Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 24 | |
24:1 См.: 🔗1Пар. 21:1 | И приложи Господь гнѣву разгорѣтися во Израили, и подвиже въ нихъ давида, глаголя: иди и изочти Израиля и Иуду. |
24:2 | И рече царь ко Иоаву князю силы иже съ нимъ: пройди нынѣ вся колѣна Израилева и Иудина, от Дана даже и до вирсавіи, и сочти люди, и да увѣмъ число людемъ. |
24:3 | И рече Иоавъ ко царю: да приложитъ Господь Богъ твой къ людемъ твоимъ, якоже быти имъ сторицею, и очи господина моего царя да увидятъ: и господинъ мой царь почто помышляетъ о словеси семъ? |
24:4 См.: 🔗1Пар. 21:4 🔗1Пар. 27:24 | И превозможе слово царево ко Иоаву и ко княземъ силы. И изыде Иоавъ и князи крѣпости предъ царемъ сочести люди Израилевы. |
24:5 См.: 🔗Втор. 2:36 🔗Нав. 13:16 | И преидоша Иорданъ, и ополчишася во Ароирѣ одесную града иже посредѣ дебри гадъ и Елiезеръ. |
24:6 | И прiидоша въ Галаадъ и въ землю Ѳавасонъ и истонъ и въ Дасу, и внидоша въ даниданъ и обыдоша Сидонъ, |
24:7 | и прiидоша во мапсаръ тирскiй и во вся грады Евеины и въ Хананеины, и идоша на югъ Иуды въ вирсавію, |
24:8 | и обыдоша всю землю, и прiидоша во Иерусалимъ, скончавше девять месяцъ и двадесять дній. |
24:9 См.: 🔗1Пар. 21:5 🔗1Пар. 27:24 | И даде Иоавъ число сочтеныхъ людій царю: и бѣ Израиля числомъ осмь сотъ тысящъ сильныхъ держащихъ оружiе, и мужей Иудиныхъ пять сотъ тысящъ мужей борцевъ. |
24:10 См.: 🔗1Пар. 21:8 | И убояся сердце давидово по счисленiи людій, и рече давидъ ко Господу: согрѣшихъ зѣло, яко сотворихъ глаголъ сей: и нынѣ, Господи, отими беззаконiе раба твоего, яко обуяхъ зѣло. |
24:11 См.: 🔗1Пар. 21:9 | И воста давидъ заутра: и слово Господне бысть ко гаду пророку прозорливцу, глаголя: |
24:12 | иди и рцы давиду, глаголя: тако глаголетъ Господь: трое азъ наведу на тя, и избери себѣ едино от сихъ, и сотворю ти. |
24:13 См.: 🔗1Пар. 21:11 | И вниде гадъ къ давиду, и повѣда, и рече ему: избери себѣ быти: или прiидутъ тебѣ три лѣта глада на землю твою: или три месяцы бѣгати имаши предъ враги твоими, и будутъ гоняще тя: или три дни быти смерти въ земли твоей: нынѣ убо разумѣй и виждь, что отвѣщаю пославшему мя. |
24:14 См.: 🔗Сир. 2:18 | И рече давидъ ко гаду: тѣсна ми суть отвсюду зѣло три сiя: да впаду убо въ руцѣ Господни, яко многи суть щедроты его зѣло: въ руцѣ же человѣчи да не впаду. И избра себѣ давидъ смерть и дни жатвенныя пшеницы. |
24:15 | И даде Господь смерть во Израили от утра до часа обѣдняго, и начася язва быти въ людехъ, и умроша от людій Господнихъ от Дана и до вирсавіи седмьдесятъ тысящъ мужей. |
24:16 См.: 🔗Иер. 42:10 | И простре ангелъ Божiй руку свою на Иерусалимъ погубити его, и раскаяся Господь о злѣ, и рече ангелу погубляющему люди: доволно нынѣ, отими руку твою. И ангелъ Господень бѣ стоя предъ гумномъ орны Иевусеанина. |
24:17 См.: 🔗1Пар. 21:17 | И рече давидъ ко Господу, егда видѣ ангела бiюща люди, и рече: се, азъ есмь согрѣшивый, азъ есмь пастырь зло сотворивый, а сіи овцы что сотвориша? да будетъ нынѣ рука твоя на мнѣ и на дому отца моего. |
24:18 См.: 🔗1Пар. 21:18 🔗2Пар. 3:1 | И прiиде гадъ къ давиду въ день той и рече ему: взыди, и постави Господеви олтарь на гумнѣ орны Иевусеанина. |
24:19 | И взыде давидъ по глаголу гада пророка, имже образомъ заповѣда ему Господь. |
24:20 | И преклонися орна, и видѣ царя и отроки его восходящыя выше его, и изыде орна, и поклонися царю на лицы своемъ на земли, |
24:21 | и рече орна: что яко прiиде господинъ мой царь къ рабу своему? И рече давидъ: купити у тебе гумно [прiидохъ], на созданiе олтаря Господня, и престанетъ язва от людій. |
24:22 См.: 🔗1Пар. 21:23 🔗3Цар. 19:21 | И рече орна къ давиду: да прiиметъ и вознесетъ господинъ мой царь Господу [Богу] еже благо предъ очима его: се, волове во всесожженiе, и колеса и сосуди воловъ на дрова. |
24:23 | Вся даде орна царю. И рече орна къ царю: Господь Богъ твой да благословитъ тя. |
24:24 | И рече царь ко орнѣ: ни, но токмо купуя куплю от тебе цѣною, и не вознесу Господу Богу моему всесожженiя туне. И купи давидъ гумно и волы на пятидесяти сиклехъ сребра. |
24:25 | И созда тамо давидъ олтарь Господеви: и вознесе всесожженiя и мирная. И приложи соломонъ ко олтарю послѣди, зане малъ бѣ прежде. И послуша Господь земли, и отъятъ язву от Израиля. |