Книга Премудрости Иисуса, сына Сирахова, глава 12 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1	Аще добро твориши, разумѣй, кому твориши, и будетъ благодать благимъ тво­имъ.
12:2 См.: 🔗Прит. 19:17 🔗Мф. 10:41	Добро сотвори благо­честивому, и обрящеши воз­даянiе, и аще не от­ него, то от­ вышняго.
12:3 См.: 🔗Прит. 17:13	Не будетъ добро при­­лѣжащему во злыхъ и не подающему милостыни.
12:4 См.: 🔗Гал. 6:10	Даждь благо­честивому и не заступай грѣшника.
12:5 См.: 🔗2Фес. 3:10	Добро сотвори смирен­ному и не даждь нечестивому: воз­брани хлѣбы твоя и не даждь ему, да не тѣми тя преможетъ:
12:6 См.: 🔗Втор. 32:35	сугуба бо зла обрящеши во всѣхъ благихъ, яже аще сотвориши ему: яко и вышнiй воз­ненавидѣ грѣшники и нечестивымъ воз­дастъ месть.
12:7	Даждь благому и не заступай грѣшника.
12:8 См.: 🔗Сир. 6:8	Не познанъ будетъ во благихъ другъ и не скрыет­ся во злыхъ врагъ.
12:9	Егда во благихъ будетъ мужъ, врази его во печали суть, во злыхъ же его и другъ разлучит­ся.
12:10 См.: 🔗3Цар. 2:23 🔗Прит. 11:9	Не ими вѣры врагу тво­ему во вѣки: якоже бо мѣдь ржавѣетъ, тако и злоба его:
12:11	и аще смирит­ся и пойдетъ поникнувъ, настави душу твою и хранися от­ него, и будеши ему яко очищено зерцало, и уразумѣеши, яко не до конца оторжавѣ:
12:12	не постави его при­­ себѣ, да не когда изринувъ тя станетъ на мѣстѣ тво­емъ: не посади его одесную себе, да не по­ищетъ когда сѣдалища тво­его, и на послѣдокъ уразумѣеши словеса моя и о глаголѣхъ мо­ихъ умилишися.
12:13 См.: 🔗Пс. 57:6	Кто помилуетъ обаян­ника зміемъ усѣкнена и всѣхъ при­­ступающихъ ко звѣремъ? такожде ходящаго съ мужемъ грѣшникомъ и при­­мѣшающагося грѣхомъ его:
12:14	часъ съ тобою пребудетъ, и аще уклонишися, не стерпитъ.
12:15 См.: 🔗Пс. 54:22 🔗Иер. 41:6	Устнама сво­има усладитъ врагъ, и много пошепчетъ и речетъ добро глаголя: *очима сво­има прослезит­ся, а сердцемъ сво­имъ усовѣтуетъ вринути тя въ ровъ, и егда обрящетъ время, не насытит­ся крове.
12:16	Аще срящутъ тя злая, ту обрящеши его первѣе себе,
12:17	и яко помагаяй подсѣчетъ пяту твою:
12:18	покиваетъ главою сво­ею и восплещетъ рукама сво­има, и много пошепчетъ и измѣнитъ лице свое.