родящiися, и востанутъ и повѣдятъ я сыновомъ своимъ: |
77:8 | да положатъ на Бога упованiе свое, и не забудутъ дѣлъ Божiихъ, и заповѣди Его взыщутъ: |
77:9 См.: 🔗Втор. 32:5 🔗Иез. 2:3 | да не будутъ якоже отцы ихъ, родъ строптивъ и преогорчеваяй, родъ иже не исправи сердца своего и не увѣри съ Богомъ духа своего. |
77:10 | Сынове Ефремли наляцающе и стрѣляюще луки возвратишася въ день брани: |
77:11 См.: 🔗4Цар. 17:15 | не сохраниша завѣта Божiя, и въ законѣ Его не восхотѣша ходити. |
77:12 | И забыша благодѣянiя Его и чудеса Его, яже показа имъ |
77:13 | предъ отцы ихъ, яже сотвори чудеса въ земли Египетстѣй, на поли Танеосѣ: |
77:14 См.: 🔗Исх. 14:21 | разверзе море и проведе ихъ: представи воды яко мѣхъ, |
77:15 См.: 🔗Исх. 13:21 🔗Пс. 104:39 | и настави я облакомъ во дни и всю нощь просвѣщенiемъ огня. |
77:16 | Разверзе камень въ пустыни и напои я яко въ безднѣ мнозѣ: |
77:17 | и изведе воду изъ камене и низведе яко рѣки воды. |
77:18 | И приложиша еще согрѣшати Ему, преогорчиша Вышняго въ безводнѣй: |
77:19 | и искусиша Бога въ сердцахъ своихъ, воспросити брашна душамъ своимъ. |
77:20 | И клеветаша на Бога и рѣша: еда возможетъ Богъ уготовати трапезу въ пустыни? |
77:21 | Понеже порази камень, и потекоша воды, и потоцы наводнишася: еда и хлѣбъ можетъ дати? Или уготовати трапезу людемъ Своимъ? |
77:22 См.: 🔗Чис. 11:1 | Сего ради слыша Господь и презрѣ, и огнь возгорѣся во Иаковѣ, и гнѣвъ взыде на Израиля: |
77:23 | яко не вѣроваша Богови, ниже уповаша на спасенiе Его. |
77:24 | И заповѣда облакомъ свыше, и двери небесе отверзе: |
77:25 | и одожди имъ манну ясти, и хлѣбъ небесный даде имъ. |
77:26 | Хлѣбъ ангелскiй яде человѣкъ: брашно посла имъ до сытости. |
77:27 | Воздвиже югъ съ небесе, и наведе силою Своею лива: |
77:28 | и одожди на ня яко прахъ плоти, и яко песокъ морскій птицы пернаты. |
77:29 | И нападоша посредѣ стана ихъ, окрестъ жилищъ ихъ. |
77:30 | И ядоша и насытишася зѣло, и желанiе ихъ принесе имъ. |
77:31 См.: 🔗Чис. 11:33 | Не лишишася от желанiя своего: еще брашну сущу во устѣхъ ихъ, |
77:32 | и гнѣвъ Божiй взыде на ня, и уби множайшая ихъ, и избраннымъ Израилевымъ запятъ. |
77:33 См.: 🔗Втор. 1:32 | Во всѣхъ сихъ согрѣшиша еще и не вѣроваша чудесемъ Его: |
77:34 | и изчезоша въ суетѣ дніе ихъ, и лѣта ихъ со тщанiемъ. |
77:35 | Егда убиваше я, тогда взыскаху Его и обращахуся и утреневаху къ Богу: |
77:36 | и помянуша, яко Богъ помощникъ имъ есть, и Богъ Вышнiй избавитель имъ есть: |
77:37 | и возлюбиша Его усты своими, и языкомъ своимъ солгаша Ему: |
77:38 | сердце же ихъ не бѣ право съ Нимъ, ниже увѣришася въ завѣтѣ Его. |
77:39 | Той же есть щедръ, и очиститъ грѣхи ихъ, и не растлитъ: и умножитъ отвратити ярость Свою, и не разжжетъ всего гнѣва Своего. |
77:40 См.: 🔗Иак. 4:14 | И помяну, яко плоть суть, духъ ходяй и не обращаяйся: |
