Книга Премудрости Соломона, глава 15 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Исх. 34:6 🔗Пс. 102:8	Ты же Богъ нашъ благъ и истиненъ, долготерпѣливъ и въ милости управляяй вся.
15:2 См.: 🔗1Ин. 2:1	Ибо аще согрѣшимъ, тво­и есмы, вѣдуще державу твою: и аще не согрѣшимъ, вѣмы, яко тебѣ вмѣнихомся.
15:3 См.: 🔗Иер. 9:24 🔗Ин. 17:3	Еже бо знати тебе, всесовершена [есть] правда, и вѣдѣти державу твою, корень есть безсмертiя.
15:4	Ниже бо прельсти насъ человѣческое злохитрое умышленiе, ниже сѣн­нописаныхъ трудъ безплодный, видъ изваянъ различными шары,
15:5	ихже зракъ безумнымъ при­­ходитъ въ похотѣнiе, и любятъ мертваго образа видъ бездушный.
15:6 См.: 🔗Прем. 1:16	Злыхъ любителiе достойнiи таковыхъ надеждъ и творящiи, и любящiи, и че­ст­вующiи.
15:7 См.: 🔗Рим. 9:21	Ибо скудельникъ, мягкую землю мнущь со трудомъ, дѣлаетъ ко служенiю на­шему ко­еждо: но от­ тогожде бренiя созда и яже чистыхъ дѣлъ служебныя сосуды, и сопротивныя, вся подобнѣ: сихъ же обо­ихъ ко­егождо есть употребленiе, судiя есть бренодѣлатель.
15:8 См.: 🔗Быт. 2:7 🔗Еккл. 12:7 🔗Лк. 12:20	И злотрудникъ бога суетна от­ тогожде творитъ бренiя, иже мало прежде от­ земли сотворенъ бывъ, по малѣ идетъ, изъ неяже взятъ бысть, истязанъ о душевнѣмъ долзѣ.
15:9 См.: 🔗Ис. 40:19	Но есть ему при­­лѣжанiе, не яко имать трудитися, ниже яко краткоконечно житiе имать: но ревнуетъ златодѣлателемъ и сребролiятелемъ, и мѣди дѣлателемъ подражаетъ, и славу мнитъ, яко скверная дѣлаетъ.
15:10	Пепелъ бо есть сердце его, и земли хуждше упованiе его, и бренiя безчестнѣе животъ его:
15:11 См.: 🔗Быт. 2:7	яко не увѣдѣ создав­шаго его, и вдохнув­шаго ему душу дѣй­ст­витель­ную, и вдунув­шаго духъ животный.
15:12 См.: 🔗1Тим. 6:5 🔗Иак. 4:13	Но вмѣниша игралище быти животъ нашъ, и житiе все упражнено на при­­обрѣтенiе: ибо глаголютъ, яко подобаетъ от­куду либо, аще и от­ зла, при­­обрѣтати.
15:13 См.: 🔗Втор. 4:16 🔗Втор. 5:8 🔗Отк. 9:20	Сей бо паче всѣхъ вѣсть, яко согрѣшаетъ, от­ веще­ст­ва земленаго удобныя къ сокрушенiю сосуды и изваянiя содѣваяй.
15:14	Вси же пребезумнѣйшiи и окаян­нѣйшiи, паче души младенческiя, врази людій тво­ихъ обладав­шiи ими:
15:15 См.: 🔗Пс. 113:12 🔗Пс. 134:15	яко вся идолы язычески вмѣниша въ боги, имже ниже очесъ употребленiе ко зрѣнiю, ниже ноздри въ при­­влеченiе аера, ниже уши слышати, ниже персты рукъ во осязанiе, и ноги ихъ праздны ко хожденiю.
15:16	Человѣкъ бо сотвори ихъ, и духа взаимъ взявъ созда ихъ: ни единъ бо человѣкъ можетъ себѣ подобна бога создати:
15:17	смертенъ же сый мертва дѣлаетъ рукама беззакон­ныма: лучшiй бо есть идоловъ сво­ихъ: [яко] сей убо поживе, онiи же никогда.
15:18 См.: 🔗Прем. 11:16 🔗Прем. 12:24 🔗Иез. 8:10	И животныхъ мерзкихъ чтутъ: безумная бо сравняемая иныхъ суть хуждша.
15:19	Ниже елико вожделѣти яко въ лицы животныхъ блага суть, от­бѣгоша же и Божiя хвалы и благословенiя его.