Послание апостола Павла к Римлянам, глава 5

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 5
5:1 См.: 🔗Лк. 2:14 🔗Еф. 2:16 🔗Кол. 1:20	[Зач. 88.] Оправдив­шеся убо вѣрою, миръ имамы къ Богу Господемъ нашимъ Иисусъ Христомъ,
5:2 См.: 🔗Ин. 14:6 🔗Еф. 2:18 🔗Евр. 10:19	Имже и при­­веденiе обрѣтохомъ вѣрою во благодать сiю, въ нейже сто­имъ, и хвалимся упованiемъ славы Божiя.
5:3 См.: 🔗Иак. 1:2 🔗2Кор. 12:10	Не точiю же, но и хвалимся въ скорбехъ, вѣдяще, яко скорбь терпѣнiе содѣловаетъ,
5:4	терпѣнiе же искус­ст­во, искус­ст­во же упованiе:
5:5 См.: 🔗Пс. 21:6 🔗Рим. 8:16 🔗2Кор. 1:22	упованiе же не посрамитъ, яко любы Божiя излiяся въ сердца наша Духомъ Святымъ дан­нымъ намъ.
5:6 См.: 🔗1Пет. 3:18 🔗Евр. 9:15	[Зач. 88Б.] Еще бо Христосъ сущымъ намъ немощнымъ, по времени за нечестивыхъ умре.
5:7	Едва бо за праведника кто умретъ: за благаго бо негли кто и дерзнетъ умрети.
5:8 См.: 🔗Ин. 15:13 🔗1Ин. 3:16	Составляетъ же Свою любо­вь къ намъ Богъ, яко, еще грѣшникомъ сущымъ намъ, Христосъ за ны умре.
5:9 См.: 🔗Рим. 3:25 🔗1Фес. 1:10	Много убо паче, оправдани быв­ше нынѣ Кровiю Его, спасемся Имъ от­ гнѣва.
5:10 См.: 🔗2Кор. 5:18 🔗Кол. 1:22	[Зач. 89.] Аще бо врази быв­ше при­­мирихомся Богу смертiю Сына Его, множае паче при­­мирив­шеся спасемся въ животѣ Его:
5:11	не точiю же, но и хвалимся о Бозѣ Господемъ нашимъ Иисусъ Христомъ, Имже нынѣ при­­миренiе прiяхомъ.
5:12 См.: 🔗Быт. 2:17 🔗Рим. 6:23 🔗1Кор. 15:21	Сего ради якоже единѣмъ человѣкомъ грѣхъ въ мiръ вниде и грѣхомъ смерть, и тако смерть во вся человѣки вниде, въ немже вси согрѣшиша.
5:13 См.: 🔗Рим. 4:15	До закона бо грѣхъ бѣ въ мiрѣ: грѣхъ же не вмѣняшеся, не сущу закону.
5:14 См.: 🔗1Кор. 15:21 🔗1Кор. 45:55	Но цар­ст­вова смерть от­ Адама даже до Моисеа и надъ несогрѣшив­шими по подобiю преступленiя Адамова, иже есть образъ будущаго.
5:15 См.: 🔗Ин. 1:16 🔗Еф. 1:6	Но не якоже прегрѣшенiе, тако и даръ. Аще бо прегрѣшенiемъ единаго мнози умроша, множае паче благодать Божiя и даръ благодатiю единаго Человѣка Иисуса Христа во многихъ преизлише­с­т­вова.
5:16	И не якоже единѣмъ согрѣшшимъ дарованiе: грѣхъ бо изъ единаго во осужденiе: даръ же от­ многихъ прегрѣшенiи во оправданiе.
5:17 См.: 🔗2Тим. 2:12 🔗Отк. 1:6 🔗Отк. 22:5	[Зач. 90.] Аще бо единаго прегрѣшенiемъ смерть цар­ст­вова единѣмъ, множае паче избытокъ благодати и даръ правды прiемлюще, въ жизни воцарят­ся единѣмъ Иисусъ Христомъ.
5:18	Тѣмже убо, якоже единаго прегрѣшенiемъ во вся человѣки вниде осужденiе, такожде и единаго оправданiемъ во вся человѣки вниде оправданiе жизни.
5:19 См.: 🔗Ис. 53:11 🔗Флп. 2:8	Якоже бо ослушанiемъ единаго человѣка грѣшни быша мнози, сице и послушанiемъ единаго праведни будутъ мнози.
5:20 См.: 🔗Рим. 7:8 🔗Гал. 3:19	Законъ же при­­вниде, да умножит­ся прегрѣшенiе. Идѣже бо умножися грѣхъ, преизбыточе­с­т­вова благодать:
5:21	да якоже цар­ст­вова грѣхъ во смерть, такожде и благодать воцарит­ся правдою въ жизнь вѣчную, Иисусъ Христомъ Господемъ нашимъ.