77:41 См.: 🔗Чис. 14:22 | колькраты преогорчиша Его въ пустыни, прогнѣваша Его въ земли безводнѣй? |
77:42 | И обратишася, и искусиша Бога, и святаго Израилева раздражиша: |
77:43 | и не помянуша руки Его въ день, въ оньже избави я изъ руки оскорбляющаго: |
77:44 | якоже положи во Египтѣ знаменiя Своя, и чудеса Своя на поли Танеосѣ: |
77:45 См.: 🔗Исх. 7:20 🔗Пс. 104:29 | и преложи въ кровь рѣки ихъ и источники ихъ, яко да не пiютъ. |
77:46 См.: 🔗Исх. 8:24 🔗Пс. 104:31 | Посла на ня песiя мухи, и поядоша я, и жабы, и растли я: |
77:47 См.: 🔗Исх. 10:13 | и даде ржѣ плоды ихъ, и труды ихъ пругомъ. |
77:48 См.: 🔗Исх. 9:23 🔗Пс. 104:33 | Уби градомъ винограды ихъ и черничiе ихъ сланою: |
77:49 | и предаде граду скоты ихъ, и имѣнiе ихъ огню. |
77:50 | Посла на ня гнѣвъ ярости Своея, ярость и гнѣвъ и скорбь, посланiе аггелы лютыми. |
77:51 См.: 🔗Исх. 9:6 | Путесотвори стезю гнѣву Своему, и не пощадѣ от смерти душъ ихъ, и скоты ихъ въ смерти заключи: |
77:52 См.: 🔗Исх. 12:29 | и порази всякое первородное въ земли Египетстѣй, начатокъ всякаго труда ихъ въ селенiихъ Хамовыхъ. |
77:53 См.: 🔗Исх. 12:37 | И воздвиже яко овцы люди Своя, и возведе я яко стадо въ пустыни: |
77:54 | и настави я на упованiе, и не убояшася: и враги ихъ покры море. |
77:55 | И введе я въ гору святыни Своея, гору сiю, юже стяжа десница Его. |
77:56 См.: 🔗Нав. 12:7 | И изгна от лица ихъ языки, и по жребiю даде имъ [землю] ужемъ жребодаянiя, и всели въ селенiихъ ихъ колѣна Израилева. |
77:57 | И искусиша и преогорчиша Бога Вышняго, и свидѣнiй Его не сохраниша: |
77:58 | и отвратишася и отвергошася, якоже и отцы ихъ: превратишася въ лукъ развращенъ: |
77:59 См.: 🔗Втор. 32:16 | и прогнѣваша Его въ холмѣхъ своихъ, и во истуканныхъ своихъ раздражиша Его. |
77:60 | Слыша Богъ и презрѣ, и уничижи зѣло Израиля: |
77:61 См.: 🔗1Цар. 4:11 | и отрину скинiю Силомскую, селенiе еже {селенiе свое, идѣже} вселися въ человѣцѣхъ: |
77:62 | и предаде въ плѣнъ крѣпость ихъ, и доброту ихъ въ руки враговъ: |
77:63 | и затвори во оружiи люди Своя и достоянiе Свое презрѣ. |
77:64 | Юношы ихъ пояде огнь, и дѣвы ихъ не осѣтованы быша: |
77:65 См.: 🔗1Цар. 4:11 | священницы ихъ мечемъ падоша, и вдовицы ихъ не оплаканы будутъ. |
77:66 | И воста яко спя Господь, яко силенъ и шуменъ от вина: |
77:67 См.: 🔗1Цар. 5:6 🔗1Цар. 6:4 | и порази враги своя вспять, поношенiе вѣчное даде имъ: |
77:68 | и отрину селенiе Иосифово, и колѣно Ефремово не избра: |
77:69 | и избра колѣно Иудово, гору Сiоню, юже возлюби: |
77:70 | и созда яко единорога святилище Свое: на земли основа и въ вѣкъ. |
77:71 См.: 🔗1Цар. 16:11 🔗2Цар. 7:8 | И избра Давида раба Своего, и воспрiятъ его от стадъ овчихъ: |
77:72 См.: 🔗2Цар. 5:2 🔗1Пар. 11:2 | от доилицъ поятъ его, пасти Иакова раба Своего, и Израиля достоянiе Свое. |
77:73 | И упасе я въ незлобiи сердца своего, и въ разумѣхъ руку своею наставилъ я есть. |