Книга Исход, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Быт. 46:8 🔗Деян. 7:15	Сiя имена сыновъ Израилевыхъ, входящихъ во Египетъ вкупѣ со Иаковомъ отцемъ ихъ, кійждо со всѣмъ домомъ сво­имъ внидоша:
1:2 См.: 🔗Быт. 46:8 🔗Исх. 6:14	Рувимъ, Симеонъ, Левій, Иуда,
1:3	Иссахаръ, Завулонъ и Венiаминъ,
1:4	Данъ и Нефѳалимъ, Гадъ и Асиръ: Иосифъ же бяше во Египтѣ.
1:5	Бяше же всѣхъ душъ изшедшихъ изъ Иакова седмьдесятъ пять.
1:6 См.: 🔗Быт. 50:26	Умре же Иосифъ, и вся братiя его, и весь родъ оный:
1:7 См.: 🔗Деян. 7:17 🔗Пс. 104:24	сынове же Израилевы воз­растоша и умножишася, и мнози быша и укрѣпишася зѣло зѣло: умножи же ихъ земля.
1:8	Воста же царь инъ во Египтѣ, иже не зна­ше Иосифа,
1:9	рече же языку сво­ему: се, родъ сыновъ Израилевыхъ великое множе­с­т­во и укрѣпляет­ся паче насъ:
1:10	прiидите убо, прехитримъ ихъ, да не когда умножат­ся: и егда аще при­­ключит­ся намъ брань, при­­ложат­ся и сіи къ супостатомъ, и одолѣв­ше намъ изыдутъ изъ земли [на­шея].
1:11	И при­­стави надъ ними при­­ставники дѣлъ, да озлобятъ ихъ въ дѣлѣхъ. И создаша грады тверды фараону: Пиѳо, и Рамесси, и онъ, иже есть Илiополь.
1:12 См.: 🔗Пс. 104:24	По елику же ихъ смиряху, толико множайшiи бываху и укрѣпляхуся зѣло зѣло. И гнушахуся Египтяне сынми Израилевыми,
1:13 См.: 🔗Втор. 26:6 🔗Иудиф. 5:11	и насилiе творяху Египтяне сыномъ Израилевымъ нуждею,
1:14	и болѣзнен­ну тѣмъ жизнь творяху въ дѣлѣхъ жестокихъ бренiемъ и плинѳодѣланiемъ, и всѣми дѣлы, яже въ поляхъ, во всѣхъ дѣлѣхъ, имиже порабощаху ихъ съ нуждею.
1:15	И рече царь Египетскiй бабамъ Еврейскимъ: единѣй ихъ имя Сепфора и имя вторѣй Фуа,
1:16 См.: 🔗Прем. 18:5	и рече [имъ]: егда бабите Евреанынямъ, и суть къ рожденiю, аще убо мужескiй полъ будетъ, убивайте его: аще же женскiй, снабдѣвайте его.
1:17	Убояшася же бабы Бога, и не сотвориша, якоже повелѣ имъ царь Египетскiй, и живляху мужескiй полъ.
1:18	Призва же царь Египетскiй бабы и рече имъ: что яко сотвористе вещь сiю, и оживляете мужескiй полъ?
1:19	Рекоша же бабы фараону: не яко жены Египтяныни, тако и жены Евреаныни: раждаютъ бо прежде неже внити къ нимъ бабамъ, и раждаху.
1:20	Благо же творяше Богъ бабамъ, и множахуся людiе и укрѣпляхуся зѣло.
1:21 См.: 🔗1Цар. 2:35	И понеже бояхуся бабы Бога, сотвориша себѣ жилища.
1:22 См.: 🔗Прем. 18:5 🔗Деян. 7:19	Заповѣда же фараонъ всѣмъ людемъ сво­имъ, глаголя: всякъ мужескiй полъ, иже родит­ся Евреомъ, въ рѣку ввергайте, и всякъ женскiй полъ снабдѣвайте и живъ.