Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 См.: 🔗3Цар. 4:32 | Притчи соломона сына давидова, иже царствова во Израили, |
1:2 | познати премудрость и наказанiе и уразумѣти словеса мудрости, |
1:3 | прiяти же извитiя словесъ и разрѣшенiя гаданiй, уразумѣти же правду истинную и судъ исправляти: |
1:4 | да дастъ незлобивымъ коварство, отрочати же юну чувство же и смыслъ. |
1:5 См.: 🔗Сир. 10:28 | Сихъ бо послушавъ, мудрый премудрѣе будетъ, а разумный строителство стяжетъ: |
1:6 | уразумѣетъ же притчу и темное слово, рѣченiя же премудрыхъ и гаданiя. |
1:7 | Начало премудрости страхъ Господень, разумъ же благъ всѣмъ творящымъ его: благочестiе же въ Бога начало чувства, премудрость же и наказанiе нечестивiи уничижатъ. |
1:8 | Слыши, сыне, наказанiе отца твоего и не отрини завѣтовъ матере твоея: |
1:9 См.: 🔗Прит. 4:9 🔗Сир. 6:32 | вѣнецъ бо благодатей прiимеши на твоемъ версѣ и гривну злату о твоей выи. |
1:10 См.: 🔗Прит. 4:14 | Сыне, да не прельстятъ тебе мужiе нечестивiи, ниже да восхощеши, |
1:11 См.: 🔗Иер. 5:26 🔗Мих. 7:2 | аще помолятъ тя, глаголюще: иди съ нами, приобщися крове, скрыемъ же въ землю мужа праведна неправедно: |
1:12 См.: 🔗Пс. 123:3 | пожремъ же его якоже адъ жива, и возмемъ память его от земли, |
1:13 | стяжанiе его многоцѣнное прiимемъ, исполнимъ же домы нашя корыстей: |
1:14 | жребiй же твой положи съ нами: обще же влагалище стяжемъ вси, и мѣшецъ единъ да будетъ всѣмъ намъ. |
1:15 См.: 🔗Пс. 1:1 | Не иди въ путь съ ними: уклони же ногу твою от стезь ихъ: |
1:16 См.: 🔗Ис. 59:7 🔗Рим. 3:15 | нозѣ бо ихъ на зло текутъ, и скори суть излiяти кровь. |
1:17 | Не безъ правды бо простираются мрежи пернатымъ: |
1:18 См.: 🔗Мф. 26:16 | тіи бо убійству приобщающеся, сокровищствуютъ себѣ злая: разрушенiе же мужей законопреступныхъ зло. |
1:19 | Сіи путiе суть всѣхъ творящихъ беззаконная: нечестiемъ бо свою душу отъемлютъ. |
1:20 См.: 🔗Прит. 8:1 🔗Лк. 11:49 | Премудрость во исходѣхъ поется, въ стогнахъ же дерзновенiе водитъ, |
1:21 См.: 🔗Прит. 8:3 | на краехъ же стѣнъ проповѣдуется, у вратъ же сильныхъ присѣдитъ, во вратѣхъ же града дерзающи глаголетъ: |
1:22 | елико убо время незлобивiи держатся правды, не постыдятся: безумнiи же досады суще желателiе, нечестивiи бывше, возненавидѣша чувство |
1:23 | и повинни быша обличениемъ. Се, предложу вамъ моего дыханiя рѣченiе, научу же васъ моему словеси. |
1:24 | Понеже звахъ, и не послушасте, и простирахъ словеса, и не внимасте, |
1:25 | но отметасте моя совѣты и моимъ обличениемъ не внимасте: |
1:26 См.: 🔗Втор. 28:63 🔗Иез. 21:17 | убо и азъ вашей погибели посмѣюся, порадуюся же, егда прiидетъ вамъ пагуба, |
1:27 | и егда прiидетъ на вы внезапу мятежъ, низвращенiе же подобно бури прiидетъ, или егда прiидетъ вамъ печаль и градоразоренiе, или егда найдетъ на вы пагуба. |
1:28 См.: 🔗Ис. 1:15 🔗Иер. 11:11 | Будетъ бо егда призовете мя, азъ же не послушаю васъ: взыщутъ мене зліи и не обрящутъ. |
1:29 См.: 🔗Прит. 1:24 🔗Деян. 13:40 | Возненавидѣша бо премудрость, словесе же Господня не прiяша: |
1:30 | ниже хотѣша внимати моимъ совѣтомъ, ругахуся же моимъ обличениемъ. |
1:31 См.: 🔗Ис. 3:10 | Тѣмже снѣдятъ своихъ путій плоды и своего нечестiя насытятся: |
1:32 | ибо, зане обидѣша младенцевъ, убiени будутъ, и истязанiе нечестивыя погубитъ. |
1:33 См.: 🔗Пс. 111:7 | Мене же слушаяй вселится на упованiи и почіетъ безъ страха от всякаго зла. |