Книга Числа, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	И рече Господь къ Моисею, глаголя:
6:2 См.: 🔗Суд. 13:5 🔗1Цар. 1:11 🔗Иер. 1:5	глаголи сыномъ Израилевымъ и речеши къ нимъ: мужъ или жена, иже аще обѣщает­ся зѣло обѣтомъ, еже очиститися чистотою Господу,
6:3	да воз­держит­ся от­ вина и сикера, и оцта вин­на и оцта от­ сикера да не пiетъ: и, елика дѣлают­ся от­ гроздъ вин­ныхъ, да не пiетъ, и гроздiя свѣжаго и сухаго да не снѣстъ.
6:4	Во вся дни обѣта сво­его от­ всѣхъ, елика бываютъ от­ вин­ничины вина, от­ кости и до скорлупы да не пiете, ниже ясте от­ всего.
6:5 См.: 🔗Суд. 13:5	Во вся дни обѣта очищенiя сво­его бритва да не взыдетъ на главу его, дондеже скончают­ся дніе, елики обѣщалъ есть Господу: святъ будетъ растяй власы главы сво­ея.
6:6	Во вся дни обѣта сво­его Господу, ко всякой душѣ скончав­шейся да не внидетъ.
6:7 См.: 🔗Лев. 21:2	Надъ отцемъ и надъ матерiю, и надъ братомъ и надъ сестрою, да не осквернит­ся надъ ними, умершымъ имъ, яко обѣтъ Бога его на главѣ его.
6:8	Вся дни обѣта его святъ будетъ Господу.
6:9	Аще же кто смертiю внезапу умретъ у него, абiе осквернит­ся глава обѣта его, и обріетъ главу свою, въ оньже день очистит­ся, въ день седмый да обріет­ся,
6:10 См.: 🔗Лев. 12:8 🔗Лев. 14:22	и въ день осмый да при­­несетъ два горличища или два птенца голубина къ жерцу предъ двери скинiи свидѣнiя:
6:11	и да сотворитъ жрецъ едину грѣха ради, и другую во всесожженiе, и да помолит­ся о немъ жрецъ, о нихже согрѣши, о души, и освятитъ главу свою въ той день, въ оньже освятися Господу, во дни обѣта сво­его.
6:12	И да при­­ведетъ агнца единолѣтна въ преступленiе, и дніе прежнiи да не будутъ ему въ число, понеже осквернися глава обѣта его.
6:13	И сей законъ обѣщав­шагося, въ оньже день скончаетъ дни обѣта сво­его, да при­­несетъ самъ къ дверемъ скинiи свидѣнiя:
6:14	и да при­­ведетъ даръ свой Господу агнца единолѣтна непорочна единаго во всесожженiе, и агницу единолѣтну едину непорочну грѣха ради, и овна единаго непорочна во спасенiе,
6:15	и кошъ опрѣсноковъ от­ муки пшеничны, хлѣбы смѣшаны съ елеемъ, и опрѣсноки помазаны елеемъ, и жертву ихъ и воз­лiянiе ихъ.
6:16	И да при­­несетъ жрецъ предъ Господа, и да сотворитъ еже грѣха ради его, и всесожженiе его,
6:17	и овна сотворитъ жертву спасенiя Господу на кошницѣ опрѣсноковъ, и да сотворитъ жрецъ жертву его и воз­лiянiе его.
6:18 См.: 🔗Деян. 21:24	И да обріетъ обѣщавый предъ дверьми скинiи свидѣнiя главу обѣта сво­его, и да воз­ложитъ власы на огнь, иже есть подъ жертвою спасенiя:
6:19	и да возметъ жрецъ рамо варено от­ овна, и хлѣбъ единъ опрѣсночный от­ кошницы, и опрѣснокъ единъ, и да воз­ложитъ на руки обѣщав­шемуся, по обритiи главы его,
6:20 См.: 🔗Исх. 29:27 🔗Лев. 7:31	и да при­­несетъ я жрецъ воз­ложенiе предъ Господа: свято да будетъ жерцу на грудехъ воз­ложенiя и на рамѣ участiя: и по сихъ обѣщавыйся да пiетъ вино.
6:21	Сей законъ обѣщав­шагося, иже аще обѣщаетъ даръ Господу о обѣтѣ, кромѣ сихъ яже обрящетъ рука его: по силѣ обѣта его, егоже аще обѣщаетъ, по закону очищенiя.
6:22	И рече Господь къ Моисею, глаголя:
6:23 См.: 🔗Сир. 36:18	рцы Аарону и сыномъ его, глаголя: сице благословите сыны Израилевы, глаголюще имъ:
6:24 См.: 🔗Пс. 66:8	да благословитъ тя Господь и сохранитъ тя:
6:25 См.: 🔗Пс. 4:7	да просвѣтитъ Господь лице Свое на тя и помилуетъ тя:
6:26 См.: 🔗Пс. 4:7	да воз­двигнетъ Господь лице Свое на тя и дастъ ти миръ:
6:27 См.: 🔗Сир. 50:23	и да воз­ложатъ имя Мое на сыны Израилевы, и Азъ Господь благословлю я.